Joel 3:19 - Ing Mayap a Balita Biblia

¹⁹ Maging disyerto ya ing Ehipto, at malanging gabun ing Edom, uling lisuban de ing Juda at pete ding memalen nang alang kasalanan.

Joel 3:19 Iomraidhean Croise

Ding Dalit 137:7

Ganakan mu sa, O Ginu, ing gewa da ring tau Edom kanitang mebihag ya ing Jerusalem. Ganakan mu nung makananung ulit-ulitan dang sasabian, Lasakan ya at iragsa angga king gabun!

Isaias 11:14

Miyabe lang lumusub karing Filisteo king dane albugan, at kuanan da la pibandian ding taung manuknangan king dane aslagan. Sambutan da la ring memalen na ning Edom at Moab at mamintu la karela ding tau Ammon.

Isaias 11:15

Papamalan ne ning Ginu ing dagat ning Ehipto at padala yang mapaling angin ing Ginu ban langi ya ing Ilug ning Eufrates. Mitagan la ding pitung malating batis ban makadalakit ya karin ing ninuman.

Jeremias 49:17

Ngana ning Ginu, Mabayat ing kasiran a datang king Edom; mabigla ya at mitakutan ing balang manakit.

Jeremias 51:35

Paburen sabian da ring memalen ning Jerusalem, Mamayad ya sa ing Babilonia, king bigsikan a kekatamu depat na! Paburen sabian da ring memalen ning Jerusalem, Mamayad ya sa ing Babilonia, king kasakitan a delanan tamu!

Ding Tagulele 4:21

Wa, tumula kayu, memalen ning Edom at Uz; magsaya kayu kabang atin pang panaun. Ing kabiguan kekayu datang munaman; ikayu man mipaid kayung lubusan king kamarinayan.

Obadias 1:1

Iti ya ing ula nang Obadias, ing sinabi na ning Ginung Dios tungkul king bansang Edom. Tinubud ne ning Ginu ing talapamalita na karing bansa, at dimdam ming sinabi na: Magsadia na kayu! Tara, kekatamu neng labanan ing Edom!

Habakuk 2:17

Kinutud yu la ding tanaman karing kagubatan ning Lebanon; ngeni ikayu naman ing makutud. Pete yu la ding animal na; ngeni ding mamatakut kekayu ila ding animal. Iti mapalyari uli na ning dakal a pamakamate depat yu, at uli na ning kasiran a piniapat yu karing tau keti king yatu at karing miyayaliwa nang siudad.

Zacarias 10:10

Ibat Ehipto at Asiria iyuli ku la bale ra, at papanuknanganan king sariling bansa ra. Papanuknangan ku la naman Gilead, at antimu rin king Lebanon; kumatmu ya karing tau ing mabilug a bansa.

2 Tesalonica 1:6

Daptan na ning Dios ing sukat marapat; pasakitan na la ding babie kaguluan kekayu.