Joel 2:3 - Ing Mayap a Balita Biblia

³ Mengari la king api a lalaklak karing tanaman. King karelang arapan ing bansa anti ya ing Mula ning Eden, oneng king karelang kagulutan metung yang malanging ilang. Karela alang miligtas metung man.

Joel 2:3 Iomraidhean Croise

Genesis 13:10

Linawe yang makapadurut i Lot at ikit nang mipaparanuman yang masalese ing mabilug a Kapatagan ning Jordan angga karin Zoar, kalupa na ning sarili nang mulahan ning Ginu o ning Ehipto. (E ne pa kanita silaban ning Ginu ing Sodoma at Gomorra.)

Genesis 2:8

Kanita mibili yang metung a mulahan ing Ginung Dios karin king Eden, king aslagan, at binili ne karin ing taung inubug na.

Ding Dalit 50:3

Daratang ya ing kekatamung Dios, oneng e king katahimikan; makauna ya ing aping milalablab, at ing masikan a bagyu ya ing makapadurut king Dios.

Ding Dalit 97:3

Atyu mumuna na ing api; sisilaban na lang makapadurut nang kalaban.

Exodo 10:15

Tikpan da ing gabun angga king metuling iti karela; pengan da ing mitagan king uran-lipat at pati na ding bungang tanaman. Alang mitagan a berdi karing dutung ampon tanaman king mabilug a Ehipto.

Exodo 10:5

Takpan de ing mabilug a Ehipto uli na ning keraklan da ring durun. Kanan da ngan ing sablang e na sinira ning uran-lipat at pati na ding tanaman a mitagan.

Isaias 14:17

Aliwa wari ya ing linasak karing siudad at gewang anting disyerto ing yatu? Aliwa wari ya ing e bisang mibulus karing bihag at e na la buring paulian?

Isaias 15:6

Malangi ya ing Sapa ning Nimrim; melangi ing dikut king lele na at alang nanumang mitagan a sagiwa.

Isaias 33:4

Mesamsam at meyakua ing pibandian dang balamu delanan da ring durun.

Isaias 51:3

Ipakit ku ing kakung lunus king Zion, karing sablang manuknangan karing melasak nang lugal. Agyang pang ing lugal na metung neng disyerto, gawan ke mu ring metung a hardin, anti ing hardin ku king Eden. Tula at saya ing atyu karin; kantang kapurian at kapasalamatan ing ikanta ra kaku.

Isaias 9:18

Mengari ing dapat dang e ustu ding tau king aping lalaklak karing miyayaliwang dikut at tanaman a masuksuk. Mitataung anting silab king kasukalan a maki asuk a susun-susun papunta babo.

Isaias 9:19

Uling mua ya ing Ginung Mayupaya, milalablab anting silab ing pamamarusa na king mabilug a bansa at makamate karing tau, at ya nang balang magligtas king sarili na ing metung at metung.

Jeremias 5:17

Laklakan da ing kekayung pupul at ing kekayung pagkabie; paten da la ring anak yung lalaki at babai. Gisanan da lang paten ding sese yung baka at tupa; siran da la ring kekayung tanaman a ubas at higera. Lasakan da la ring karelang sundalus ding siudad yung pakakuta a panaligan yu.

Ezekiel 36:35

Isalita na ning metung at metung king iting bansa a kanitang misan metung yang gubat, ngeni meging anti ya king Mula ning Eden at nung makananung ding melasak a siudad mesamantala la at mipatag king gabun, ngeni atin lang taung manuknangan at makapaligid lang pader.

Amos 7:4

Pepakit ne kanaku ning Ginung Dios ing metung pang vision. Keting vision ikit keng magsadia ban parusan na la ding taung pinili na king kapamilatan na ning silab. Pepamalan ne ning silab ing malapad a dagat lalam ning gabun at megumpisa nang mikakalat ing silab king bansa.

Habakuk 1:6

Paburen ku lang mibabo king upaya ding tau Babilonia, detang taung mabagsik at alang karatunan. Magmartsa lang papunta karing miyayaliwa nang suluk ning yatu ban lusuban da la ring aliwang bansa.

Zacarias 7:14

Anti ing bagyu kinalat ku la ban manuknangan karing dayuan a bansang e ra bitasang balu. Mipaburen ya iting masanting a gabun, at metung man alang manuknangan.