Joel 2:15 - Ing Mayap a Balita Biblia

¹⁵ Tiupan ye ing trumpeta king babo ning Bunduk ning Zion; iyutus yu ing pamag-ayunu at maus kayung pulung!

Joel 2:15 Iomraidhean Croise

1 Ari 21:12

Mitatag lang aldo ning pamag-ayunu; tinipun da la ring tau at binie kang Nabot ing lugal a pandangal.

1 Ari 21:9

Ngana ning makasulat: Mitatag kayung metung a aldo na ning pamag-ayunu at tipunan yu la ding memalen, at kaybat ibie ya kang Nabot ing lugal a pandangal.

2 Ari 10:20

Ngana pang minutus, Mitatag kayung metung a kapulungan para king kapanyamban kang Baal. At memintu la.

Isaias 1:13

Tuknang na kang magdala karing ain a alang kabaldugan. Masusumami ku king bau na ning insenso a yayain mu kanaku. E ku na la apibata pa ding pamagpiesta mu king Bayung Bulan, ding pamagselebra mu king Aldo ning Sabbath, ding kekang pamitipun relihioso, uling midungisan la ngan deti karing kekang kasalanan.

Jeremias 36:9

King kasiam nang bulan ning kalimang banuang pamag-ari nang Jeoiakim king Juda, pigselebran da ring tau ing pamag-ayunu ban tanggapan da ing mayap nang pilubluban ning Ginu. Pigselebran de iting pamag-ayunu ding sablang manuknangan king Jerusalem, at ding dinatang ibat karing balen ning Juda.

Joel 1:14

Iyutus yu ing pamag-ayunu, maus kayung kapulungan! Pamuntuk kekayu lang tipunan pati ding sablang king Juda manuknangan; at kilub ning Templo maus kayu king kekong Dios!

Joel 2:1

Tiupan ya ing trumpeta; kampana tigtigan ya king Zion, ing bunduk-bundukan nang banal ning Dios. Galgal kayu memalen ning Juda! Uling ing aldo ning Ginu malapit niang datang kekayu.

Ding Bilang 10:3

Potang agnan da lang tiupan, mitipun la arapan mu ding sablang memalen na ning Israel king pasbul ning Toldang tuknangan ku.