Joel 3:11 - Ing Mayap a Balita Biblia

¹¹ Magmalagua kayung datang, ikong sablang bansang makapadurut, at king kapatagan karin kayu mitipun. Padulungan mu na la, O Ginu, ding kekang sundalus ban karela lang lusuban!

Joel 3:11 Iomraidhean Croise

Ding Dalit 103:20

Ikong masikan at mayupayang anghel, purian ye ing Ginu, ikong mayupaya at masikanan a mamintu king keyang amanu.

Isaias 10:34

Kuturan na la ning Ginu anting tanaman king libutad ning gubat king kapamilatan na ning palakul; miragsa lang anti ding matibe diling tanaman na ning Lebanon.

Isaias 13:3

Inaus na la ning Ginu ding magaling at tapat nang sundalus ban makilaban king metung a banal a gera at parusan la ding kamuan na.

Isaias 37:36

Kanita minta ya king kampu da ring tau Asiria ing metung a anghel na ning Ginu, at mekamate yang dinalan walung pulu't limang libung sundalus. Itang kabukasan a abak a maranun, inyang migising la ding memalen, ikit da lang pakapase; mete la ngan!

Joel 3:2

Tipunan ku lang sablang bansa, at king Kapatagan ning Husgadu idala ku la. Karin atulan ku la ngan king sabla rang depat karing kakung memalen. Karela lang kinalat ding Israelita karing bansang dayuan, at pinitna de ing Israel a kakung balen.

Mikeas 4:12

Oneng e ra balu deting bansa ing isipan na ning Ginu. E ra balu king tinipun na la ban miyabe-abe lang parusan na antimo ing makayaptas a binutil a madadara.

Zepania 3:8

Inya panayan yu ku, nganang sasabi ning Ginu. Panayan ye ing aldo a aku talakad ku at idalum ku la ding bansa. Inari ku na king lub ku ing tipunan ku la ding bansa at ding kayarian ban takman da ing bigsikan na ning kanakung mua. Malasak ya ing mabilug a yatu king kapamilatan na ning milalablab kung mua.

2 Tesalonica 1:7

At ikayu namang mibata dinan na kayung kasnawan at antimu rin ikami. Daptan na iti potang datang yang manibat banua ing Ginung Jesus a kayabe ding mayupaya nang anghel.

Kapahayagan 19:14

Tutukian de ring sundalus na ning banua a makaimalan malinis at maputing tela, at makasake la naman karing kabayung maputi.