Joel 2:12 - Ing Mayap a Balita Biblia

¹² Oneng agyang ngeni, ngana ning Ginu, sumisi kayu at magbalik lub kaku king mabilug yung pusu, at kayabe ning pamag-ayunu, kiak kayu ampon lungkut.

Joel 2:12 Iomraidhean Croise

2 Samuel 24:10

Oneng meligalig ya i David kaybat neng abalu ing sensus da ring memalen. Nganang David king Ginu, Maragul ing depat kung kasalanan uli na ning merapat a pamagsensus. O Ginu, patawaran mu ku sana king depat kung kamangmangan.

2 Cronica 30:6

Ngana ning masasabi king sulat a pinirman na ning ari at ding galame na a dela da ring talapagdalang sulat king mabilug a Israel at Juda: Memalen na ning Israel at Juda, mibalik na kayu lub king Ginu, king Dios da ri Abraham, Isaac, at Jacob ban lingapan na lang pasibayu ding mitagan pa kekayung e na abihag ning ari ning Asiria.

2 Cronica 6:27

pakiramdaman mu la sana ken king banua at patawaran ing kasalanan da ring kekang talasuyu, ding memalen ning Israel, at ituru mu itang mayap a sukat dang daptan. Kaybat, ibaldug mu ing uran king gabun a kekang binie karing kekang memalen bilang mana ra.

Ester 4:16

Sulung, tipunan mu la ngan ding sablang Judio king Susa, at mag-ayunu kayu para kanaku. E kayu mamangan o miminum kilub ding atlung aldo at bengi. Aku at ding damas ku mag-ayunu kami munaman. Kaybat, lapitan ke ing ari agyang iti labag king kautusan. E bala ing mate ku, nung iti ing kailangan.

Exodo 33:5

Uling ngana ning Ginu kang Moises, Sabian mu kareting Israelita, Tau kayung masias a buntuk! Nung tukian da kayu agyang metung mung saglit, pota paten da kayu ngan. Ngeni mu rin ilukas yu la ding susulud yung alahas at saka ku na arian king lub ku nung nanu ing sukat kung daptan kekayu.

Isaias 22:12

Mamaus ya kanita keka ing Ginung Dios a Mayupaya ban manangis kayu at magpaldas, ban kalbuan la ding buntuk yu at ban misulud imalan a magaspang.

Isaias 58:4

Mumuli mu ing pamag-ayunu yu king pamipatepate at tumbukan. E ku pakiramdaman ing panalangin yu nung makanyan mu ing pamag-ayunu yu.

Jeremias 3:22

Magbalik na kayu, ikong sablang ginulut king Ginu; pakayapan na kayu at gawan na kayung tune tapat. Sasabian yu, Wa, lumapit na kami king Ginu uling ya ing kekaming Dios.

Jeremias 36:7

Magkang manalangin la king Ginu at lakuan da ing e mayap dang pamibiebie, uling belan ne ning Ginu iting bansa king maragul nang mua at kasbu.

Jeremias 4:1

Ngana ning Ginu, Memalen ning Israel, nung bisa kayung magbalik, sukat ing mibalik kayu kanaku. Nung ilako yu la ding idolong kasaman ku at nung maging tapat kayu kanaku,

Jeremias 4:2

maging matulid at ustu para kekayu ing sumpa kayu king kapamilatan na ning lagyu ku. Ding sablang bansa kanita aduan da kanaku ing bendisyunan ku la at ila purian da ku.

Ezekiel 33:11

Sabian mu karela king kabang aku, ing Ginung Dios, ing mabie Dios, e ku matulang akit keng mate ing metung a makasalanan. Mas buri ke pang akit tuknang king pamikasala na at mie. Israel, patugut na ka king dapat mung pamikasala. Baket buri mu pa ing mate ka?

Daniel 9:3

At taimtim kung menalangin king Ginung Dios; menalangin ku king Dios, mig-ayunu, misulud imalan a magaspang, at linukluk ku king abu.

Hosea 12:6

Inya ngeni, ikayung lahi nang Jacob, manalig kayu at magbalik king kekayung Dios. Maging tapat kayu at patupad yu ing hustisia, at isundu ing pamanaya king kekayung Dios.

Hosea 12:7

Ngana ning Ginu, Mapamirait la ding memalen na ning Israel; anti la karing taung Cananeo. Maburi la karing e ustung timbangan ban piraitnan da la ring maniali karela.

Hosea 14:1

Magbalik na kayu king Ginung kekayung Dios, O memalen ning Israel. Ing kekayung kasalanan ya ing pepasari king kekayung pangabagsak.

Hosea 6:1

Ngara ding tau, Tara, magbalik ta na king Ginu! Penasakit na katamu, oneng siguradung uluan na katamu; sinugat na katamu, oneng bendahan na la ding sugat tamu.

Joel 1:13

Ikong pari king altar susuyu, magaspang a imalan ing isulud yu at kumiak kayu! Templo kekayu yang luban ban karin manangis kabukas! Alang binutil ni alak man ban king kekong Dios iyampang.

Zacarias 7:3

at ban ikutang da karing pari at propeta ing anti kaniti: Sukat mi pang isundu ing pamagpaldas uli na ning pangalasak na ning Templo king kapamilatan ning pamag-ayunu king kalimang bulan antimo ing daraptan mi karing dakal nang banuang milabas?

Zacarias 7:5

Sabian mu karing memalen na ning bansa at karing pari king inyang mig-ayunu la at migpaldas king kalima at kapitung bulan kilub ding pitung pulung banua, depatan da ita e para parangalan da ku.

Malakias 1:9

Ngeni, ikayung pari, subukan yung aduan king Dios king maging maganaka ya sa kekatamu. E na pakibatan ing panalangin yu at iti kasalanan yu.

Ding Dapat 26:20

Muna karin Damasco at karin Jerusalem at kaybat king mabilug a bansa da ring Judio, at penaral ku karing paganu king sukat lang sumisi karing karelang kasalanan at magbalik la lub king Dios at daptan da la detang bage pakilala king pamanisi ra.

Ukum 2:4

Inyang asabi na ning anghel iti, menangis la ding sablang memalen na ning Israel

Ukum 20:26

Kanita ding sablang memalen na ning Israel at ding sablang sundalus, minukiat la Betel at karin la menangis. Makalukluk la karin king arapan ning Ginu, at e la mengan itang aldong ita angga na itang bengi. Minain lang ain-a-durulukan at ain-ning-pamisulusulu king arapan na ning Ginu.

1 Samuel 7:3

Nganang Samuel karing memalen na ning Israel, Nung talagang bisa kayung magbalik king Ginu king mabilug yung pusu, sukat yu lang ilako ding dios a dayuan at pati na i Astarte. Italaga yu ing sarili yu king Ginu at ya mung bukud ing suyuan yu. Kanita iligtas na kayu karing Filisteo.

1 Samuel 7:6

Mitipun la karin Mizpa at sinaklu lang danum at saka ra bilus iti arapan na ning Ginu. Mig-ayunu la king aldong ita at sinabi ra, Mikasala kami king Ginu. (At i Samuel ya ing meging pamuntuk da ring Israelita karin Mizpa.)