Joel 2:22 - Ing Mayap a Balita Biblia

²² Ikong animal, e ko sa mitatakutan uling sagiwa na lang kekong pastulan; ding tanaman mamunga na la ngan, at dakal lang bungang higera at ubas.

Joel 2:22 Iomraidhean Croise

Genesis 4:12

Mananaman ka man, oneng ala yang ibie pupul ing gabun; ala kang pupulan. Maglibut-libut ka king mabilug a yatu at e ka malyaring mipaindatun nu man karin.

Ding Dalit 36:6

Ding kautusan mu't kaburian anti la karing matas a bunduk; ing kayatulan mu malalam anti ing dagat. O Ginu, ding tau at animal parehu mu lang pagmalasakitan.

Ding Dalit 65:12

Ding pipagpastulan mitmu la karing kawan, mitmu lang tula ding bunduk-bundukan.

Ding Dalit 65:13

Wa, ding mataba at dakal a tupa gagala la, at ing marangle dakal a trigu papalto na. Papalakpak ing sabla at magkanta la pang matula.

Ding Dalit 67:6

King kekeng asikan dakal ing kekeng pipulan, ing Dios, ing kekatamung Dios, ya ing minie kaniti ngan.

Isaias 51:3

Ipakit ku ing kakung lunus king Zion, karing sablang manuknangan karing melasak nang lugal. Agyang pang ing lugal na metung neng disyerto, gawan ke mu ring metung a hardin, anti ing hardin ku king Eden. Tula at saya ing atyu karin; kantang kapurian at kapasalamatan ing ikanta ra kaku.

Ezekiel 36:30

Parakalan ku la bunga ding tanaman yu at marangle ban e na mika danup a pasari king pangalako yu dangalan libutad da ring bansa.

Ezekiel 36:35

Isalita na ning metung at metung king iting bansa a kanitang misan metung yang gubat, ngeni meging anti ya king Mula ning Eden at nung makananung ding melasak a siudad mesamantala la at mipatag king gabun, ngeni atin lang taung manuknangan at makapaligid lang pader.

Ezekiel 36:8

Oneng pasibayu lang tumubu karing bunduk ning Israel ding bulung karing tanaman at mamunga la para keka, O balen kung Israel. E lumuat muli na ka king tuknangan mu.

Jonas 4:11

Inya lalu kung sukat mika maragul a lunus king Nineve, ing mayupayang siudad a ita. Uling atin yang maygit dinalan at aduang pulung libung memalen a inosenti, at atin ya namang dakal a baka!

Hageo 2:16

lepitan ye ing makatumpuk a binutil at asahan yung manikua kayung aduang pulung datukanan, oneng apulu mu ing atyu karin. Buri yu ing manikua kayung limang pulung galun a alak king metung a datukanan, oneng manikua kayu mung aduang pulu.

Zacarias 8:12

Mananaman la libutad ning kapayapan. Mamunga la ding karelang tanaman a ubas, palto yang dakal a pagkabiayan ing gabun, at mabaldug ing dakal a uran. Ibie ku iting sablang kanawan karing memalen a mitagan niting bansa.

1 Corinto 3:7

Aliwa ing tinanam o ing menugtug ing maulaga, nune ing Dios a pepatubu king tanaman.