Joel 1:8 - Ing Mayap a Balita Biblia

⁸ Ikong memalen, kumiak kayu; kumiak kayung anti ing pamangiak ning dalaga king mete a kakaburi na.

Joel 1:8 Iomraidhean Croise

Ding Kasebian 2:17

Babai yang taksil king sarili nang asawa at mangalinguan ya karing banal nang sumpa king Dios.

Isaias 22:12

Mamaus ya kanita keka ing Ginung Dios a Mayupaya ban manangis kayu at magpaldas, ban kalbuan la ding buntuk yu at ban misulud imalan a magaspang.

Isaias 32:11

Meging mayan ing bie yung delanan; e kayu mika problema oneng ngeni, galgal kayu king takut! Ilako yu ing piblas yu at mitali kayung langgotsi karing awakan yu.

Jeremias 3:4

At ngeni sasabian mu kanaku, Ika ing Tata ku at pepakamalan mu ku manibat na inyang malati ku.

Ding Tagulele 1:4

Ala metung mang daratang ngeni king Templo ban samba karing mituldung banal a aldo. Manamdaman la ngeni ding babaing karin magkanta, at ding pari saingsing ing karelang panalangin. Ala nang tau karing pasbul dalan ning siudad, at ing Zion mibili ya king kalungkutan.

Amos 8:10

Gawan ku lang aldo ning pamangutkut mete ding kekong piesta, at alilan ku lang pamanangis ding masaya yung pamagkanta. Pasatsat ku la kekayu ding buntuk yu at papamiblasan da kayung imalan a magaspang. Mangari kayu karing pengaring manangis king pangamate na ning bugtung dang anak a lalaki. Maging maplas ya ing aldong ita angga king kawakasan na.

Malakias 2:15

E na kayu wari gewa ning Dios a metung mung katawan at espiritu karing sarasarili yung asawa? Nanu ing parasan na tungkul kaniti? Ing mikayanak kayung tune memalen na ning Dios. Inya mingat ya ing balang metung at metung kekayu ban e na asira ing pangaku na king asawa na.

Santiago 5:1

At ngeni, ikayung mabandi, pakiramdaman yu ing sasabian ku! Tumangis kayu at kiakan ing makalunus a bage a malapit nang dugpa kekayu!