Joel 2:14 - Ing Mayap a Balita Biblia

¹⁴ Siguru ing Ginung kekong Dios mikaduan ya lub, at kayabe ning dakal a pupul ing bendisyun na kekayu ibie na. Kanita iyain yu king Ginu alak ampon binutil.

Joel 2:14 Iomraidhean Croise

2 Samuel 12:22

Wa, nganang David, mig-ayunu ku kanita at menangis ku inyang mabie ya ing anak. Atyu kanita king lub ku ing malunus ya kanaku ing Ginu at e na paintulut ing mate ya ing anak ku.

2 Samuel 16:12

Pota malunus ya ing Ginu kaniting daralanan kung kasakitan at bendisyunan na ku king kapamilatan ning depat nang Simei.

2 Ari 19:4

Tinubud ne ning ari na ning Asiria ing pekamatas a opisyal na ban lapastanganan ne ing Dios a mabie. Mananu na sanang damdaman na la ning Ginu kekang Dios ding kalapastanganan at parusan na la detang migsalita. Inya ipanalangin mu la king Dios ding mitagan karing kekatamung memalen.

Exodo 32:30

Kabukasan, nganang Moises karing tau, Tutung maragul ing depatan yung pamikasala. Oneng ngeni mukiat kung pasibayu king bunduk at makikit king Ginu; pota apakisabi kung mayap ing patawaran na ing pamikasala yu.

Isaias 65:8

Ngana ning Ginu, Ala metung man a manyira karing mayap a ubas, nune gagawan da lang alak. Makanyan munaman, e ku la gisanan a lahi ding sablang taung pinili ku; iligtas ku la detang susuyu kanaku.

Jeremias 18:8

oneng itang bansang ita tuknang yang darapat e mayap, e ku na ibalaus kanita itang sinabi kung daptan ku.

Jeremias 26:13

Kailangan ing magbayu kayung bie at pamintuan ye ing Ginung kekayung Dios. Nung makanyan ing daptan yu e na na kanita ibalaus ing balak nang kasiran a sinabi nang iparala na kekayu.

Jeremias 26:3

Mapalyaring makiramdam la ding tau at lakuan da ing e mayap dang pamibiebie. Nung makanyan ing mapalyari, e ku na kanita ibalaus ing balak kung kasiran karela uli na ning dapat dang e mayap.

Joel 1:13

Ikong pari king altar susuyu, magaspang a imalan ing isulud yu at kumiak kayu! Templo kekayu yang luban ban karin manangis kabukas! Alang binutil ni alak man ban king kekong Dios iyampang.

Joel 1:16

Ala tamung akarapat kabang kekatamung lalawan ing mesirang pupul. Ala nang tulang mayayakit kilub ning Templo ning kekatamung Dios.

Joel 1:9

Ala nang binutil ni alak man ban king Templo ibie; ding pari malungkut la uling ain king Ginu ala lang adala.

Amos 5:15

Pikasaman yu ing e mayap at luguran yu ing mayap, at pagsikapan yung mag-ari ing hustisia karing husgadu. Palamang-lamang malunus ya ing Ginu karing mitagan a memalen na ning bansang iti.

Jonas 1:6

Ikit ne ning kapitan ning barku at ngana kang Jonas, Obat atyu ka ken at matudtud? Talakad ka at maniawad kang saup king kekang dios; magkang malunus ya kekatamu at iligtas na katamu.

Jonas 3:9

Mapalyaring alilan na ning Dios ing banta na; mapalyaring e ne mimua kekatamu at e tamu malaus mate!

Zepania 2:3

Magbalik kayu king Ginu, ikayung sablang mapagpakumbaba keti king bansa a mamintu karing utus na. Daptan yu ing matulid at magpakumbaba kayu arapan ning Ginu. Mapalyaring aligtasan yu ing parusa king aldo nung kapilan na ipakit ning Ginu ing maragul nang mua.

Hageo 2:19

Agyang ala nang bitasang mitagan a binutil at e la pa mekapamunga ding ubas, ding tanaman a higera, ding pomegranate at olibo, makanyan man, bendisyunan da kayu manibat ngeni.

2 Timoteo 2:25

King kapakumbaban na la tutulid ding kalaban na; mapalyaring dinan na lang panaun makasisi ning Dios at gumulut la king karelang kasalanan at miras la king katutuan.

Josue 14:12

Inya ngeni, ibie me kanaku ing bulubundukan a pengaku na ning Ginu kanaku ketang aldo inyang aku at ding tauan ku minie keng ulat. Sinabi mi kekayu king ding lahing higanti a ausan dang Anakim atyu la karing mangaragul a siudad a makapader. Marahil matnube ya ing Ginu kanaku at itabi ku la, antimo ing pengaku na.

1 Samuel 6:5

Pakilupa yu la ding gintu karetang tumor at dagis a penibatan na ning salut yu; parangalan ye ing Dios ning Israel, pota ituknang na na ing parusa na kekayu, karing kikilalanan yung dios, at king bansa yu.