Joel 3:7 - Ing Mayap a Balita Biblia

⁷ Ngeni, ilual ku na la karing lugal nung nukarin yu la pisali. Daptan ku kekayu itang depat yu karela.

Joel 3:7 Iomraidhean Croise

Ester 7:10

Karin ye bitayan! nganang minutus ning ari. Inya binite re i Haman ketang pibitayan a pepagawa na para kang Mordecai. Kaybat na nita, milako na ing mua na ning ari.

Isaias 11:12

Ipakit ne ning Ginu ing metung a tanda ban ipabalu na karing bansa king titipunan na na lang pasibayu ding memalen na ning Israel at Juda, at iyuli na la ibat karing apat nang suluk ning yatu.

Isaias 49:12

Ding taung kakung pinili datang lang ibat king marayu, manibat la king norti at king albugan at ibat king Aswan.

Isaias 66:6

Makiramdam kayu! Ing inge king siudad, itang alingongo king Templo, ya ing alingongo ning pamamarusa na ning Ginu karing kalaban na!

Jeremias 23:8

Bagkus sumpa la kanaku bilang mabie Dios a milual karing memalen na ning Israel ibat king bansa king dane norti at karing aliwa pang bansa nung nu ku la kinalat. Kanita manuknangan na la king mismung sarili dang bansa.

Jeremias 30:10

Taung kakung pinili, e kayu tatakut; memalen ning Israel, e kayu mangatakutan. Iligtas da kayu ibat king marayung bansa, king bansa nung nu kayu midalang bihag. Magbalik kayu king kekong bansa, at king kapayapan karin kayu manuknangan; mipanatag kayu bili at metung man ala nang mamatakut kekayu.

Jeremias 30:16

Oneng ngeni, ding sablang kekayu linaklak ilang malaklak, at ding sablang kekong kalaban, ila naman ding mabihag. Ding sablang kekayu menggipit ila ding magipit, at ding sablang keko miniamsam ila ding masamsam.

Jeremias 31:8

Iyuli ku lang ibat king norting bansa, at tipunan ibat karing wakas ning yatu. Datang lang kayabe ra ding bulag at pile, ding mabuktut at ding malapit nang manganak. Muli lang metung a maragul a bansa.

Jeremias 32:37

Tipunan ku la ding tau manibat karing bansa nung nu ku la inugse uli na ning mua ku, kasbu, at pangasugat a panamdam. At ibalik ku la keting lugal at paburen ku lang mibiebie king alang panganib.

Ezekiel 36:24

Kuanan da kayu karing balang lugal at bansa at ibalik da kayu king sarili yung bansa.

Ezekiel 38:8

Kalabas ding dakal a banua utusan keng lumusub king bansa nung nu ding tau mekapagbalik lang miyabe-abe ibat karing dakal a bansa, at mibiebie lang alang takut king gera. Lusuban na la ding bunduk ning Israel a mipaburen at milako tau kilub ning makabang panaun, oneng ngeni panuknanganan de ring tau king mitmung kapayapan.

Joel 3:4

Tiro, Sidon, at ika kabilugan a Filistia, nanu ing buri yung gawan kanaku? Bisa kayung mamayad kanako? Nung makanyan ing buri yu, bayaran da kayung agad!

Zacarias 9:13

Gamitan ke ing Juda anti ing pana ning sundalus, at ing Israel anti ding paslu. Gamitan ku la ding lalaki ning Zion anting metung a espada ban labanan ku la ding sundalus ning Grecia.

Mateo 7:2

uling atulan na kayu ning Dios agpang king pamanatul yu karing aliwa; at ing panyukad yu karing aliwa ya naman ing panyukad ning Dios kekayu.

2 Tesalonica 1:6

Daptan na ning Dios ing sukat marapat; pasakitan na la ding babie kaguluan kekayu.

Santiago 2:13

Atulan neng alang lunus ning Dios ing ninumang e biasang lumunus; oneng e ya sukat mitakutan ing mapaglunus arapan na ning ukum.

Kapahayagan 13:10

Ing ninumang mitalagang mabihag, mabihag ya; ing makamate king espada, king espada ya naman mate. Iti maniawad kapibabatan at kasalpantayanan karing pinili na ning Dios.

Kapahayagan 16:6

Dininan mu lang daya ban inuman da uling peparayan da la ring taung pinili mu at ding propeta. Ita ya ing mangaintulid karela!

Kapahayagan 19:2

Makatud la at matulid la ding pamanatul na! Inatulan ne ing kabalitan a babaing magtinda king katawan na a minyira king yatu king kapamilatan ning pamakipangalugud na. Perusan ne ning Dios uling pete na la ding talasuyu na ning Ginu!

Ukum 1:7

Nganang Adonibezek, Pitu lang pulu ding ari a putut a tindaragul a gamat at bitis ding memulut king pisimen lalam kung lamesa. Depat na ning Ginu kanaku itang depat ku karela. Dela re Jerusalem at karin ya mete.

1 Samuel 15:33

Pekibat nang Samuel, Dakal lang babaing e na manganak uli na ning espada mu. Ngeni ing sarili mung ima ya ing kawalan anak! Kasabi na niti pete ne i Agag at pemirasu arapan na ning Ginu karin king Gilgal.