Joel 2:2 - Ing Mayap a Balita Biblia

² Aldo yang maralumdum at malungkut, aldo yang matuling at malulam. Lumusub la ding dakal a durun anting dalumdum a kakalat babo ding bunduk. E pa mika anti kanyan, at e na mika anti pa kanian.

Joel 2:2 Iomraidhean Croise

Ding Dalit 10:6

Ngana king lub na, Matatag ku kapilan man; alang dugpa kaku nanumang kabiguan.

Ding Dalit 97:2

Ing biga at dalumdum makapatulug king Ginu; manalumpakan king kabanalan at alang pamangabiran ing pamag-ari na.

Exodo 10:14

Dinatang lang pulupulutung at digpa la king kabilugan a kayarian. Ila na deta ring pekamarakal karing durun a meyakit angga king aldong ita a e malyaring mayakit pa king daratang a panaun.

Exodo 10:6

Katmuan de ing palasyu mu at ding bale da ring opisyal mu ampon ding sablang taung sasakupan mu. Igitan da ing nanu pa mang kasiran a ikit da ring pipumpunan mu. Inyang asabi na iti, meko ne.

Exodo 20:21

Menatili lang makatalakad king marayu ding tau at bukud mung i Moises ya ing linapit king makapal a biga nung nu ya atyu ing Dios.

Isaias 5:30

Potang datang ne ing aldong ita, gumaga la king mabilug a Israel; gumaga lang anti ing biung ning alun ning dagat. Lawan ye iting bansa! Karalumduman at kasakitan ing daralanan na! Akmulan na ning dalumdum ing sala.

Isaias 8:22

o lumawe king gabun, oneng ala lang akit nune mu kaguluan at karalumduman; makatakut a karalumduman ing maging kararasan da. Ala lang arapat ban miligtas kaniting kaguluan.

Jeremias 13:16

Galangan ye ing Ginu, ing kekong Dios, bayu ya paratang dalumdum at bayu kayu mitakid karing bunduk; bayu na alilan misnang kapal a dalumdum ing sala a kekong asahan.

Jeremias 13:6

Kalabas ning mapilan a panaun, sinabi na kanaku ning Ginu king magbalik ku king Eufrates at kuanan ku la ding salol a linen.

Ding Tagulele 1:12

Lawan yu ku, ngana karing sablang taung daralan. Ala pang mika kapanamdaman king kakung kasakitan; ing kasakitan a pepagpa ning Ginu king panaun ning mua na kaku.

Ezekiel 32:7

Potang paten da na ka, takpan ke ing banua at patdan ku la ngan ding batuin. Salikut ya ing aldo kagulutan da ring biga at e ya sunlag ing bulan.

Ezekiel 34:12

Nung makananu na lang panintunan ning pastul ding tupang misalbag at kaybat tipunan na la, makanyan munaman ing daptan ku. Kuanan ku la karing miyayaliwang lugal nung nu la mikalat kanitang aldo ning dalumdum at kasiran.

Ezekiel 38:9

Ya ampon ding sundalus na at ding dakal a bansang kayabe na lusuban de anting bagyu at takpan ing bansa anti ing biga.

Daniel 12:1

Nganang sinabi ning anghel a makaimalan linen, King panaun a ita, pakit ya ing mayupayang anghel a i Miguel a magbante karing kabalen mu. Kanita mika panaun ning kaligaligan, ing e mayap dili manibat na king kamumulan a linto la ding bansa. Potang datang na ing panaun a ita, miligtas la ding heganaganang memalen na ning kekang bansa a makasulat a lagyu king libru ning Dios.

Daniel 9:12

Tiparan mu itang sinabi mung gawan mu kekami at karing pamuntuk mi. Perusan meng mabayat ing Jerusalem maygit ketang pepagpa mu karing aliwang siudad ning yatu,

Joel 1:6

Ding tutung dakal a durun lisuban da ing kekatamung gabun, masikan la at e mu la abilang; ding karelang ipan kasing taram da la ding ipan ning leon.

Joel 2:25

Ibalik ku itang keka mewala inyang ding dakal a durun pengan dang kekang pupul. Kareting minyira keka aku ing pepadala.

Joel 2:31

Ing aldo dalumdum ya, at ing bulan lare yang anting daya, bayu datang ing maragul at makapangilabut a aldo ning Ginu.

Joel 2:5

Mainge lang anti ding karung panggera karing babo bunduk lundag-lundag la; lalagutuk lang anti ing malanging dikut neng masisilab ya. Maka-ayus lang anti karing dakal a sundalus, king pamakilaban makasadia la.

Joel 3:4

Tiro, Sidon, at ika kabilugan a Filistia, nanu ing buri yung gawan kanaku? Bisa kayung mamayad kanako? Nung makanyan ing buri yu, bayaran da kayung agad!

Amos 4:13

Ing Dios ya ing linalang karing bunduk at king angin. Pabalu na karing tau ing isipan na; alilan ne ing aldo king bengi. Lalakad ya angga na karing wakas ning yatu. Iti ya ing lagyu na: Ginung Dios a Mayupaya!

Zepania 1:7

Magtahimik kayu arapan na ning Ginung Dios! Malapit ne ing aldo nang pamanukum. Magsadia ya ing Ginu ba na lang isakripisyu ding taung pinili na, at kinumbira na na la ding kalaban ban kuanan da ing pibandian na ning Juda.

Zacarias 14:6

Potang datang ne ing aldong ita, e na mika dimla o mika yelu

Mateo 24:21

Alang kalupa ing kaligaligan king panaun a ita king mengapalyari na king milabas manibat na kanitang melalang ya ing yatu angga na king kasalukuyan o king datang a panaun.

Marcos 13:19

Karing aldo deta dalanan da ring tau ing maragul a kaguluan a e pa milyari kapilan man manibat na inyang lelangan ne ning Dios ing yatu angga ngeni ni kapilan man king daratang a panaun e na mika anti pa kanita.

Deuteronomio 32:7

Ganakan yu la detang aldo linabas, isipan yu la ding delanan dang panaun ding dakal a lahi; kutnan lang kekong makatua pati na ing mismung kekang tatang, at makibat lang mitmung kamasalan.

Hebreo 12:18

E na kayu man miras, antimo ing pangaras da ring Israelita, king Bunduk ning Sinai nung nukarin ating aping mitatau, maragul a karalumduman at angin a masikan,

Judas 1:13

Mengari lang bibiung a alun king dagat kayabe ning keyalan dang kamarinayan a maging bula. Mengari lang batuin a lito-lito a misadia king karalumduman king kapilan pa man.

Kapahayagan 9:2

Biklat ne ning batuin ing bangin; linual ing makapal a asuk a kalupa na ning asuk ning maragul a ornu. Uli na ning asuk, meralumdum ya ing aldo at ing makapaligid.