Joel 2:16 - Ing Mayap a Balita Biblia

¹⁶ Tipunan yong miyabe-abe ding memalen; isadia la para king banal a kapulungan; makatua kekayu lang ausan; anak kekayu lang tipunan pati na ding sususung bingut. Agyang ding bayung miyasawa lakuan da lang bale ra, at sukat ing datang la.

Joel 2:16 Iomraidhean Croise

2 Cronica 20:13

Tinalakad la king arapan na ning Ginu ding sablang lalaki na ning Juda kayabe ding karelang asawa at pati na ding anak a mangalati.

2 Cronica 29:5

Ngana karela, Makiramdam kayu kanaku, ikayung Levita. Italaga yu ngeni ing sarili yu at ing Templo ning Ginu, ing Dios da ring makatua yu. Ilako yu ing nanumang bage marinat king Templo.

2 Cronica 30:17

Uling dakal la karing atyu king kapulungan ding e malinis, agpang king aduan ning Kautusan nang Moises, ding Levita ilang mekamate karing biserung tupa a mitalaga king Piesta ning Pamaglagpus at ila mu rin ding miyain para king Ginu.

2 Cronica 30:19

ding sablang magkapilit lumapit keka agyang e la malinis agpang king aduan ning kautusan.

2 Cronica 35:6

Paten ye ing biserung tupa. Linisan yu ing sarili yu, agpang king aduan ning kautusan, at magsadia kayu para karing kalupa yung Israelita ban atuparan da la ring kautusan a binie na ning Ginu king kapamilatan nang Moises.

Job 1:5

Itang abak a kayari ning karelang anda, maranun yang mibangun i Job at miyain yang ain-sakripisyu para karing balang metung karing anak na; pota ating karelang mikasala king e na sasarian at mekalapastangan ya king Dios.

Ding Dalit 19:5

Lulual yang anting lalaking kakasal ibat king silid na; mengari ya king mamialung a masayang makilaban.

Exodo 19:10

at ngana ning Ginu, Moises, puntalan mu la ding tau at sabian mu karela king gamitan de ing aldong iti ampon ing bukas king pamagsadia para king pamanyamba. Sukat dang pipian ing imalan da,

Exodo 19:15

Ngana pang Moises karing Israelita, Magsadia kayu king aldo makadua, at e kayu pa sisiping king ninumang babai.

Exodo 19:22

Agyang ding pari a lalapit kanaku sukat lang maglinis king sarili da, nung ali la parusan ku la.

Joel 1:14

Iyutus yu ing pamag-ayunu, maus kayung kapulungan! Pamuntuk kekayu lang tipunan pati ding sablang king Juda manuknangan; at kilub ning Templo maus kayu king kekong Dios!

Mateo 21:16

Inya ngara kang Jesus, E mu daramdaman ing sasabian da? Pekibat nang Jesus karela, Daramdaman ku. E ye pa wari abasa iting Kasulatan a sasabing: Karing asbuk da ring anak at bingut pepayagkas mu ing ganap a kapurian?

Mateo 9:15

Nganang mekibat Jesus, Malyari la waring lungkut ding kumbiradu king kasal kabang kayabe de pa ing lalaking kinasal? Ali la! Potang e ra ne kayabe ing lalaking kinasal, kanita la pa mu malyaring mag-ayunu.

1 Corinto 7:5

E yu pagkait ing sarili yu king metung at metung, subali mu nung atin kayung pikasunduan king e yu pa mu daptan ban mirinan kayung panaun king pamanalangin. Oneng kaybat, isundu yu ing kekayung relasyun anting miyasawa ban e na kayu atuksung Satanas uli na mu ning e yu akawat ing kekayung sarili!

Josue 7:13

Talakad ka! Papagsadian me ing balen at maglinis ban marap kanaku. Sabian mu karela king magsadia la bukas uling aku, ing Ginu, ing Dios ning Israel, kailangan kung sabian ini: Israel, atyu libutad mu ing bage a inutus kung pasira keka! E mu la ayarapan ding kalaban anggang e mu la ilako libutad mu deting bage!

Josue 8:35

Binasa neng Josue ing balang metung karing kautusan nang Moises karing sablang makatipun; kabilang la kareti ding babai, ding anak, at ding dayuan a manuknangan kayabe ra.

1 Samuel 16:5

Nganang mekibat, Dinatang ku ban iyain ke ing ain-sakripisyu king Ginu; magsadia kayu at miyabe-abe tamung miyain ain-sakripisyu. Inutus na naman kang Jese at karing anak na ing magsadia la ban makapakiabe la king pamiyain king ain-sakripisyu.