Jonas 1:3 - Ing Mayap a Balita Biblia

³ Oneng minta ya i Jonas king aliwang lugal ban atakasan ne ing Ginu. Minta ya king Jopa nung nukarin ne disan ing metung a barkung malapit nang mako para munta Tarsis. Binayad na ing pasahi na, at sinake yang kayabe ra ding mamahala king barku ban maglayag munta Tarsis. Isipan nang Jonas king e na ne akit ning Ginu.

Jonas 1:3 Iomraidhean Croise

Genesis 3:8

Inyang damdaman deng lalakad king mulahan ing Ginung Dios king marimla nang dake ning patingapun, sinalikut ya ing lalaki at ing asawa na king Ginung Dios libutad ding tanaman ning mulahan.

Genesis 4:16

Meko ya i Cain king arapan na ning Ginu at menuknangan ya king sakup ning Nod, king dane nang aslagan ning Eden.

1 Ari 19:3

Mitakutan ya i Elias, inya tinakas yang kayabe na ing ipus na, at miras la king Beerseba ning Juda. Likuan ne ing ipus na karin,

1 Ari 19:9

Karin ating kueba; linub ya karin ban matudtud. Kabud-abud migsalita ya ing Ginu. Ngana, Elias, obat atyu ka keti?

2 Cronica 2:15

Inya iparala mu na ngeni keni ing trigu, sebada, larung olibo, at ing alak a binggitan mu kanaku para king kailangan da ring tauan ku.

2 Cronica 2:16

Pakutud ku na la karela king Lebanon ding dutung a kailangan mu. At manibat karin ibalsa da la ring dutung king dagat angga king Jopa. Ikayu na ing makut karing dutung karas karin ban idala king Jerusalem.

2 Cronica 9:21

Atin yang dakal a barku a maglayag king Tarsis a kayabe da ring barku nang Aring Huram. Misan king balang katlung banua magbalik lang magdalang dakal a gintu, pilak, garing, matsin, at peacock.

Ezra 3:7

Minie lang salapi para karing kanteru at karing kalpinteru. Minie la naman pamangan, inuman ampon laru para karing tau Sidon at Tiro ban ipangutud da lang dutung a sedro karin king Lebanon at kaybat ilipat da la king dagat papunta Jopa. Paintulut na iti ning Aring Ciro ning Persia.

Job 1:12

Ngana ning Ginu kang Satanas, Nung makanyan, bibili ku king kekang upaya ing heganaganang atyu kang Job; e mia mu panasakitan. Kaybat na nita meko ne king arapan na ning Ginu i Satanas.

Job 2:7

Kaybat na nita meko ne king arapan ning Ginu i Satanas, at pepalto na la kang Job ding bayang mangatdas king mabilug nang katawan, manibat king talampakan na angga na king bumbunan na.

Ding Dalit 107:23

Ding aliwa sinake lang barku ban lipat ning dagat karin la mangalakal.

Isaias 2:16

Ipalbug na la pati na ding pekamaragul at pekamalagung barku na ning Tarsis at ing sablang ating ulaga.

Isaias 23:1

Iti ya ing mensahi tungkul king Tiro. Ngulangul kayu, ikayung maglayag king dagat! Melasak ne ing kekayung sadsaran king Tiro; mesira la ding bale na at daungan. Miras kekayu iting balita kabang pauli la ding barku yung ibat king Kitim.

Isaias 23:10

Ikayung manuknangan king Tarsis, sulung, sarulan yu ing gabun! Ala nang mamingua kekayu!

Isaias 23:6

Inya ngulangul kayu, ikayung memalen na ning Fenicia! Subukan yung tumakas papunta Tarsis!

Isaias 60:9

Barku lang ibat karing marayung bansa, piniling tau ning Dios yuyuli da la. Pilak at gintu ing darala ra ban ing lagyu ning Ginu parangalan da, ing banal nang Dios ning Israel a makipasari karing sablang bansa ban parangalan lang taung pinili na.

Jeremias 10:9

Ding idolo da belutanan lang pilak a ibat Tarsis at king gintung ibat king Ufas; pawa la ngang dapat da ring magaling a pangamat. Asul at muradu ing imalan a pasulud da a gewa ding magaling a gagawang imalan.

Ezekiel 2:8

Anak ning tau, pakiramdaman mu ing sasabian ku keka. E ka mag-rebelding kalupa ra. Ibuklat me ing asbuk mu at kanan mu ing ibie ku keka.

Ezekiel 27:12

Mekipagkalakalan ka king Tarsis at tinanggap kang pilak, bakal, lata, at tinggaputi bilang kalibe ning dakal mung paninda.

Ezekiel 3:14

Dinatang ya kanaku ing espiritu na ning Ginu a kayabe ing maragul a upaya, at kabang darala na ku ning espiritu dimdam ku ing kaplas kung lub at mua.

Jonas 1:10

At sinabi na pang Jonas karela king tatakasan ne ing Ginu. Mitakutan la ding marino at ngara kang Jonas, Makapangilabut ing depat mu!

Jonas 4:2

Inya nganang menalangin, Ginu, bayu ke likuan ing kanakung tuknangan e ku wari sinabi keka king iti ya ing marahil mung daptan? Iti ya ing sangkan nung inya migkapilit kung tinakas papunta king Tarsis! Balu ku king Dios kang malugud at mapaglunus, king manatili kang mapibabata, maganaka, at manatiling makasadiang magbayu balak at e mamarusa.

Lucas 9:62

Sinabi nang Jesus, Ing ninumang magumpisang sarul at balabalikid ya king kagulutan na e ya maging karapatdapat king Kayarian ning Dios.

Ding Dapat 15:38

oneng para kang Pablo alang sangkan a matulid ing ituki re, uling e ya menatiling kayabe ra angga king kawakasan na ning karelang misyun nune migbalik ya at likuan na la karin Pamfilia.

Ding Dapat 26:19

Uli na niti, Makamal a Aring Agripa, tinupad ku king inutus na ning vision na kanaku ning banua.

Ding Dapat 9:36

Karin naman Jopa, ating metung a babaing milagyuan Tabita, metung yang talasalpantaya. (Ing lagyu na king Griego Dorcas, ngana wari, Usa.) Gagamitan na ing heganaganang panaun na king pamaniapat mayap at king pamaniaup na karing kalulu.

Ding Dapat 9:38

E ya binang marayu king Lida ing balen Jopa. Inyang abalitan da ring talasalpantaya king i Pedro atyu Lida, mitubud lang aduang tau keya a kayabe ning panabilin: Mamalagua kayu sa pung dumalo keni kekami, nung malyari ngeni mu rin.

Ding Dapat 9:42

Mikalat king mabilug a Jopa ing balita tungkul kaniti, at dakal lang tau ding meniwala king Ginu.

Ding Dapat 9:43

Migdatun yang malambat i Pedro karin Jopa at mekipanuknangan ya king metung a taung maglinis balat; ing lagyu na Simon.

1 Corinto 9:16

Ala kung matulid magmaragul agyang panaral ke ing Mayap a Balita. Utus kanaku ing manaral. Makalunus ku, nung e ke ipanaral ing Mayap a Balita!

2 Tesalonica 1:9

Ing maging parusa da ya ing alang anggang kapahamakan at pangawale king Ginu at king maligaya nang kayupayan.

Josue 19:46

Mejarkon, at Rakon, antimu rin ing gabun a makapadurut king Jopa.