Joel 3:18 - Ing Mayap a Balita Biblia

¹⁸ King panaun a ita, ding bunduk mitakpan la karing mulahan ubas, at ding baka mayakit la karing bunduk-bundukan; ing danum maglabis-labis para king kabilugan a Juda. Magus ya ing metung a batis ibat king Templo ning Ginu, at paranuman ne ing Kapatagan ning Acacia.

Joel 3:18 Iomraidhean Croise

Job 29:6

Dirinan da kung dakal a gatas ding baka ku at kambing, agyang keng mabatu tutubu la ding tanaman kung olibo.

Ding Dalit 46:4

Ating ilug a mamagus babie tula king siudad ning Dios, king banal a tuknangan ning Kakataskatasan.

Exodo 3:8

Inya tinipa ku ban iligtas ku la king gamat da ring tau Ehipto at idala ku lang lual Ehipto king gabun a malualas at mataba nung nukarin labis-labis ing kabiayan. Iti ya ing gabun da ring Cananeo, Hiteo, Amoreo, Perezeo, Heveo, at Jebuseo.

Isaias 30:25

King aldo a mabihag la ding kuta da ring kalaban yu at mate ding memalen da, magus la ding dakal a batis manibat king balang bunduk at bunduk-bundukan.

Isaias 35:6

Ding pile lundag la at terak, at kulisak la ding pipi king tula ra. Magus ing danum libutad ning disyerto;

Isaias 44:3

Munie kung danum king bansang kakau, at kaku lang payagusan ding batis king malanging gabun. Ibie ke ing espiritu ku karing anak mu, at ing bendisyun karing lahi mu.

Isaias 45:8

Miparala kung tagumpe anting uran ibat banua; mibuklat ya ing yatu ban iti tanggapan na, at mag-ari ing kalayaan at ing katuliran. Aku, ing Ginu, ing darapat kaniti ngan.

Isaias 55:1

Ngana ning Ginu, Me ko keni, ikong sablang kakau, oyni ing inuman yo! Me ko keni, ikong alang pera, sali kayung trigu at mangan kayu! Me ko keni, sali kayung alak at gatas, e kayu magastus nanuman!

Isaias 66:11

Ikatula yu ing pangasaplala na, anti ing bingut king salu nang ima na.

Jeremias 31:12

Datang la at magkanta king tula king Bunduk ning Zion, at tumula la karing kakung babie: binutil, alak, at larung olibo, tupa ampon baka. Mangari la king mulahan a parating mididiligan, at e na la takman kalungkutan kapilan man.

Mikeas 6:5

Ganakan yu sa, memalen ku, nung nanu ing binalak nang daptan kekayu ning Aring Balak ning Moab at nung nanu ing pekibat nang Balaam a anak nang lalaking Beor. Ganakan yu la sa ding bage mepalyari inyang lalakad kayung ibat king kampu karin Acacia papunta Gilgal. Ganakan yu la deting miyayaliwang bage at akit yu nung nanu ing depat ku ban aligtas da kayu.

Zacarias 14:8

Potang datang ne ing aldong ita, magus ibat Jerusalem ing malinis a danum; magus ing kapitna king Dagat a Mete, at ing kapitna king Mediteraneo. Kaleldo man o kauran, magus alang patugut ing danum.

Ding Bilang 25:1

Inyang migkampu la ding Israelita king Sitim, mekipangatawan la ding lalaki da karing babaing Moabita.