Joel 3:16 - Ing Mayap a Balita Biblia

¹⁶ Ing Ginu magsalita yang masikan manibat king Bunduk ning Zion; kakablas ing siwala na manibat king Jerusalem; gagalgal ya ing banua at yatu. Oneng ingatan na lang memalen na.

Joel 3:16 Iomraidhean Croise

Ding Dalit 18:2

Kaku ing Ginu anti yang batung maragul a e mauugun; anti yang pader a matibe a babie kaligtasan. Ing kakung Dios batu ya waring matibe a magdipensa kaku, at anti yang kalasag ku.

Ding Dalit 29:11

Dinan ne sanang sikanan ining balen na; bendisyunan ne sa ning Ginu at dinan kapayapan.

Ding Dalit 61:3

Ika ing kakung salilungan, at talapagligtas karing kalaban.

Ding Kasebian 18:10

Mengari ya ing lagyu ning Ginu king toreng matibe; kambilan ne ing taung banal king oras ning pamangailangan.

Isaias 33:16

Kanita mipala kayu at maging panatag a bili; anti kayu mong atyu kilub na ning matibe kuta. Mika sapat kayung pamangan at danum a inuman.

Isaias 33:21

Ipakit na kekatamu ning Ginu ing ligaya na. Manuknangan tamu lele da ring malapad a ilug at batis, oneng alang malyaring maglayag kareti karing barku da ring kalaban.

Isaias 42:13

Ing Ginu lulual yang makilaban anti ing gerero; makasadia ya at mamalaguang makilaban. Kukulisak ne ing tanda ning pamakilaban; papakit nang upaya na laban karing keyang kalaban.

Isaias 51:16

Lidlad ke ing banua, at binili ding pundasyun ning yatu. Ngaku king Jerusalem, Ika ing balen a pinili ku! Binie ku la keka ding amanu ku, at ingatan da ka karing gamat ku.

Jeremias 16:19

Ginu, ika ing mimingat at babie sikanan kanaku; sasaupan mu ku king oras ning kaligaligan. Datang la keka ding bansang ibat karing miyayaliwang suluk na ning yatu at sabian da, Ala lang pibandian ding makatua mi nune mu ding dios a e tutu; ala nune mu ding alang silbing idolo.

Jeremias 17:17

E ka sana maging pitatakutan kanaku; ika ing kanakung santungan at kaligtasan neng daratang ing kaligaligan.

Ezekiel 38:19

King pali ning mua ku sasabian kung matimid king karas ning aldo a ita mika masikan a ayun king bansang Israel.

Hosea 11:10

Potang galeung na kung anting leon karing karelang kalaban kanita da ku tukian ding taung pinili ku. Manibat king albugan mamalagua lang datang kanaku.

Amos 1:2

Nganang sinabing Amos, Magsalita ya ing Ginu karin king Zion; ing bosis na babalandrang ibat Jerusalem. Lalangi ing pipagpastulan, at malalanat ing dikut king Bunduk ning Carmel.

Amos 3:8

Ninu mo ing e mitakutan neng gagaleung ya ing leon? Potang magsalita ya ing Ginung Dios, ninu mo ing makapibatang e ne sabian ing mensahi na?

Nahum 1:7

Ing Ginu mayap ya; ingatan na lang memalen na king oras ning kaligaligan da; ding magbalik sasaupan na la.

Hageo 2:6

E lumuat, ugunan ke ing banua at ing yatu, ing bansa at ing dagat.

Hageo 2:7

Ibagsak ku la ding sablang bansa at midala la keti ding karelang pibandian at kumatmu yang pibandian ing Templo.

Zacarias 10:12

Gawan ku lang masikan ding kakung memalen; samban da ku at aku ing karelang pamintuan. Ing Ginu ya ing magsalita.

Zacarias 10:6

Gawan ku lang masikan ding memalen ning Juda; iligtas ku la ding memalen ning Israel. Malunus ku karela, at iyuli ku la ngan karing bale ra. Maging anti la karing taung e ku bitasang tinggian. Aku ing Ginung karelang Dios; pakibatan ku ing karelang panalangin.

Zacarias 9:12

Muli na kayu, ikong miyugse a ngeni atin nang kapanayan; magbalik na kayu karing katahimikan da ring kekong tuknangan. Ngeni kekayu sasabian ku dobli-dobli ing ibayad ku kekayu, at bendisyun para king kasakitan a kekong delanan.

Hebreo 12:26

Ing siwala na pepagalgalan ne ing yatu king panaun a ita, oneng ngeni ipangaku na, Pagalgalan keng pasibayu e mu ing yatu nune pati na ing banua.

Kapahayagan 11:13

Minayun masikan king oras a ita at melasak ya ing kapulung dake na ning siudad, at pitu lang libu ding mete king ayun. Mitakutan la ding taung mitagan at pinuri da ing degulan na ning Dios ning banua.

Kapahayagan 11:19

Kanita mibuklat ya ing Templo ning Dios karin banua at ikit ke ing Kaban ning Kasunduan na. Sinalisi ing kildap, duldul, ing masikan a alingongo, ing ayun, at minuran dakal a yelu.

Kapahayagan 16:18

At mengildap, menuldul, at minayun masikan; ayun a alang kalupa king mabilug nang istoria na ning meto ketawan. Talagang masikan ya iting ayun!

1 Samuel 15:29

E ya maglaram o magbayu isip ing Dios ning Israel uling e ne man tau a kailangan magbayu isip.