Joel 3:4 - Ing Mayap a Balita Biblia

⁴ Tiro, Sidon, at ika kabilugan a Filistia, nanu ing buri yung gawan kanaku? Bisa kayung mamayad kanako? Nung makanyan ing buri yu, bayaran da kayung agad!

Joel 3:4 Iomraidhean Croise

2 Cronica 21:16

Kesangkapanan na la ning Ginu ding Filisteo at Arabo a manuknangan siping da ring tau Etiopia ban makigera laban kang Jehoram.

Isaias 14:29

Memalen ning Filistia, mepakli ne ing pamarug a pemarug da keka, oneng ala ka pang matulid ban magsaya. Potang mate ya ing metung a ubingan, atin namang lunto a lalung mabagsik. Miyayapsa ya king ebun na ning ubingan ing metung a dragon a susulapo.

Isaias 34:8

Iti ya ing panaun a iligtas ne ning Ginu ing Zion at sambutan na la ding kalaban na.

Isaias 59:18

Parusan na la ding kalaban na, agpang king depat da, pati na detang manuknangan karing marayung lugal.

Jeremias 47:1

Migsalita ya kanaku ing Ginu tungkul king Filistia bayu ne lisuban ning ari ning Ehipto ing Gaza.

Jeremias 47:4

Dinatang ne ing aldo ban lasakan ya ing Filistia, ban king Tiro at Sidon ikawani ya, at ing sablang kasaupan a makatagan pa. Aku, ing Ginu, ing makamate karing tau Filistia, detang sablang dinatang karing pampang ning Creta.

Jeremias 51:6

Lakuan yu ne ing Babilonia! Tumakas na kayu! E yu paintulut ing mate kayu uli na ning kasalanan ning Babilonia. Mamablas na ku at paparusan ke agpang ketang depat na.

Joel 2:10

King paglusub da, gabun mumugun ya at gagalgal yang banua. Ing aldo at bulan daralumdum la, at batuin ipagkaymut dang aslag da.

Joel 2:2

Aldo yang maralumdum at malungkut, aldo yang matuling at malulam. Lumusub la ding dakal a durun anting dalumdum a kakalat babo ding bunduk. E pa mika anti kanyan, at e na mika anti pa kanian.

Mateo 11:21

Ngana, Makalunus ka, Corazin! Makalunus ka Betsaida! Uling nung king Tiro at king Sidon karin la merapat ding milagrung merapat kekayu, malambat na la sanang mimalan a magaspang at memuntuk abu ding tau karin ban ipakilala ra ing karelang pamanisi.

Mateo 11:22

Sasabian ku kekayu, lalung maragul ing parusang miras kekayu king Aldo ning Pamanukum kesa karing tau ning Tiro at Sidon!

Lucas 10:13

Makalunus na ka Corazin! Makalunus ka naman Betsaida! Nung ding milagru a merapat libutad yu merapat la karin Tiro at Sidon, maluat na la sanang makasulud imalan a magaspang ding tau karin at makalukluk king abu antimong tanda ning karelang pamanisi!

Lucas 10:14

Lalung maragul ing parusang dugpa kekayu king Aldo ning Pamanukum kesa karing tau ning Tiro at Sidon.

Lucas 18:7

Ngeni, ipagkaymut na kaya ning Dios ing katuliran karetang sariling pinili na a mamaus pasaup keya aldo't bengi? E na la kaya agad saupan?

Ding Dapat 9:4

Miragsa ya king gabun at dimdam ne ing metung a siwala a mamaus keya. Ngana, Saulo, baket liligaligan mu ku?

Deuteronomio 32:35

Kaku ing pamanablas; aku ing manyingil; datang ing panaun a mibagsak la, ing aldo ning kawakasan da malapit na.

2 Tesalonica 1:6

Daptan na ning Dios ing sukat marapat; pasakitan na la ding babie kaguluan kekayu.

Ukum 11:12

Kaybat na nita, peparala yang tubud i Jefta king ari da ring Ammonita ban ikutang da: Nanu ing e mu buri kekami? Obat liban me ing bansa mi?