Joel 2:21 - Ing Mayap a Balita Biblia

²¹ Marangle, e ko sa tatakut; tumula at magsaya kayu uli ning sablang depat ning Ginu para kekayu.

Joel 2:21 Iomraidhean Croise

Genesis 15:1

Kaybat na nita, dimdam neng migsalitang Abram ing Ginu king kapamilatan na ning metung a vision. Ngana, E ka tatakut Abram! Aku ing kekang kambilan at maragul ing galal a ibie ku keka.

Ding Dalit 71:19

O Dios, mayupaya ka, at ing kekang katuliran miraras angga king matas a banua. Kekang depatan makapagmulala; O Dios, ala kang kalupa.

Ding Dalit 98:8

Ikong sablang ilug makpak kayu ngan; ikong sablang kabundukan miyabe-abe kayung matulang magkanta

Isaias 35:1

Ing disyerto magsaya ya, at karing gabun a alang ulaga lunto lang sampaga.

Isaias 41:10

E ka tatakut; kayabe mu ku! Aku ing kekang Dios; e ka sa mitatakutan. Gawan da kang masikan at kakung saupan; ingatan da ka at iligtas.

Isaias 44:23

Kulisak ka king tula, O matas a banua! Kulisak kayu, ikong lugal a mangalalam ning yatu! Kulisak kayu king tula, ikong bunduk at ing balang tanaman ning kagubatan! Uling linigtas ne ning Ginu ing Israel a keyang balayan, at pepakit nang upaya na.

Isaias 54:4

E ka tatakut; e na ka pasibayung milako dangalan; e na ka mibili pa king kamarinayan. Akua mu nang kalinguan ing kekang kataksilan kanitang kayanakan kang talasawa, at ing lubus mung pamangulila antimong metung a biuda.

Isaias 55:12

Lakuan ye ing Babilonia kayabe ing tula; ibat king siudad mipanimunan kayung lumual payapa. Lunto ing pamagkanta karing bunduk at bunduk-bundukan, at ding tanaman kulisak la king tula ra!

Jeremias 33:3

Maus ka kanaku at pakibatan da ka; sabian ku la keka ding malagu at makapagmulalang bage a e mu balu.

Hosea 2:21

At king aldong ita, pakibatan ku la ding panalangin ding tau Jezreel. Ibaldug ku ing uran king yatu,

Joel 2:20

Ding dakal a durun a ibat king norti ilako ku na la, at ding mapilan kareti king ilang ku la itabi. Ding mumuna rang pulutung mitabi la king Dagat a Mete, ing pulutung dang makatauli king Mediteraneo ku no man itabi. Muluk la ding mete rang katawan. Kaku lang paten uli ning sablang keko ra depatan.

Joel 2:26

Ngeni mika pamangan kang dakal at kumabsi ka. Ing Ginung kekang Dios keka yang purian, ing dinapat makapagmulalang bage para keka. E ne pasibayu pang mainsultu ing kakung balen.

Zacarias 8:15

Oneng ngeni babalakan ku ing bendisyunan ku la ding memalen na ning Jerusalem at ning Juda. Inya e kayu mitatakutan.

Deuteronomio 4:32

Nung pagaralan yu la ding banuang milabasan ala kayung abalu o damdaman a milyari anti ing milyari king aldong iti manibat na inyang lelangan ne ning Dios ing yatu.

1 Samuel 12:16

Inya ngeni saksian yu ing makapagmulalang dapat a gawan na ning Ginu.

1 Samuel 12:24

Maygit king sabla sukat yeng pitakutan ing Ginu at suyuan yeng mitmung katapatan king mabilug yung pusu. Ganakan yu ing kayapan a depat na kekayu.