Joel 3:8 - Ing Mayap a Balita Biblia

⁸ Paburen ku lang mangapisali karing tau Juda ding kekayung anak a lalaki at babai; ipisali da la karing Sabeo a manuknangan king marayung lugal. Aku, ing Ginu, ing migsalita.

Joel 3:8 Iomraidhean Croise

Job 1:15

inyang bigla lang linusub ding Sabeo at dela da la ngan. Pete da la ngan ding ipus yu. Bukud mung aku pu ing mekatakas ban mamalita kekayu.

Ding Dalit 72:10

Ding ari ning Tarsis at ding aliwang kapuluan buis da king ari ibie ra; ding ari ning Arabia at ning Etiopia datang lang magdalang regalu para king ari mi.

Isaias 60:14

Datang la ding anak da ring keka menggipit, at duku ban kagalangan keka ibie ra. Samba la arapan mu detang kanitang misan keka meninsultu. Ing Siudad ning Ginu ing keka ra ipamalagyu, Zion, ing Siudad ning Dios a Banal ning Israel.

Jeremias 30:16

Oneng ngeni, ding sablang kekayu linaklak ilang malaklak, at ding sablang kekong kalaban, ila naman ding mabihag. Ding sablang kekayu menggipit ila ding magipit, at ding sablang keko miniamsam ila ding masamsam.

Jeremias 6:20

Nanu tang ulaga na ning insenso a darala ra kanaku ibat Seba o ning miyayaliwang pabanglu a ibat king marayung bansa? E ku la tanggapan ding ain da o tumula karing ain-sakripisyu da.

Ezekiel 23:42

Meramdam ing inge da ring milulupung a lalaking dakal, ing metung a grupu da ring lalaking bayung datang a ibat king disyerto. Pepasulud da la ring pulseras karing gamat da reting babai, at pinutung ding malagung korona karing buntuk da.

Ezekiel 38:13

Ikutang da keka ding memalen na ning Seba at Dedan ampon ding mangalakal a ibat Tarsis, Tinipun mu la wari ding kekang sundalus at linusub keti ban manako at maniamsam pibandian? Buri mu waring manikuang gintu at pilak, baka at pibandian, at kaybat mako a dadala mu ing asamsam mo?

Deuteronomio 32:30

Makananu na lang adaig ning metung a tau ding libu, at ding adua sambutan da la ring apulung libung tau subali mu nung gulutan na la at paburen ning Dios a Ginu ra.

Ukum 2:14

Inya meragul ing mua na ning Ginu king Israel, at peintulutan na ing luban da la ring manlub at panakawanan da la. Peintulut na ing masambut la karing kalaban dang makapadurut karela, at e ra na agyung idipensa ding Israelita ing sarili da.

Ukum 4:2

Inya peintulut na ing masambut la kang Jabin, ing ari na ning Canaan a mamuntukan king siudad ning Hazor. I Sisera ya ing pamuntuk da ring sundalus na a manuknangan king Haroset-da-ring-Paganu.

Ukum 4:9

Nganang mekibat, Tuki ku keka, oneng e miyabie keka ing dangalan ning tagumpe uling paburen neng manabu ning Ginu i Sisera king metung a babai. Inya i Debora at i Barak meko lang papunta king Kedes.