Joel 2:10 - Ing Mayap a Balita Biblia

¹⁰ King paglusub da, gabun mumugun ya at gagalgal yang banua. Ing aldo at bulan daralumdum la, at batuin ipagkaymut dang aslag da.

Joel 2:10 Iomraidhean Croise

Ding Dalit 114:7

Galgal ka, O mabilug a yatu king paniatang ning Ginu; arapan ning Dios nang Jacob,

Ding Dalit 18:7

Kanita ing yatu meugun ya, at ginalgal pati na pundasyun ding bunduk; milyari iti uling mimua ya ing Dios.

Isaias 13:10

Tuknang lang saslag ding batuin na ning banua; kulimlim ya ing aldo potang sunlag ya at e na ibie ning bulan ing sala na.

Isaias 34:4

Manabu ya ing aldo, ing bulan, at ding batuin, at malaso lang anti ing alikabuk. Lumbug ya ing banua; maging anti yang dase a milululun at manabu la ding batuin anting bulung ning ubas o ning tanaman a higera.

Isaias 5:30

Potang datang ne ing aldong ita, gumaga la king mabilug a Israel; gumaga lang anti ing biung ning alun ning dagat. Lawan ye iting bansa! Karalumduman at kasakitan ing daralanan na! Akmulan na ning dalumdum ing sala.

Jeremias 4:23

Miglalawe ku king yatu; sira ya at ala yang laman, miglalawe ku king banua; pawang maralumdum ing kakung ikit.

Joel 2:2

Aldo yang maralumdum at malungkut, aldo yang matuling at malulam. Lumusub la ding dakal a durun anting dalumdum a kakalat babo ding bunduk. E pa mika anti kanyan, at e na mika anti pa kanian.

Joel 2:31

Ing aldo dalumdum ya, at ing bulan lare yang anting daya, bayu datang ing maragul at makapangilabut a aldo ning Ginu.

Joel 3:4

Tiro, Sidon, at ika kabilugan a Filistia, nanu ing buri yung gawan kanaku? Bisa kayung mamayad kanako? Nung makanyan ing buri yu, bayaran da kayung agad!

Amos 5:8

Ing Ginu ya ing linalang karing batuin, ing Pleiades at ing Orion. Gagawan nang anting aldo masala ing karalumduman, at ing aldo gagawan neng bengi. Ausan nang lumapit ning Ginu ing danum ning dagat, at tutugtug na king yatu. Ing lagyu na Ginu.

Nahum 1:5

Gagalgal la ding bunduk kabud akit de ing Ginu; malalaso lang bunduk king arapan na. Gagalgal ya ing yatu at pati ding tau potang papakit ya ing Ginu.

Mateo 24:29

E lambat kaybat ning kaguluan a mapalyari king panaun a ita, e na ibie ning aldo ing sala na, dalumdum ya ing bulan at manabu la ding batuin ning banua at milisia la ding planeta karing karelang dalan.

Mateo 27:51

Ketang penandit a ita megabak ya ing kortina na ning Templo manibat babo angga lalam. Minayun at mebangal la ding batung mangaragul at

Ding Dapat 2:20

kulimlim ya ing aldo, at lare ya ing bulan antimo ing daya, bayu ya datang ing maragul at maligayang Aldo ning Ginu.

Kapahayagan 20:11

Kaybat na nita, ikit ke ing metung a maragul a tronu'ng maputi at ing makalukluk karin. Mebating la king arapan na ing banua at ing yatu at e na la bitasang meyakit.

Kapahayagan 6:12

Inyang biklat ne ning Kordero ing kanam a tatak, minayun masikan, meging matuling yang anti ing imalan da ring magpaldas ing aldo, meging malutu yang anting daya ing bulan.

Kapahayagan 8:12

Inyang tiniupan ne ning kapat a anghel ing trumpeta na, mepinsala ya ing katlu nang dake na ning aldo, ning bulan, at ding batuin. Inya milako ing katlung dake ning karelang aslag. Meralumdum ya ing katlung dake na ning patingapun, at lalu yang meralumdum ing katlung dake na ning bengi.

Kapahayagan 9:2

Biklat ne ning batuin ing bangin; linual ing makapal a asuk a kalupa na ning asuk ning maragul a ornu. Uli na ning asuk, meralumdum ya ing aldo at ing makapaligid.