Joel 3:14 - Ing Mayap a Balita Biblia

¹⁴ Libu-libu la ding atyu king Kapatagan ning Husgadu. E lumuat karin datang ing aldo ning Ginu.

Joel 3:14 Iomraidhean Croise

Ding Dalit 37:13

oneng ing Ginu kaylian nia mu, uling akakit nang daratang ing keyang kawakasan.

Isaias 13:4

Pakiramdaman yu ing inge a manibat karing bunduk, ing inge ding dakal a tau, ing inge ding bansa at kayarian a mitipun-tipun. Magsadia ya ing Ginu da ring e mabilang-bilang a sundalus ban iparala na la king labanan ding sundalus na.

Isaias 22:1

Iti ya ing mensahi tungkul king Kapatagan ning Vision. Nanu ing malilyari? Obat magpiesta la ding sablang memalen ning siudad karing asotea babo ding bale ra?

Joel 1:15

Daratang ne ing aldo ning Ginu, ing aldo nung kapilan ing Mayupaya ipagpa nang kasiran. Makatakut ing ipasari na ning aldong ita!

Joel 2:1

Tiupan ya ing trumpeta; kampana tigtigan ya king Zion, ing bunduk-bundukan nang banal ning Dios. Galgal kayu memalen ning Juda! Uling ing aldo ning Ginu malapit niang datang kekayu.

Joel 2:11

Kakabling la ding utus ning Ginu karing e abilang-bilang nang sundalus; ding sundalus a mamintu king Ginu; tune dakal la at masikan lang tutu. Makapangilabut ya ing aldo ning Ginu! Ninu kaya ing miligtas kaniti?

Joel 3:12

Sukat lang magsadia ding bansa, at munta king Kapatagan ning Husgadu. Karin, aku, ing Ginu, lukluk ku ban ukuman ku la ding sablang bansang makapadurut.

Joel 3:2

Tipunan ku lang sablang bansa, at king Kapatagan ning Husgadu idala ku la. Karin atulan ku la ngan king sabla rang depat karing kakung memalen. Karela lang kinalat ding Israelita karing bansang dayuan, at pinitna de ing Israel a kakung balen.

Zepania 1:14

Malapit ne ing marangal nang aldo ning Ginu; malapit neng malapit at mabilis yang daratang! Ing aldong ita maging aldo yang mitmung pait, uling tumangis la pati ding pekamatapang nang sundalus uli na ning ala lang akarapat!

Filipos 3:2

Mangilag kayu karing taung e mayap a panugali; balamu asu lang mapad king pamaniapat marawak at tutung mahilig king pamamungus king maselan nang dake ning katawan.

2 Pedro 3:7

King upaya na mu rin ning amanu na, papanatilian ne ning Dios ing banua at yatu ban siran na king api paniatang ning Aldo ning pamanukum na, at pamakamate karing e mayap a tau.