Joel 2:18 - Ing Mayap a Balita Biblia

¹⁸ Kaybat, ing Ginu pepakit yang masabal king bansa na; karing memalen na melunus ya.

Joel 2:18 Iomraidhean Croise

2 Ari 19:31

Mika tau king Jerusalem at king Bunduk ning Zion uli da ring mitagan, uling ita ing buri nang mapalyari ning Ginu.

Ding Dalit 103:13

Nung makananu na lang lulunusan ning tata ding anak na, makanyan na la naman lulunusan ning Ginu ding ating takut king kadiosan na.

Ding Dalit 103:17

Oneng ing lugud ning Ginu karing malugud at ating takut manatili angga king alang angga; ing lugud na mamabut karing anak da ring anak da.

Isaias 37:32

Mika tau king Jerusalem at king Bunduk ning Zion uli da ring mitagan, uling iti ing buri nang mapalyari ning Ginung Mayupaya.

Isaias 42:13

Ing Ginu lulual yang makilaban anti ing gerero; makasadia ya at mamalaguang makilaban. Kukulisak ne ing tanda ning pamakilaban; papakit nang upaya na laban karing keyang kalaban.

Isaias 60:10

Ngana ning Ginu king Jerusalem, Tau lang dayuan ding maglarin karing kekang pader, at karelang ari keka sumuyu la. King uli ning mua ku pepasakitan da ka, oneng ngeni lunus ibie ku keka.

Isaias 63:15

Ginu, lawan mu kami ibat king banuang tuknangan mu, busal ning kekang kabanalan at ligaya. Nukarin ing maragul mung malasakit para kekami? Nukarin ing upaya mu? Nukarin ing lugud mu at lunus? E mu ke sa kakalinguan.

Isaias 63:9

king sabla rang kasakitan. E ya metung a anghel, nune ing Ginu mismu ya ing migligtas karela. Linigtas na la uli na ning lugud na at lunus. Ya ing parating mimingat karela king milabas a panaun.

Jeremias 31:20

Israel, ika ing pakamalan kung anak, ing anak a tutu kung kaluguran. Neng babanggitan ke ing kekang lagyu, agaganaka da kang mitmung lugud. Titibuk ya ing pusu ku para keka; maging malunusan ku keka.

Ding Tagulele 3:22

Ing lugud at lunus nang e kukupas ning Ginu kapilan man e magbayu.

Zacarias 1:14

at sinabi na kanaku ning anghel king ibalita ku iting selita ning Ginung Mayupaya: Atin kung maragul a lugud at malasakit king Jerusalem, ing banal kung siudad.

Zacarias 8:2

Maluat ku neng buring saupan ing Jerusalem uli na ning maragul kung lugud karing memalen na, ing lugud a meging sangkan na ning pangamua ku karing kalaban na.

Lucas 15:20

Inya tinalakad ya at migbalik kang tatang na. Marayu ya pa ikit na neng tata na at tutu yang melunus; inya memulayi yang sinalubung keya; kinaul ne at penuma.

Deuteronomio 32:16

Pepangalaluan de ing Dios king kapamilatan ding dios a dayuan; mimua ya ing Dios karela, uli ning makasumaming dapat da.

Deuteronomio 32:36

Iligtas na la ning Ginu ding taung pinili na; karetang susuyu malunus ya potang mewala na ing sikanan da, at karela ala nang makatagan, malaya o ipus man.

Deuteronomio 32:43

Ikong sablang bansa, samban ye ing Ginu da ring taung pinili na; uling detang mekamate karela paparusan na la; sisingilan na la detang kalaban na at patawaran ing kasalanan da ring taung pinili na.

Santiago 5:11

Ausan ta lang mapalad uling mebiasa lang mibata angga king kawakasan. Dimdam yu na ing tungkul king kapibabatan nang Job. Balu yu nung makananu neng inablasan ning Ginu bandang tauli. Ipakilala na niti king malugud ya ing Ginu at mapaglunus.

Ukum 10:16

Inya leko da la ring kikilalanan dang dios da ring aliwang bansa at simban de ing Ginu; at melunus ya king kabilian ning Israel.