Joel 2:13 - Ing Mayap a Balita Biblia

¹³ At gabakan ding pusu at aliwa ing imalan yu. Magbalik kayu king Ginung kekong Dios. Maganaka ya at mitmu king lunus; mapibabata ya at tutuparan na sablang pengaku na; manatili yang mamatawad kapilan man at e biasang mamarusa.

Joel 2:13 Iomraidhean Croise

Genesis 37:29

Ala ne i Jose king talaga inyang magbalik ya i Ruben. Pengabak neng Ruben ing susulud nang imalan uli na ning sakit ning lub na.

Genesis 37:34

Ginabak neng Jacob ing imalan na uli na ning lungkut na, at saka ya misulud imalan a magaspang. Pigkalungkutan ne ing anak na kilub ning makabang panaun.

2 Samuel 1:11

Kanita ginabak nang David ing imalan na uli na ning lungkut. Makanyan munaman ing depat da ring sablang tauan na.

1 Ari 21:27

Inyang dimdam na lang Ahab deting amanu, ginabak na ing susulud nang imalan, at misulud yang imalan a magaspang E ya bitasang mengan at metudtud ya king imalan a magaspang. Tutu yang melungkut at mesakit a lub.

2 Ari 22:11

Inyang dimdam na ning ari ing mababasa king kautusan, ginabak na ing susulud nang imalan uli na ning lungkut na.

2 Ari 22:19

uling sinisi ka at migpakumbaba arap ku, ginabak mu ing susulud mung imalan, at menangis inyang dimdam mung belan keng kasiran ing Jerusalem at ding memalen na. Gawan keng lugal a makatakut, lugal a gamitan da ring tau bilang metung a sumpa. Dimdam ku ing panalangin mu,

2 Ari 5:7

Inyang abasa ne ning ari ning Israel ing sulat, ginabak ne ing imalan a susulud na uli ning lungkut at nganang sinabi, Dios ku wari a ating upayang makamate at munie bie? Obat tinubud ne kanaku ining taung sakitan lepra ban uluan ke? Pota galang bisa yang gawang sangkan ban mipate kame?

2 Ari 6:30

Inyang dimdam ning ari ing sinabi na ning babai, ginabak ne ing imalan a susulud na uli na ning lungkut. Ikit da ring taung atyu karin king makaimalan ne palang saku uli na ning maragul nang kalungkutan.

2 Cronica 6:27

pakiramdaman mu la sana ken king banua at patawaran ing kasalanan da ring kekang talasuyu, ding memalen ning Israel, at ituru mu itang mayap a sukat dang daptan. Kaybat, ibaldug mu ing uran king gabun a kekang binie karing kekang memalen bilang mana ra.

Nehemias 9:17

Karing utus mu e la memintu; kelinguan da ing sablang bage pagmumulalan a depat mu; buntuk da pepasias da la, at memili lang karela manimuna ban king Ehipto maging ipus pasibayu. Oneng metung kang Dios a makasadiang mamatawad, maganaka, at malunusan, e agad mimua, at tune malugud. Inya e mu la pepaburen.

Job 1:20

Kanita tinalakad ya i Job; ginabak na ing imalan na uli ning lungkut na. Sitsat ne ing buntuk na, migsakab ya king gabun, at sinamba ya king Dios.

Ding Dalit 103:8

Malunusan ya at maganaka ing Ginu, e ya agad mimimua, at tapat ing lugud na.

Ding Dalit 106:45

Alang-alang karela, genaka ne itang kasunduan da; uling tutu nong kaluguran, penupaya na la.

Ding Dalit 34:18

Malapit ya ing Ginu karetang meina lub, at sasagipan na la detang milako kapanayan.

Ding Dalit 51:17

Ing ain ku, O Dios ko, mapagpakumbaba yang espiritu. Ing pusung sisisi at magpakumbaba kapilan man e me tanggian.

Ding Dalit 86:15

Oneng ika, O Ginu, Dios kang mapaglunus; mapibabata ka at parati kang malugud at tapat.

Ding Dalit 86:5

Uling maganaka ka at mapamatawad, O Ginu, karing sablang mamaus keka mitmu kang lugud.

Isaias 57:15

Aku ing matas at banal a Dios a mabie kapilan man. Manuknangan ku king matas at banal a lugal, oneng manuknangan ku munaman libutad da ring taung mapagpakumbaba at sisisi ban abalik ku ing kapanaligan at ing kapanayan da.

Isaias 58:5

Pasakitan yu ing sarili yu neng mag-ayunu kayu; duruku yu la ding buntuk yu anti ing bulung ning tanaman, at miladlad kayung langgotsi ampon mibibiling abu ban pipagkeran yu. Iti ya wari ing ausan yung pamag-ayuno? Isipan yu mo galang king tutula ku king dapat yung yan?

Isaias 66:2

Aku ing linalang king meto sikluban! Aku ing makibandi king sabla-sabla. Liligaya ku karing mapagpakumbaba at sisisi, karetang ating takut at mamintu kanaku.

Jeremias 36:7

Magkang manalangin la king Ginu at lakuan da ing e mayap dang pamibiebie, uling belan ne ning Ginu iting bansa king maragul nang mua at kasbu.

Jeremias 41:5

walu lang pulung lalaki ding dinatang ibat king Sikem, Silo, at Samaria. Lebahas da la ring balbas da, ginabak da la ring imalan da at sinugat ing sarili da. Magdala lang binutil at insenso ban iyain king Templo.

Jeremias 42:10

Nung bisa kayung manatiling manuknangan keting bansa, italakad da kayu at e lasakan. Itanam da kayu at e bagutan. Ing dela kung kasiran kekayu minie maragul a lungkut kanaku.

Ezekiel 9:4

Ngana, Munta ka king mabilug a siudad ning Jerusalem at dinan meng tatak king kanuan ing metung at metung a sasaingsing at maliligalig uli da ring sablang bage makasumami a mararapat king siudad.

Hosea 14:1

Magbalik na kayu king Ginung kekayung Dios, O memalen ning Israel. Ing kekayung kasalanan ya ing pepasari king kekayung pangabagsak.

Jonas 3:9

Mapalyaring alilan na ning Dios ing banta na; mapalyaring e ne mimua kekatamu at e tamu malaus mate!

Jonas 4:2

Inya nganang menalangin, Ginu, bayu ke likuan ing kanakung tuknangan e ku wari sinabi keka king iti ya ing marahil mung daptan? Iti ya ing sangkan nung inya migkapilit kung tinakas papunta king Tarsis! Balu ku king Dios kang malugud at mapaglunus, king manatili kang mapibabata, maganaka, at manatiling makasadiang magbayu balak at e mamarusa.

Mikeas 7:18

Ala nang dios a anti keka, O Ginu; patawaran mu la ding kasalanan da ring kekang memalen a mitagan. E manatili kabang-kaba ing mua mu, nune matula mung papakit kekami ing ala mung kupas a lugud.

Nahum 1:3

E nia kabud mimimua ing Ginu agyamang mayupaya ya, at e na paintulut ing e la magdusa ding mikasala. Lalto ing bagyu nung nu ya lalakad ing Ginu, ding biga alikabuk da la ring bitis na!

Ding Bilang 14:18

E ku agad mimimua, ing Ginu, at labis-labis ampon e kukupas ing lugud ku; patawaran ku ing kasalanan at ing kapanialangsangan. E ku la payalang sala ding mikasalang pengari at parusan ku la ding anak da angga king katlu at kapat a lahi.

Roma 2:4

Pota galang payalan mung ulaga ing maragul nang ganaka, pamanupaya, at kapibabatan? E mu wari balu king maganaka ya ing Dios uling pakikuanan na lang apabalik a lub?

Efeso 2:4

Oneng tutu ping dakal ing lunus ning Dios at maragul ing lugud na kekatamu,

1 Timoteo 4:8

Ating ditak a pakinabang ing pamagsane king katawan. Oneng mas maragul ing pakinabang king pamagsane king kabanalan, uling atin yang daralang pangaku e mu king kasalukuyan a bie nune pati na king bie king aldo bukas.