Joel 3:9 - Ing Mayap a Balita Biblia

⁹ Iting kapabaluan karing sablang bansa kekong ibalita: Magsadia kayu para king gera; ding gerero yu ausan yu la, sablang sundalus yu tipunan la at saka na kayu magmartsa!

Joel 3:9 Iomraidhean Croise

Ding Dalit 96:10

Karing sablang bansa sabian yu: Ing Ginu ari ya. Ya ing minie tetagan king yatu, inya e ya numanu; king mitmung katuliran ukuman na lang sablang tau.

Isaias 34:1

Lumapit kayu, ikayung sablang memalen da ring bansa! Mitipun-tipun kayu at makiramdam. Paburen ya ing mabilug a yatu at ding sablang manuknangan kaniti ing lumapit la keni at makiramdam.

Jeremias 31:10

Ngana pa ning Ginu, Ikong bansa, makiramdam ko kaku at ibalita yu la ding amanu karing marayung pulu. Kaku lang kinalat ding taung kakung pinili, oneng kaku lang tipunan at banten anti ing pastul a magbante karing keyang kawan.

Jeremias 50:2

Sabian yu, ibalita yu karing bansa! Ibalita yu! Ibie ye ing sinial at ipamalita yu! E yu sukat isalikut ing balita! Mibagsak ne ing Babilonia! Ing dios dang i Marduk mengapirasu ya! Mengapakarine lang idolo na, ding makasumami nang larawan mengalasi la!

Jeremias 51:11

Ginising na la panamdam ning Ginu ding ari na ning Medes uling pagnasan na ing lasakan ne ing Babilonia. King anti kaniti ne ablasan uli na ning pangalasak na ning Templo na. Ngarang minutus ding mamuntukan king pamaglusub, Itais yu la ding paslu yu! Isadia yu la ding kalasag yu!

Jeremias 51:27

Ibie ye ing senias ning pamanlusub! Tiupan ye ing trumpeta ban damdaman de ring bansa! Isadia yu la ding bansa para king gera laban king Babilonia! Sabian yu karing kayarian ning Ararat, Minni, at Askenaz ing lumusub na la. Tuldu kang metung a opisyal a manimuna king pamanlusub. Palualan lang anting susulapo durun ding kabayu.

Jeremias 6:4

Sabian da, Magsadia kayung lusuban ya ing Jerusalem! Magsadia kayu! Lumusub tamu king kaugtuan aldo tapat! Oneng ngarang sumabi kanita, Tauli ta na; lalbug ne ing aldo at sisilim na.

Ezekiel 38:17

Ika ing sasabian ku kanita pang milabas a panaun, inyang pepabalu ku king kapamilatan da ring kanakung talasuyu, ding propeta ning Israel, king karing aldo datang mitubud kung metung a lumusub king Israel. Ing Ginung Dios ya ing migsalita.

Ezekiel 38:7

Sabian mu king magsadia ya ampon ding sundalus na king nanumang iyutus na.

Mikeas 3:5

Mapipirait la ding memalen ku karing propetang mangakung kapayapan karetang babie upa karela, oneng pamatakut da ing gera karetang alang aibie upa. Nganang sasabi ning Ginu kareting propeta,

Hageo 2:7

Ibagsak ku la ding sablang bansa at midala la keti ding karelang pibandian at kumatmu yang pibandian ing Templo.

Zacarias 14:2

Tipunan na la ning Ginu ding sablang bansa at gerahan de ing Jerusalem. Mibagsak ya ing siudad; panakawanan da la ring pibalebale at salbahian da la ring babai. Mabihag la ding kapitna karing tau at miyugse la king aliwang bansa, oneng e da la ilako king siudad ding mitagan.

Zacarias 14:3

Kaybat lage ya ing Ginu at makilaban ya karing bansang deta, antimo ing pamakilaban na king milabas a panaun.