Joel 2:26 - Ing Mayap a Balita Biblia

²⁶ Ngeni mika pamangan kang dakal at kumabsi ka. Ing Ginung kekang Dios keka yang purian, ing dinapat makapagmulalang bage para keka. E ne pasibayu pang mainsultu ing kakung balen.

Joel 2:26 Iomraidhean Croise

Genesis 33:11

Tanggapan mu na sana iting babie ku keka anti na ning dininan na ku ning Dios king heganaganang kailangan ku at dakal na ku pibandian. Pemilit ne angga king mebisa ya.

Nehemias 9:25

Abihag da lang pakakutang siudad, matabang gabun, bale mitmung pibandian, depositung danum, mulahan olibo at ubas, at miyayaliwa pang tanaman a mamunga. Mengan la at kinabsi at metaba la. Meligaya la king mayap a binie mu karela.

Ding Dalit 103:5

Kaku panabang nang bage mayap ban manatili ing kakung pangakayanakan at masikan kalupa ning agila.

Ding Dalit 116:7

Magtiwala ka king Ginu, O kaladua ku, uling ing Ginu dakal ing mayap a depat na para kaku.

Ding Dalit 13:6

Magkanta ku keka, Ginu, uli ning mayap a depat mu kaku.

Ding Dalit 22:26

Mangan la at kumabsi ding kalulu; detang king Ginu lalapit purian de. King kapilan pa man sana minawa la!

Ding Dalit 37:19

Nung datang ing kagipitan balu ra ing karelang daptan; king panaun ning danup e la magkulangan.

Ding Dalit 67:5

Mananu na sanang ding tau, O Dios, ika ing karelang purian; ika sana ing purian da ring taung kekang lelangan!

Ding Dalit 72:18

Purian ya ing Ginu, ing Dios ning Israel a bukud pepalto karing makapagmulalang dapat.

Ding Kasebian 13:25

Labis-labis ing kabiayan da ring taung banal, oneng ing taung e mayap parati yang atyu king pamangailangan.

Ing Malagung Diling Kanta 5:1

Linub ku king kakung mulahan, ing kakung kakaburi at kakung ketanguanan. Mangua kung mira at aliwa pang mabanglung tanaman; mangan kung pulut at pulut ding panilan; inuman ku ing alak at ing gatas. Mangan kayu, O malsinta, at minum angga king lasing kayu!

Isaias 25:1

Ika ing kakung Dios, O Ginu; galangan ke at purian ing lagyu mu. Dinapat kang bage pagmumulalan; king katapatan keka lang tiparan ding planung kekang belangkas king panaun a milabas.

Isaias 29:22

Inya ngeni, ing Ginu, ing Dios ning Israel a migligtas kang Abraham king kaligaligan na, sasabian na, O memalen ku, e na kayu mibili pa king kamarinayan at e na la mangalare king dine ding lupa yu.

Isaias 45:17

Oneng linigtas ne ning Ginu ing Israel; ing tagumpe na manatili kapilan man; e na la mibili ding memalen na king alang dangalan.

Isaias 49:23

Maging anti lang tata kekayu ding ari; ding reyna lingapan da kayung anting ima yu. Duku la arapan yu at parangalan da kayu; king kababan lub ipakit da ing kagalangan kekayu. Akilala yu kanita king aku ing Ginu; ala metung mang mipakarine karetang manenayang saup kaku.

Isaias 54:4

E ka tatakut; e na ka pasibayung milako dangalan; e na ka mibili pa king kamarinayan. Akua mu nang kalinguan ing kekang kataksilan kanitang kayanakan kang talasawa, at ing lubus mung pamangulila antimong metung a biuda.

Isaias 55:2

Baket paigastus kayu king e tune makakabsi? Baket sueldu gagastusan yu la, makanyan man danupan kayu pa? Makiramdam kayu kaku, at daptan ing kakung sasabian, at mayama kayung mangan king pekamaniaman a pamangan.

Levitico 25:19

Palto na ning gabun ing sablang kailangan yung kabiayan, kumabsi kayu at mibiebie kayu king mitmung kapanatagan.

Levitico 26:26

Mabawas ing pagkabiayan yu, inya maglutu na la mu ding apulung babai king metung mung kalang. Irasyun da pa ing pamangan; mangan kayu oneng e kayu kumabsi.

Levitico 26:5

Dakal ing kekayung pupul angga king mikit ing kekayung pamamalut ila ning pamanagtal yung ubas, at e kayu pa man meyaring menagtal ubas datang na ing panaun na ning pamanasik. Maglabis-labis ing kabiayan yu at mibiebie kayung panatag.

Mikeas 6:14

Mangan kayu, oneng e kayu kumabsi; dumanup kayu pa mu rin. Dalan yu ing tinupun yu, oneng e yu pa mu rin aligtas. Siran na ning gera ing nanumang bage a aligtas yu.

Zepania 3:11

King panaun a ita, O balen ku, e na kailangan ing pikarine yu ing pamag-rebeldi yu kanaku. Ilako ke ing ninumang magmatas at magpalalu at kapilan man e na kayu pasibayung magrebelding laban kanaku king banal kung bunduk-bundukan.

Zacarias 9:15

Ing Ginung Mayupaya memalen na ingatan na la, at ding kalaban da karela lang paten. Kulisak la libutad ning labanan anti ding taung malasing, at ing daya ding kalaban karelang payagusan; magus anti ing daya ning animal a sasakripisyu, ing dayang tutugtug da karing suluk ning altar.

Zacarias 9:17

E mu nanung kayapan at leguan ing mayakit kanita king bansa! Dagul lang masikan a katawan ding baintau na at dalaga uli ning binutil at alak a pangabiayan da.

Roma 10:11

Ngana ning kasulatan, E ya mabigu ing ninumang maniwala keya.

Roma 5:5

at iti namang kapanayan e makabigu kekatamu uling tigtug na ning Dios ing lugud na karing pusu tamu king kapamilatan na ning Banal a Espiritu a babie na ning Dios kekatamu.

Roma 9:33

a amanuan na ning kasulatan, Lawan yu, ibili ke king Zion ing metung a batu a makatisud karing tau; metung yang batung makaragsa karela, oneng ing ninumang maniwala keya e ya mabigu.

Deuteronomio 11:15

at dikut king marangle para karing sese yung animal. E kayu magkulangan king nanumang kailangan yu.

Deuteronomio 12:12

Ikayu, ding anak yu at ipus sukat kayung tumula arapan ning Ginu. Tumula kayung abe ding Levita a manuknangan karing kekayung balen, uling ala lang dake deti king gabun a bandian yu.

Deuteronomio 12:18

Ikayu at ding anak yu ampon ipus at ding Levitang manuknangan king balen yu, malyari yu la mung kanan deti king arapan na ning Ginung kekayung Dios, oneng keta mung lugal a pinili na ning Ginung kekayung Dios. At sukat kayung tumula king Ginung kekayung Dios king sablang depat yu.

Deuteronomio 12:7

Ketang lugal mu ring ita karin kayu miyabe-abe mangan arapan ning Ginung kekayung Dios bilang kapurian at kapasalamatan king bendisyun a binie na kekayu at karing pamilya yu.

Deuteronomio 8:10

Mabsi karin at e kayu dumanup; at purian ye ampon pasalamatan ing Ginung kekayung Dios uli na ning gabun a mataba a binie na kekayu.

1 Timoteo 6:17

Iyutus mu karing mabandi king e la sa mapagmaragul ni manalig king pibandian a alang kapilmian; nune manalig la king Dios a babie labis-labis king bage a makaligaya kekatamu.

1 Juan 2:28

Inya, anak ko, manatili kayu kang Cristo ban maging panatag ing lub tamu king paniatang nang pasibayu at ban e tamu dumine king Aldo ita.