Jonas 1:16 - Ing Mayap a Balita Biblia

¹⁶ Uli na niting milyari, mitakutan la ding marino king Ginu. King takut da, minie lang ain-sakripisyu at mengaku lang sumuyu king Ginu.

Jonas 1:16 Iomraidhean Croise

Genesis 28:20

Kaybat na nita, mengaku ya i Jacob. Ngana, Nung manatili yang kayabe ku ing Dios at iligtas na ku king panganib kaniting kanakung pamaglakbe at dinan na kung sapat a pamangan at imalan,

Genesis 8:20

Kaybat na nita, mitalakad yang altar i Noe para king Ginu. Kinangwa yang tunggal-tunggal karing animal ampon ayup a malinis, at kaybat inain na la at dilukan babo na ning altar.

2 Ari 5:17

Inya nganang Naaman, Anti na ning e ka bisang tanggap regalu kanaku, malyari na ku man kayang magdalang gabun a akarga da ring aduang asno? E na ku munie ain-a-durulukan o nanumang ain para karing aliwang dios nune mu king Ginu.

Job 37:24

Inya ding tau katakutan de; e na la pansinan ding taung sasabian da ing biasa la.

Ding Dalit 107:22

Kailangan lang munie ain-a-kapasalamatan, at matula da lang ikanta sabla nang depatan!

Ding Dalit 116:14

King katipunan ding memalen na ding pangaku ku king Ginu kaku lang tuparan.

Ding Dalit 50:14

Ing sukat king Dios a kekang iyain ya ing kapasalamatan, at kekang pangaku king Kakataskatasan kekang tuparan.

Ecclesiastes 5:4

Tuparan mung agad itang pengaku mu king Dios uling e ya tutula karing mangmang. Tuparan mu itang pengaku mu.

Isaias 26:9

King bengi ikang pagnasan na ning kakung pusu; ing espiritung atyu kaku taimtim na kang panintunan potang keka yang atulan ing yatu at ding tau, abalu ra kanita ing kabaldugan na ning kekang hustisia.

Jeremias 5:22

Aku ing Ginu, obat ala kayung galang man kanaku? Baket e kayu galgal king arapan ku? Binili ku ing balas anting peka angganan ning dagat, metung a manatiling angganan a e na alipatan. Malyaring malimbuyu ya ing dagat, oneng e ne malyaring lagpus king pampang; malyaring dabungbung masikan ing alun, makanyan man e ne malyaring alipatan.

Daniel 6:26

Yutus ku king mabilug kung kayarian king sukat yang pitakutan at galangan ing Dios nang Daniel. Dios yang mabie at sasakup king kapilan man. Kapilan man e ya masira ing kayarian na, at ing kayupayan na kapilan man e miyangganan.

Jonas 1:10

At sinabi na pang Jonas karela king tatakasan ne ing Ginu. Mitakutan la ding marino at ngara kang Jonas, Makapangilabut ing depat mu!

Jonas 1:14

Inya kinulisak la king Ginu. Ngara, O Ginu, ipakisabi ming mayap king e mu ke sa paburen mate king uli na ning bie ning lalaking iti; ala kaming kasalanan. Ika, O Ginu, ing maki pasari kaniting malilyari. Dapat mu iti!

Marcos 4:31

Kalupa ne ning metung a butul mustasa, ing malating dili karing sablang bini a kinua na ning metung a tau at tenam ne king gabun.

Ding Dapat 5:11

Mig-ari ing maragul a takut king kabilugan a iglesia at karing sablang aliwa pang mekabalita tungkul kaniti.