Joel 3:12 - Ing Mayap a Balita Biblia

¹² Sukat lang magsadia ding bansa, at munta king Kapatagan ning Husgadu. Karin, aku, ing Ginu, lukluk ku ban ukuman ku la ding sablang bansang makapadurut.

Joel 3:12 Iomraidhean Croise

2 Cronica 20:26

Inyang kapat a aldo mitipun la king Kapatagan ning Beraka, at pinuri de karin ing Ginu. Iti ing sangkan nung inya inaus deng Beraka itang kapatagan a ita.

Ding Dalit 7:6

Ginu, mibangun ka at mimua, O Dios ko, talakad na ka! Ing mua ding kalaban ku daigan mu, saupan mu ku, ika a patupad king katuliran.

Ding Dalit 96:13

potang datang ya ing Ginu ban mag-ari king yatu. Pamahalan no ding sablang tau king alang pamangabiran, at king mitmung katuliran.

Ding Dalit 98:9

king arap ning Ginu, uling daratang ya ban yatu ya'ng pamahalan na, at ukuman ding tau ketang katuliran at alang pamangabiran.

Isaias 2:4

Lutasan na ing e ra pamikakaintindi ding mangaragul a bansa. Panden da lang espada ra ban maging sarul la, at maging lait la ding tandus da. E na la lumual makigera ding bansa o magsadia para king labanan.

Isaias 22:1

Iti ya ing mensahi tungkul king Kapatagan ning Vision. Nanu ing malilyari? Obat magpiesta la ding sablang memalen ning siudad karing asotea babo ding bale ra?

Isaias 3:13

Makasadia ne ing Ginu ban isampa king husgadu ing dalum na; makasadia ya ba neng atulan ing balen na.

Ezekiel 30:3

Malapit ne iting aldo, ing aldo nung kapilan ing Ginu dapat ya. Metung yang aldo malulam, at mitmung kaligaligan para karing bansa.

Ezekiel 39:11

Ngana ning Ginu, Potang mapalyari na iting sabla, dinan keng pikutkutan i Gog karin king Israel, king Kapatagan da ring Maglakbe, dane nang aslagan ning Dagat a Mete. I Gog at ding sablang sundalus na karin la mikutkut at ing kapatagan mayaus yang Ing Kapatagan da ring Sundalus nang Gog.

Joel 3:14

Libu-libu la ding atyu king Kapatagan ning Husgadu. E lumuat karin datang ing aldo ning Ginu.

Joel 3:2

Tipunan ku lang sablang bansa, at king Kapatagan ning Husgadu idala ku la. Karin atulan ku la ngan king sabla rang depat karing kakung memalen. Karela lang kinalat ding Israelita karing bansang dayuan, at pinitna de ing Israel a kakung balen.

Mikeas 4:3

Lutasan na ing problema ning bansa king bansang kalupa na, at ing problema ding maragul a upaya malapit la man o marayu la. Gawan da lang sudsud ding espada ra, at sabungke ding tandus da. E na la kapilan man milaban-laban ni pagsadian pa ing gera.

Zacarias 14:4

King aldong ita talakad ya babo ning Bunduk ding Olibo, king dane aslagan na ning Jerusalem. Kanita mapirasu ya king adua ing Bunduk ding Olibo king maragul a kapatagan manibat king dane aslagan angga king dane albugan. Malis ya ing kapitna ning bunduk banda king norti, at ing kapitna banda king mauli.

Kapahayagan 19:11

Kaybat na nita, ikit keng mibuklat ing banua at ikit ke ing kabayung maputi. Ausan deng Tapat at Tutu ing makasake uling makatuliran ing pamanatul na at pamakilaban.