Joel 3:2 - Ing Mayap a Balita Biblia

² Tipunan ku lang sablang bansa, at king Kapatagan ning Husgadu idala ku la. Karin atulan ku la ngan king sabla rang depat karing kakung memalen. Karela lang kinalat ding Israelita karing bansang dayuan, at pinitna de ing Israel a kakung balen.

Joel 3:2 Iomraidhean Croise

2 Cronica 20:26

Inyang kapat a aldo mitipun la king Kapatagan ning Beraka, at pinuri de karin ing Ginu. Iti ing sangkan nung inya inaus deng Beraka itang kapatagan a ita.

Isaias 66:16

Parusan na la ngan king kapamilatan na ning api at ning espada ding taung mikasala keti king yatu, at dakal la ding mate.

Isaias 66:18

Balu ku ing karelang isipan at ing karelang pamaniaptan. Daratang na ku ban tipunan ku la ding memalen da ring sablang bansa. Potang ikua ra nang mitipun akit da nung nanu ing arapat na ning upaya ku

Jeremias 12:14

Ngana ning Ginu, Atin kung buring sabian karing kasiping nang bansa ning Israel a minyira king binie kung gabun king balen kung Israel. Ilako ku la deting taung e mayap karing karelang bansa; mangari la king tanaman a meputput. Iligtas ke ing Juda king gamat da.

Jeremias 25:31

at kabling ing siwala na karing wakas ning yatu. Atin yang dalum ing Ginu laban karing bansa. Tipunan na la ngan ding tau ban litisan na la, at atulan na lang kamatayan ding e mayap. Ing Ginu ya ing migsalita.

Jeremias 49:1

Iti ing sinabi na ning Ginu tungkul king Ammon: Nukarin la ding lalaki na ning Israel? Ala na wari metung man a magdipensa para king bansa ra? Baket pepaburen da la ring taung sasamba kang Molek a kuanan de ing sakup ning tribu nang Gad at karin manuknangan?

Jeremias 50:17

Ngana ning Ginu, Mengari ya king tupang panagalan da ing balen ning Israel at sasambulat ding leon. Mumuna, lisuban na la ning ari na ning Asiria at kadua, ngitngat na la ning Aring Nebucadenesar ning Babilonia ding butul da.

Ezekiel 25:8

Iti ya ing sasabian na ning Ginung Dios, Uling sinabi na ning Moab king ing Juda kalupa de ring aliwang bansa,

Ezekiel 34:6

Iti ya ing sangkan nung inya gala-gala la ding kanakung tupa karing matas a bunduk-bundukan at bunduk. Mikalat la king yatu at ala metung mang migmalasakit o menintun karela.

Ezekiel 35:10

Sinabi mu king ding aduang bansa, ing Juda at ing Israel at ding gabun da, keka la at king bandian mu la, agyang aku, ing Ginu, ing karelang Dios.

Ezekiel 36:1

Ngana ning Ginung Dios, Anak ning tau, magsalita ka karing bunduk ning Israel at sabian mu king makiramdam la

Ezekiel 36:5

Aku, ing Ginung Dios, mekapagsalita ku uli na ning maragul kung mua laban karing bansang makapaligid kekayu lalung-lalu na king Edom. Matula reng lepastangan at binihag ing kanakung bansa at sekupan da la ring kanakung pastulan.

Ezekiel 38:22

Parusan ke king salut ampon king pamipatayan. Dugpa kang Gog at karing sundalus na at karing dakal a bansang kakampi na ing masikan a uran at uran-lipat at api ampon asupre.

Ezekiel 39:11

Ngana ning Ginu, Potang mapalyari na iting sabla, dinan keng pikutkutan i Gog karin king Israel, king Kapatagan da ring Maglakbe, dane nang aslagan ning Dagat a Mete. I Gog at ding sablang sundalus na karin la mikutkut at ing kapatagan mayaus yang Ing Kapatagan da ring Sundalus nang Gog.

Joel 3:12

Sukat lang magsadia ding bansa, at munta king Kapatagan ning Husgadu. Karin, aku, ing Ginu, lukluk ku ban ukuman ku la ding sablang bansang makapadurut.

Joel 3:14

Libu-libu la ding atyu king Kapatagan ning Husgadu. E lumuat karin datang ing aldo ning Ginu.

Amos 1:11

Ngana ning Ginu, Ulit-ulit lang mikakasala ding memalen na ning Edom. Uli na niti, siguradu ku lang parusan uling penagal da lang espada ding Israelitang kapatad da at e da la pekitanan nanumang lunus. Alang kayangganan ing mua ra karela at e ra buring kalinguan.

Mikeas 4:12

Oneng e ra balu deting bansa ing isipan na ning Ginu. E ra balu king tinipun na la ban miyabe-abe lang parusan na antimo ing makayaptas a binutil a madadara.

Zepania 3:8

Inya panayan yu ku, nganang sasabi ning Ginu. Panayan ye ing aldo a aku talakad ku at idalum ku la ding bansa. Inari ku na king lub ku ing tipunan ku la ding bansa at ding kayarian ban takman da ing bigsikan na ning kanakung mua. Malasak ya ing mabilug a yatu king kapamilatan na ning milalablab kung mua.

Kapahayagan 11:18

Mimua la ding taung e kikilala king Dios, oneng dinatang na ing oras ning mua mu at ing pamanukum karing mete at ing pamamie ablas karing talasuyu mung propeta, karing sablang ating takut keka, marangal o kalulu man. Panaun na ban gisanan lang paten ding babie kasiran king yatu!

Kapahayagan 16:14

Ila ding espiritu da ring demonyu a makarapat milagru. Libutan da la ring sablang ari na ning mabilug a yatu ban tipunan da la para king labanan king marangal nang Aldo ning Dios a Mayupayang tutu.

Kapahayagan 16:16

Inya ding espiritu tinipun da la ring ari king lugal a ausan dang Armagedon king salitang Hebreo.

Kapahayagan 16:6

Dininan mu lang daya ban inuman da uling peparayan da la ring taung pinili mu at ding propeta. Ita ya ing mangaintulid karela!

Kapahayagan 20:8

Lumual ya ban linlangan na la ding bansa king mabilug a yatu; ngana wari, ing Gog at ing Magog. Tipunan na la at ituki king pamakilaban. Kasing dakal na la ning balas king pampang ning dagat ding sundalus na.