Joel 2:11 - Ing Mayap a Balita Biblia

¹¹ Kakabling la ding utus ning Ginu karing e abilang-bilang nang sundalus; ding sundalus a mamintu king Ginu; tune dakal la at masikan lang tutu. Makapangilabut ya ing aldo ning Ginu! Ninu kaya ing miligtas kaniti?

Joel 2:11 Iomraidhean Croise

Ding Dalit 18:14

Bignus na lang paslu na, at kalaban mikalat la; king kislap ning kildap misambulat la.

Ding Dalit 46:6

Mitatakutan lang bansa; ding kayarian gagalgal la, at yatu malalaso ya kabud damdaman na ing balamu duldul nang bosis ning Dios.

Ding Dalit 68:18

King matas a taluktuk minukiat ya, dakal a bihag lang darala na, tinanggap yang regalu karing taung mig-rebeldi. Ing Ginung Dios karin manuknangan ya.

Isaias 13:4

Pakiramdaman yu ing inge a manibat karing bunduk, ing inge ding dakal a tau, ing inge ding bansa at kayarian a mitipun-tipun. Magsadia ya ing Ginu da ring e mabilang-bilang a sundalus ban iparala na la king labanan ding sundalus na.

Isaias 42:13

Ing Ginu lulual yang makilaban anti ing gerero; makasadia ya at mamalaguang makilaban. Kukulisak ne ing tanda ning pamakilaban; papakit nang upaya na laban karing keyang kalaban.

Isaias 7:18

Potang datang ne ing aldong ita, masuit ya ing Ginu anting tanda karing tau Ehipto ban lumapit lang anting lango a manibatan karing pekamarayu nang dake ning Ilug ning Nilo. Datang la namang anting tamumu ding tau Asiria.

Jeremias 25:30

Jeremias, sukat mung ibalita ing sablang sinabi ku. Kailangan ing sabian mu kareting tau ing anti kaniti, Magsalita yang masikan ibat banua ing Ginu, at manuldul yang ibat karing katasan ning banua. Ngulangul ya laban karing taung pinili na; kulyo yang anti ing lalaking daramusak karing ubas, ing balang metung king yatu damdaman ne,

Jeremias 30:7

Daratang ne ing aldo makatakut; ala yang kalupa ing aldong iti; panaun ne ning kaligaligan para karing taung kakung pinili; oneng mikabus la.

Jeremias 50:34

Oneng masikan ya itang sagip karela, Ginung Mayupaya ing lagyu na. Ya mismu ing magdipensa king karelang kasu at dinan neng kapayapan ing yatu, oneng kaguluan ing idala na karing memalen na ning Babilonia.

Ezekiel 22:14

Isipan mu galang king mika sikanan kang lub o sapat a sikanan ban akua meng itas ing gamat mu potang arapan da na ka? Aku, ing Ginu, ing migsalita at daptan ku ing sinabi ku.

Joel 1:15

Daratang ne ing aldo ning Ginu, ing aldo nung kapilan ing Mayupaya ipagpa nang kasiran. Makatakut ing ipasari na ning aldong ita!

Joel 1:6

Ding tutung dakal a durun lisuban da ing kekatamung gabun, masikan la at e mu la abilang; ding karelang ipan kasing taram da la ding ipan ning leon.

Joel 2:1

Tiupan ya ing trumpeta; kampana tigtigan ya king Zion, ing bunduk-bundukan nang banal ning Dios. Galgal kayu memalen ning Juda! Uling ing aldo ning Ginu malapit niang datang kekayu.

Joel 2:2

Aldo yang maralumdum at malungkut, aldo yang matuling at malulam. Lumusub la ding dakal a durun anting dalumdum a kakalat babo ding bunduk. E pa mika anti kanyan, at e na mika anti pa kanian.

Joel 2:25

Ibalik ku itang keka mewala inyang ding dakal a durun pengan dang kekang pupul. Kareting minyira keka aku ing pepadala.

Joel 2:31

Ing aldo dalumdum ya, at ing bulan lare yang anting daya, bayu datang ing maragul at makapangilabut a aldo ning Ginu.

Joel 3:14

Libu-libu la ding atyu king Kapatagan ning Husgadu. E lumuat karin datang ing aldo ning Ginu.

Joel 3:16

Ing Ginu magsalita yang masikan manibat king Bunduk ning Zion; kakablas ing siwala na manibat king Jerusalem; gagalgal ya ing banua at yatu. Oneng ingatan na lang memalen na.

Amos 1:2

Nganang sinabing Amos, Magsalita ya ing Ginu karin king Zion; ing bosis na babalandrang ibat Jerusalem. Lalangi ing pipagpastulan, at malalanat ing dikut king Bunduk ning Carmel.

Amos 5:18

Makalunus ing mapalyari kekayung magnasang datang ne ing aldo ning Ginu! Nanu mo ing apala yu king aldong ita? E ya maging aldo na ning sala para kekayu nune aldo ne ning dalumdum!

Amos 5:20

Magdala yang karalumduman ing aldo ning Ginu, e sala; aldo yang makatakut; ala yang bitasang sala!

Obadias 1:15

Malapit na ing kayaldawan nung kapilan, aku, ing Ginu, bansa kaku la ngan ukuman. Edom, itang kekang depat, ya naman ing keka marapat. Itang binie mu keka magbalik pasibayu.

Nahum 1:6

Potang mua ya, ninu ing miligtas? Ninu ing makapibata king bagsik ning mua na? Ibulus na ing mikakalabkab nang mua; arapan na batu malaso la.

Malakias 3:2

Oneng ninu ing malyaring makapibata king aldo ning paniatang na? Ninu ing malyaring makaligtas potang pakit ne? Mangari ya king matapang a sabun, mangari ya king api a gagawan neng puru ing bakal.

Ding Bilang 24:23

Ngana pang Balaam, Ah, ninu kaya ing mitagan mabie potang daptan ning Ginu ite?

1 Tesalonica 4:16

Kuldas yang ibat banua ing Ginu kayagnan na ning kulait a mumutus; ing bosis ning arkanghel at tiup na ning trumpeta ning Dios. Muna na lang pasublian mie ding mete a ating kasalpantayanan kang Cristo.

Kapahayagan 18:8

Uli na niti, datang la king Babilonia king misan mung aldo ding salut: sakit, lungkut, at danup. At masilab ya king api, uling mayupaya ya ing Ginung Dios a mamatul king Babilonia.

Kapahayagan 6:17

Uling dinatang ne ing marangal nang aldo ning karelang mua at ninu mo ing malyaring marap kaniti?