Joel 2:6 - Ing Mayap a Balita Biblia

⁶ Kabang lalapit la, ing balang tau gagalgal ya; manimutla ya ing balang lupa.

Joel 2:6 Iomraidhean Croise

Ding Dalit 119:83

Ala kung silbi kalupa ning mebusbus a balat pilulanan alak; makanyan man, e ku la kelinguan ding kekang kautusan.

Isaias 13:8

Mitakutan la ngan at misakitan anti ing kasakitan na ning babaing manganak. Milalawayan la at king mitmung takut lare la lupa uli na ning dine ra.

Jeremias 30:6

Tuknang ka at mibulebule! Malyari ya waring manganak ing lalaki? Baket akakit ku la ding gamat ding balang lalaki a makatalan karing karelang atian anti ing babaing miraramdam? Baket maputla ya ing balang metung?

Jeremias 8:21

Medurug ya ing kakung pusu uling medurug la ding taung pinili ku. Tune malungkut ku at alang kalupa ing kalungkutan ku.

Ding Tagulele 4:8

Ngeni karing dalan pakakalat la; karela alang makakilala; mete lang metuling a lupa, malanging anting dutung ing balat da, at makapakat karing butul da.

Nahum 2:10

Melasak ya ing siudad ning Nineve, ala yang katau-tau! King takut malalaso lang pusu; gagalgal la ding tud, sikanan mebating; maputla lang karelang lupa.

Nahum 2:11

Nukarin ya ngeni ing siudad a king misan anti yang kueba ding leon, ing lugal nung nukarin da la pakanan ding anak da, nung nu ding leon at ding anak da mamunta la, at ligtas king nanumang disgrasya?