Joel 2:23 - Ing Mayap a Balita Biblia

²³ Tumula kayu, memalen ning Zion, magsaya kayu uli ning depat na para kekayu ning Ginung kekong Dios. Kekayu binie na ing sapat a uran king kekong pupul; bildug na ing uran king panaun ning dimla, at uran-kaleldo antimo ing sadia.

Joel 2:23 Iomraidhean Croise

1 Ari 8:36

pakiramdaman mu la sana ken king banua. Patawaran mu ing kasalanan da ring taung pinili mu, ding memalen ning Israel, at ituru mu itang mayap a sukat dang daptan. Kaybat, ibaldug mu ing uran keting kekang gabun a kekang binie karing kekang memalen bilang mana ra.

Job 33:23

Sana datang yang sumaup ing metung mu man karing libu-libung anghel a paganaka karing katungkulan da ring tau.

Job 37:13

Padala na ing uran ban paranuman ing gabun; malyaring padala na bilang pamamarusa o ban pakit na ing pakamal na.

Ding Dalit 104:34

Mananu na sanang ing kakung pamagkanta makaibie yang tula, uling king Ginu tutula ku.

Ding Dalit 147:8

Ing banua tatakpan neng biga; ya ing babie uran king yatu; king dikut karing bunduk ya ing patubu.

Ding Dalit 149:2

Tumula ka, Israel, uli ning kekang Talapaglalang; uli ning Ari mu, magsaya kayu, memalen ning Zion!

Ding Dalit 28:7

Ing Ginu ya ing kakung kalasag at sikanan, ya ing bukud kung pagkatiwalan, inya manakit kung kasaupan; masaya ku at pagkanta keng kapasalamatan.

Ding Dalit 32:11

Tumula kayu king Ginu, tumula kayu, ikong banal! Ikong sablang ating malinis a pusu, tula ikulisak yu.

Ding Dalit 84:6

Kabang daralan la king malanging gabun ning kapatagan ning Baca, maging lugal yang dakal a sibul, at ing maranun a uran kakatmuan neng batis!

Ding Kasebian 16:15

Babie bie ing timan na ning ari; ing mayap nang pilubluban mengaring uran king oras ning pamangailangan.

Isaias 30:21

Nung malili kayu king dalan, king banda yu mang wanan o kayli, damdaman yu ing siwala na kagulutan yu. Sabian na, Oyni ing dalan. Keni kayu dumalan.

Isaias 30:23

Paratang yang uran ing Ginu kapilan mang mananaman kayu ban paragulan na la at dinan na kayung dakal a pupul at mika malabung lang pastulan ding kekayung baka.

Isaias 41:16

Keka lang iyatsa king matas; isulapo ning angin at isalbag ning alisus. Kanita ika tumula ka, uling aku ing kekang Dios; aku ing kekang purian, ing Banal a Dios ning Israel.

Isaias 61:10

Magsaya ya ing Jerusalem uli ning depat ning Ginu. Mengari ya king dalagang makaimalan pangkasal. Pibablas ne ning Ginu king tagumpe at kaligtasan!

Jeremias 3:3

Iti ya ing sangkan nung inya e minuran at e bitasang minuran agyang king panaun ning kauran. Pati itsura mu lupang babaing magtinda king katawan na; tutu na kang alang marine!

Jeremias 5:24

E yu bitasa mang aisip ing galangan yu ku agyang parala kung uran king panaun ning uran kaybat ning dimla at dirinan da kayung panaun para mupul balang banua.

Ding Tagulele 4:2

Ding pakamalan nang baintau ning Zion kekatamu gintu ing karelang kalupa, oneng ngeni mengari lang matbud a kuran ding karelang gewa.

Ezekiel 34:26

Bendisyunan ku la at paintulutan ku lang mibiebie makapaligid king banal kung bunduk-bundukan. Bendisyunan ku la karin king kapamilatan na ning uran potang kailangan da iti.

Hosea 6:3

Magkapilit tamung abalu ta ya. Siguradu yang datang kekatamu antimo nung makananu yang daratang ing abak. Datang ya kekatamu anti ing uran a didilig king yatu king panaun ning kauran.

Levitico 26:4

kanita parala kung uran king takdang panaun ban mamunga lang dakal ding tanaman yu.

Amos 4:7

E ku pepauran inyang kailangan da ring kekong tanaman ing uran. Pepauran ku king metung a siudad, oneng ali ku king aliwa. Miyuranan ya ing metung a marangle, oneng melangi ya ing aliwang marangle.

Zacarias 10:1

Maniawad kayung uran king Ginu king panaun ning kauran. Ing Ginu ya ing parala king lulam at mibabaldug king uran; pasagiwan ne ing marangle para karing sabla.

Zacarias 10:7

Ding memalen ning Israel maging masikan lang anti ding sundalus, masaya anti ding lalaking miminum alak. E ra kalinguan ding karelang lahi iting tagumpe ra, at maging masaya la uli ning depat ning Ginu karela.

Zacarias 9:13

Gamitan ke ing Juda anti ing pana ning sundalus, at ing Israel anti ding paslu. Gamitan ku la ding lalaki ning Zion anting metung a espada ban labanan ku la ding sundalus ning Grecia.

Zacarias 9:9

Magsaya kayu, memalen ning Zion! Kulisak kayu king tula, ikong tau Jerusalem! Lawan yu, daratang ya kekayu ing kekong ari! Daratang yang kayabe ing tagumpe, oneng mapagpakumbaba ya at metung yang asno ing sasaken na, metung yang biseru, anak ning gaindung asno.

Ding Dapat 14:17

Makanyan man dininan na kayung masalang tanda tungkul king sarili na king kapamilatan da ring mayap a bage daraptan na kekayu; dirinan na kayung uran ibat banua at ya ing babie bunga karing tanaman yu king karampatan a panaun; ya ing babie pagkabie at mangatmung tula kekayu.

Deuteronomio 11:14

Nung daptan yu iti, pauranan na ing gabun yu king oras a kailangan yu, king isanumang panaun ban mupul kayung trigu, ubas, at larung olibo,

Deuteronomio 28:12

Ibuklat ne ning Ginu ing banua, ing simpanan ning pibandian na, ban itugtug na ing uran a kailangan ning marangle yu at bendisyunan na ing sablang daraptan yu. Inya ikayu ing pautang karing dakal a bansa at aliwa ikayu ing manutang.

Deuteronomio 32:2

Mananu na sanang ing kakung turu manabung anti ing uran, at ding amanu ku dugpa anti ing ambun a didilig king dikut ampon karing tanaman.

Filipos 3:1

Katataulian, kapatad ku, dinan na kayu sanang maragul a tula ning Ginu. E ku sasawan ing ulitan ku ing sinulat ku nang minuna kekayu at iti naman para king ikakayap yu.

Filipos 3:3

Ganakan yu king aliwa ila, nune itamu ding tune mesirkunsisyun uling sasamban ta ya ing Dios agpang king Espiritu na, at miyayatdanan tamung tula king bie tamung makayabe kang Cristo Jesus. E tamu kailangan ing magtiwala king seremonia na ning pamaniugat king katawan.

Filipos 4:4

Tumula kayu sanang parati king pamibiebie yung makayabe king Ginu. At iyulit kung sabian, tumula kayu!