Joel 3:5 - Ing Mayap a Balita Biblia

⁵ Kinua yu ing kanakung pilak at gintu, at dela yu ing pibandian ku karing templo yu.

Joel 3:5 Iomraidhean Croise

2 Ari 12:18

Kinua na la ngang Aring Joas ding sagradung bage a telaga ra king Ginu ding makatua nang i Jeosafat, Jehoram, at Ahazia, ding ari na ning Juda ampon ding regalung ya mismu ing minie at ing heganaganang gintu king kaban ning Templo at ning palasyu. Pepabie na ngan kang Aring Hazael ning Siria at meko ne kanita king Jerusalem at ding sundalus na.

2 Ari 16:8

Kinua nang Ahaz ing pilak at gintu king Templo ning Ginu at ing king palasyu ban iregalu king ari ning Asiria.

2 Ari 24:13

at dela na naman king Babilonia ing heganaganang pibandian na ning Templo ning Ginu at ning palasyu. Antimo ing asabi na na ning Ginu, pepalaso na lang Nebucadenesar ding gintung kasangkapan a pepagawa nang Aring Solomon para gamitan king Templo ning Ginu.

Isaias 11:11

Potang datang ne ing aldong ita, pasibayu nang gamitan ning Ginu ing upaya na at iyuli na la king bale da ring taung miyugse karin Asiria, Ehipto, at karing bansang Patros, Etiopia, Elam, Babilonia, at Hamat; ding karing lele dagat at pati na ding atyu karing pulu libutad ning dagat.

Jeremias 23:7

Datang mu rin ing aldo, nganang sasabi ning Ginu, nung kapilan ding memalen e na la kapilan man sumpa kanaku bilang mabie Dios a milual karing memalen na ning Israel king bansang Ehipto.

Jeremias 50:28

Makatakas la ding bakwit ning Babilonia; mako la Babilonia at ibalita ra king Jerusalem nung makananung minablas ya ing Ginu karing tau Babilonia uli na ning depat da king Templo na.)

Jeremias 51:11

Ginising na la panamdam ning Ginu ding ari na ning Medes uling pagnasan na ing lasakan ne ing Babilonia. King anti kaniti ne ablasan uli na ning pangalasak na ning Templo na. Ngarang minutus ding mamuntukan king pamaglusub, Itais yu la ding paslu yu! Isadia yu la ding kalasag yu!

Ezekiel 37:12

Inya magsalita ka karing memalen kung Israelita at sabian mu king aku, ing Ginung Dios, ibuklat ku la ding karelang kutkutan. Ilual ku la at iyuli king bansang Israel.

Daniel 11:38

Bagkus, ing galangan na ya pin itang dios a magdipensa karing kuta. Miyain yang gintu, pilak, iyas, at aliwang mangamal a regalu king dios a e ra bitasang simban ding makatua na.

Obadias 1:17

Oneng ating mapilan a makatakas king Bunduk ning Zion, at iti maging banal yang lugal. Abandi de ring memalen nang Jacob ing bansang karelang pangaintuliran.