Joel 3:15 - Ing Mayap a Balita Biblia

¹⁵ Ing aldo at ing bulan dalumdum la, at pagkaimut da ring batuin ing sala ra.

Joel 3:15 Iomraidhean Croise

Ecclesiastes 12:2

Ganakan me kabang e ya lalbug ing aldo, bayu ya dalumdum ing bulan at ding batuin, at kabang e la daratang ding biga a magdalang uran.

Isaias 13:10

Tuknang lang saslag ding batuin na ning banua; kulimlim ya ing aldo potang sunlag ya at e na ibie ning bulan ing sala na.

Ezekiel 32:7

Potang paten da na ka, takpan ke ing banua at patdan ku la ngan ding batuin. Salikut ya ing aldo kagulutan da ring biga at e ya sunlag ing bulan.

Joel 2:10

King paglusub da, gabun mumugun ya at gagalgal yang banua. Ing aldo at bulan daralumdum la, at batuin ipagkaymut dang aslag da.

Joel 2:31

Ing aldo dalumdum ya, at ing bulan lare yang anting daya, bayu datang ing maragul at makapangilabut a aldo ning Ginu.

Mateo 24:29

E lambat kaybat ning kaguluan a mapalyari king panaun a ita, e na ibie ning aldo ing sala na, dalumdum ya ing bulan at manabu la ding batuin ning banua at milisia la ding planeta karing karelang dalan.

Marcos 13:24

Pangalabas na ning kasakitan da ring tau, dalumdum ya ing aldo, e na ibie ning bulan ing sala na,

Kapahayagan 8:12

Inyang tiniupan ne ning kapat a anghel ing trumpeta na, mepinsala ya ing katlu nang dake na ning aldo, ning bulan, at ding batuin. Inya milako ing katlung dake ning karelang aslag. Meralumdum ya ing katlung dake na ning patingapun, at lalu yang meralumdum ing katlung dake na ning bengi.