Joel 3:10 - Ing Mayap a Balita Biblia

¹⁰ Gawan lang espada ding kekong sarul, at kekong pangaltas gawan yong tandus. Pati na ding maina sukat lang sagupa.

Joel 3:10 Iomraidhean Croise

2 Cronica 25:8

Agyang pang kayabe yu la o makilaban kayung mitmung tapang king labanan, makanyan man pasambut na kayu ning Dios karing kalaban uling ya ing mamie tagumpe o pangasambut kekayu.

Isaias 2:4

Lutasan na ing e ra pamikakaintindi ding mangaragul a bansa. Panden da lang espada ra ban maging sarul la, at maging lait la ding tandus da. E na la lumual makigera ding bansa o magsadia para king labanan.

Jeremias 51:11

Ginising na la panamdam ning Ginu ding ari na ning Medes uling pagnasan na ing lasakan ne ing Babilonia. King anti kaniti ne ablasan uli na ning pangalasak na ning Templo na. Ngarang minutus ding mamuntukan king pamaglusub, Itais yu la ding paslu yu! Isadia yu la ding kalasag yu!

Mikeas 4:3

Lutasan na ing problema ning bansa king bansang kalupa na, at ing problema ding maragul a upaya malapit la man o marayu la. Gawan da lang sudsud ding espada ra, at sabungke ding tandus da. E na la kapilan man milaban-laban ni pagsadian pa ing gera.

Zacarias 12:8

King aldong ita ingatan na la ning Ginu detang manuknangan king Jerusalem; pati ing mainang dili karela maging masikan yang anti i David kanitang milabas a panaun. Ding manimuna karela ila ring lahi nang David, anti la ing anghel ning Ginu, anti ing Dios mismu.

Lucas 13:12

Inyang ikit neng Jesus inaus ne at ngana, Babae, kumayap na ka king sakit mu!

Lucas 22:36

Oneng ngeni, nganang Jesus karela, nung atin kayung pitaka o suput idala ye. Ing ninumang alang espada kailangan ing pisali ne ing balabal na ba yang saling metung.