Jonas 1:2 - Ing Mayap a Balita Biblia

² Ngana, Munta ka Nineve at magsalita kang laban keting mayupayang siudad uling e makalihim kanaku ing e mayap dang daraptan ding memalen na.

Jonas 1:2 Iomraidhean Croise

Genesis 10:11

Ibat king lugal a ita minta ya king Asiria, at telakad ne ing Nineve, ing Rehobot Ir, ing Cala,

2 Ari 19:36

Kanita i Senakerib, ing ari ning Asiria, minatras ya at migbalik ya king Nineve.

2 Cronica 28:9

I Oded, ing propeta ning Ginu, atyu kanita karin. Selubungan na la ding sundalus ning Israel a migbalik king Samaria at ngana karela, Migtagumpe kayu karing sundalus ning Juda uling mimua ya karela ing Ginu, oneng pete yu la king mitmung bigsikan at balu na ning Ginu.

Ezra 9:6

Ngaku, O Dios ku, e ku makayatna keka uling marine ku, uli da ring kekaming dakal a kasalanan at susukdul la angga banua.

Isaias 37:37

Kanita i Senakerib, ing ari ning Asiria, minatras ya at migbalik king Nineve.

Isaias 58:1

Ngana ning Ginu, Kulisak kang masikan anggang binit mu! Sabian mu karing memalen kung Israelita ing kasalanan da!

Jeremias 20:9

Oneng potang kakung sabian, Kalinguan ku ne ing Ginu, e ku ne banggitan pa ing lagyu na, kanita ing keka namang amanu mengari ya king aping milalablab king libutad ning pusu ku; magalsa kilub dang busbus ding butul ku, mangaina na ku king pamamigil. E ku na bitasang ayaguanta.

Ezekiel 2:7

Sabian mu karela ing nanumang sabian ku keka, makiramdam la man o ali la. E mu kakalinguan king mapaglaban la.

Hosea 7:2

Isipan da king kelinguan ku na ing sablang e mayap a dapat da; makapadurut la karela ding kasalanan da at iti e ku malyaring e akit.

Jonas 3:2

Ngana, Jonas, munta ka Nineve, ing mayupayang siudad, at sabian mu karing tau karin ing mensahing binie ku keka.

Jonas 3:3

Inya memintu ya king Ginu i Jonas at minta ya Nineve, ing siudad a king dagul na mangailangan atlung aldo para lakaran uli na ning maragul ya.

Jonas 4:11

Inya lalu kung sukat mika maragul a lunus king Nineve, ing mayupayang siudad a ita. Uling atin yang maygit dinalan at aduang pulung libung memalen a inosenti, at atin ya namang dakal a baka!

Mikeas 3:8

Oneng tungkul naman kanaku, kakatmuan na ku ning Ginu king espiritu at king upaya na, ning katuliran at tetagan a lub ban sabian ku la karing memalen na ning Israel ding karelang kasalanan.

Nahum 1:1

Iti ya ing mensahi tungkul king Nineve, ing istoria tungkul king vision a ikit nang Nahum a tau Elkos.

Nahum 3:19

Ala nang pangapaldan para karing kekang kapanamdaman, at e na la maulu ding sugat mu. Mamalakpak la king tula ding sablang makaramdam king balita ning pangabagsak mu. Atin waring mekaligtas king alang kalupa mung bigsikan?

Mateo 10:18

Ikaladkad da kayung iyarap karing gobernador at karing ari king uli ku ban ihayag yu karela at karing paganu ing Mayap a Balita.

Mateo 12:41

King Aldo ning Pamanukum, talakad la ding tau Nineve at pamarsalanan da kayu, uling ginulut la karing kasalanan da inyang dimdam deng menaral i Jonas. Sasabian ku kekayu, keti ating metung a maygit pa kang Jonas!

Santiago 5:4

Magsalitang laban kekayu ing upang e yu binie karing taung megobra king kekayung gabun. Susukdul king banua ing saingsing da ring talapagobrang linipit yu; miraras king panamdam na ning Ginung Mayupayang tutu.

Kapahayagan 18:5

Uling susukdul king banua ing kasalanan na, at e na akalinguan ning Dios ing dewakan na.