Joel 2:1 - Ing Mayap a Balita Biblia

¹ Tiupan ya ing trumpeta; kampana tigtigan ya king Zion, ing bunduk-bundukan nang banal ning Dios. Galgal kayu memalen ning Juda! Uling ing aldo ning Ginu malapit niang datang kekayu.

Joel 2:1 Iomraidhean Croise

1 Cronica 15:28

Kayabe la ngan ding sablang Israelita inyang milipat ya ing Kaban ning Kasunduan ning Ginu king Jerusalem. Kukulisak la ngan king tula at titigtigan da la ring trumpeta, tambuli, pompiang, alpa, at lira.

Ding Dalit 119:120

Uli mu mitatakutan ku; kaku lang pitatakutan ding kayatulan mu.

Ding Dalit 87:1

Telakad ne ning Dios ing siudad na king banal a Bunduk ning Zion.

Exodo 10:14

Dinatang lang pulupulutung at digpa la king kabilugan a kayarian. Ila na deta ring pekamarakal karing durun a meyakit angga king aldong ita a e malyaring mayakit pa king daratang a panaun.

Isaias 13:6

Ngulangul kayu uling ing aldo ning Ginu malapit ne, ing aldo a magdalang kasiran ning Mayupaya!

Isaias 13:9

Daratang ne ing aldo ning Ginu, ing aldo ning pamanablas na at mabagsik a mua. Maging anti ya king disyerto ing yatu at mate ya ing ninumang makasalanan.

Isaias 2:12

King aldong ita isaldak ne ning Ginung Mayupaya ing ninumang mapagmaragul, palalu, at masikanan.

Isaias 66:2

Aku ing linalang king meto sikluban! Aku ing makibandi king sabla-sabla. Liligaya ku karing mapagpakumbaba at sisisi, karetang ating takut at mamintu kanaku.

Isaias 66:5

Makiramdam kayu king sasabian na ning Ginu, ikayung ating takut at mamintu king Ginu: Uling tapat kayu kanaku, pikasaman da kayu ding mapilan karing kabalen yu at ala lang pakialam kekayu. Insultuan da kayu at ngarang sumabi, Paburen tamung pakit na kekatamu ning Ginu ing upaya na at ing pamagligtas na ba da kayung akit saya! Oneng ila mismu ding mangapakarine!

Jeremias 16:10

Potang sabian mu ngan iti karela, ikutang da obat birian ku lang parusan mabayat. Ikutang da nung nanung kamalian ing depat da at nung nanung kasalanan ing depat da laban king Ginung karelang Dios.

Jeremias 16:7

Ala metung mang makisulung mangan o minum abe ning ninuman ban pasiknangan ne lub potang mate ya ing kaluguran na. Ala metung mang pakit pamakirame agyang king kematen tata na o ima na.

Jeremias 4:5

Tiupan ye ing trumpeta king mabilug a bansa! Kulisak kayung masikan at malino! Sabian yu karing memalen ning Juda at Jerusalem ing munta la karing siudad a makakuta.

Jeremias 5:22

Aku ing Ginu, obat ala kayung galang man kanaku? Baket e kayu galgal king arapan ku? Binili ku ing balas anting peka angganan ning dagat, metung a manatiling angganan a e na alipatan. Malyaring malimbuyu ya ing dagat, oneng e ne malyaring lagpus king pampang; malyaring dabungbung masikan ing alun, makanyan man e ne malyaring alipatan.

Ezekiel 12:23

Ngeni sabian mu karela, aku ing Ginung Dios, iti ing malyari kung asabi tungkul kaniti. Angganan ku ne iting kasebian. E ne maulit pa kapilan man king Israel. Sabian mu karela: Dinatang na ing panaun at mipapaltutu na la ding ula!

Ezekiel 21:12

Ngulangul ka king lungkut, O anak ning tau; mangaintulid ya iting espada karing kakung memalen at karing sablang manimuna na ning Israel. Mate lang kayabe ding sabla kung memalen. Dugdugan me ing kekang salu king pangabigu mu!

Ezekiel 30:3

Malapit ne iting aldo, ing aldo nung kapilan ing Ginu dapat ya. Metung yang aldo malulam, at mitmung kaligaligan para karing bansa.

Ezekiel 33:3

Potang akit na na lang daratang ding kalaban, tiupan ne ing trumpeta ban makapagsadia ya ing metung at metung.

Ezekiel 33:6

Nung namang akit neng daratang ning bante ing kalaban at e ne tiniupan ing trumpeta, datang ya ing kalaban at paten na la detang makasalanan, oneng ing bante ya ing parsalanan ku king karelang kamatayan.

Ezekiel 7:10

Daratang na ing aldo ning kasiran. Merakal ing keyalan hustisia; susukdul na king banua ing ketasan mung lub.

Ezekiel 7:12

Dinatang na ing panaun. Malapit ne ing aldo nung kapilan mawalan nang ulaga ing pamaniali at pamagtinda, uling dugpa ing parusa na ning Dios king balang metung at metung.

Daniel 6:26

Yutus ku king mabilug kung kayarian king sukat yang pitakutan at galangan ing Dios nang Daniel. Dios yang mabie at sasakup king kapilan man. Kapilan man e ya masira ing kayarian na, at ing kayupayan na kapilan man e miyangganan.

Daniel 9:16

Iningat mu kami king milabas a panaun, inya e na ka sa mimimua king Jerusalem. Ya ing siudad mu, ing banal mung bunduk-bundukan. Ding tau karing makasiping a bansa linawe reng mababa ing Jerusalem ampon ding kekang memalen uli da ring kekaming kasalanan, at uli da ring e ustung bage a depat da ring makatua mi.

Daniel 9:20

Sindu ku ing pamanalangin, ing pamangilala ku karing kasalanan ku, at ing kasalanan da ring kabalen kung Israelita ampon ing pamakisabi kung mayap king Ginung kanakung Dios king italakad ne sanang pasibayu ing banal nang Templo.

Hosea 5:8

Tiupan yu la ding trumpeta na ning Gibea! Tiupan ye ing trumpeta king Rama. Isikan yu ing kulisak ning pamakilaban karin Betaven! Ikayung lalaki na ning tribu nang Benjamin, sumugud kayu king labanan!

Hosea 8:1

Nganang sasabi ning Ginu, Tiupan ye ing trumpeta! Daratang lang anting agila ding kalaban king kanakung bansa! Lebagan de ring taung kanakung pinili ing kasunduan; e ra la tiparan ding utus ku.

Joel 1:15

Daratang ne ing aldo ning Ginu, ing aldo nung kapilan ing Mayupaya ipagpa nang kasiran. Makatakut ing ipasari na ning aldong ita!

Joel 2:11

Kakabling la ding utus ning Ginu karing e abilang-bilang nang sundalus; ding sundalus a mamintu king Ginu; tune dakal la at masikan lang tutu. Makapangilabut ya ing aldo ning Ginu! Ninu kaya ing miligtas kaniti?

Joel 2:15

Tiupan ye ing trumpeta king babo ning Bunduk ning Zion; iyutus yu ing pamag-ayunu at maus kayung pulung!

Joel 2:31

Ing aldo dalumdum ya, at ing bulan lare yang anting daya, bayu datang ing maragul at makapangilabut a aldo ning Ginu.

Joel 3:14

Libu-libu la ding atyu king Kapatagan ning Husgadu. E lumuat karin datang ing aldo ning Ginu.

Joel 3:17

Kanita, ika Israel, abalu mu king aku ing Ginung kekang Dios. King Zion ku manuknangan, ing kakung banal a bunduk-bundukan. Maging banal yang siudad ing Jerusalem; e ra ne alusuban pa ding dayuan king kapilan man.

Amos 3:6

E la wari mitakutan ding tau neng tutiup ya ing trumpeta na ning labanan? Atin waring sakuna a mapalyari king siudad nung e na peparala ning Ginu?

Amos 5:18

Makalunus ing mapalyari kekayung magnasang datang ne ing aldo ning Ginu! Nanu mo ing apala yu king aldong ita? E ya maging aldo na ning sala para kekayu nune aldo ne ning dalumdum!

Amos 8:2

Ngana kanaku ning Ginu, Amos, nanu ing akakit mu? Mekibat ku, Metung yang basket a ating prutas. Kanita ngana kanaku ning Ginu, Dinatang na ing kawakasan para karing memalen kung Israel. E ku na ibayu pa ing tingka ku tungkul king parusang ibie ku karela.

Obadias 1:15

Malapit na ing kayaldawan nung kapilan, aku, ing Ginu, bansa kaku la ngan ukuman. Edom, itang kekang depat, ya naman ing keka marapat. Itang binie mu keka magbalik pasibayu.

Zepania 1:14

Malapit ne ing marangal nang aldo ning Ginu; malapit neng malapit at mabilis yang daratang! Ing aldong ita maging aldo yang mitmung pait, uling tumangis la pati ding pekamatapang nang sundalus uli na ning ala lang akarapat!

Zepania 1:16

metung yang aldo a mitmu king inge da ring trumpetang mamaus king pamakigera at king kulisak da ring sundalung lulusub karing pakapader a siudad at mangatas a tore.

Zepania 1:7

Magtahimik kayu arapan na ning Ginung Dios! Malapit ne ing aldo nang pamanukum. Magsadia ya ing Ginu ba na lang isakripisyu ding taung pinili na, at kinumbira na na la ding kalaban ban kuanan da ing pibandian na ning Juda.

Zepania 3:11

King panaun a ita, O balen ku, e na kailangan ing pikarine yu ing pamag-rebeldi yu kanaku. Ilako ke ing ninumang magmatas at magpalalu at kapilan man e na kayu pasibayung magrebelding laban kanaku king banal kung bunduk-bundukan.

Zacarias 14:1

Malapit ne ing aldo nung kapilan lukluk ya ing Ginu king piukuman. Kuanan da kanita ing pibandian na ning Jerusalem, at pirakerakayan da ing meyakua king mismung akakit yu.

Zacarias 8:3

Magbalik ku Jerusalem, ing banal kung siudad, at manuknangan ku karin. Maging pikabaluan ya bilang tapat a siudad, at mayaus yang banal a bunduk-bundukan ing bunduk-bundukan ning Ginung Mayupaya.

Malakias 4:1

Daratang ne ing aldo nung kapilan ding taung mapagmatas at e mayap masilab lang kalupa na ning are, nganang sasabi ning Ginung Mayupaya. King aldong ita masilab la at alang mitagan metung man karela.

Ding Bilang 10:2

Gawa kang aduang trumpeta king pinukpuk a pilak at gamitan mu la king pamaniaus karing tau ban mitipun la at potang lumakad na la.

Ding Bilang 10:3

Potang agnan da lang tiupan, mitipun la arapan mu ding sablang memalen na ning Israel king pasbul ning Toldang tuknangan ku.

1 Corinto 14:8

At nung ing papasiag na ning trumpeta e masalese, ninung makapagsadia king pamakilaban?

Filipos 2:12

Uli na niti, mal kung kakaluguran, nung makananu yung parating tikian ing sasabian ku kanitang kayabe yu ku pa, lalung maulaga ing pamintuan yu ku ngeni, ngening e yu na ku kayabe. Isundu yu ing pamagobra para king kaligtasan yu a abe ing takut at galgal,

1 Tesalonica 5:2

Uling ikayu mismu balu yu king ing Aldo ning Ginu kalupa ne ning paniatang na ning mapanako.

Santiago 5:8

Sukat kayu namang mapibabata; e kayu paisira lub uling malapit na ing aldo nang paniatang ning Ginu.

1 Pedro 4:7

Malapit nang mirinan kawakasan ing sablang bage. Inya kailangan panatag kayu lub at masala kaisipan ba kayung makapanalangin masalese.

Kapahayagan 6:17

Uling dinatang ne ing marangal nang aldo ning karelang mua at ninu mo ing malyaring marap kaniti?