Joel 1:7 - Ing Mayap a Balita Biblia

⁷ Tanaman tamung ubas sinira da la, at pengan tanaman tamung higera. Bikbak da lang balat da angga king ding sanga menimuti la.

Joel 1:7 Iomraidhean Croise

Ding Dalit 105:33

sinira na lang mulahan dang ubas at tanaman a higera; ding sablang tanaman pemakli na la.

Exodo 10:14

Dinatang lang pulupulutung at digpa la king kabilugan a kayarian. Ila na deta ring pekamarakal karing durun a meyakit angga king aldong ita a e malyaring mayakit pa king daratang a panaun.

Exodo 10:15

Tikpan da ing gabun angga king metuling iti karela; pengan da ing mitagan king uran-lipat at pati na ding bungang tanaman. Alang mitagan a berdi karing dutung ampon tanaman king mabilug a Ehipto.

Isaias 24:7

Lalangi la ding tanaman a ubas at diritak ing alak. Malungkut la ngeni ding taung masaya kanitang misan a panaun,

Isaias 32:12

Dugdugan yu la ding salu yu king lungkut uling mesira la ding matabang marangle at ding mulahan ubas;

Isaias 5:6

Paburen kung dagul nang dagul ing dikut at suksuk. E ke linisan o gambulan man, oneng paburen keng mapuput ya karing miyayaliwang suksuk. E ku paintulut dugpa ing uran king mulahan ubas.

Jeremias 8:13

Buri ku lang tipunan ding taung kanakung pinili antimo nung makananu nang titipunan ning metung a tau ing pupul na, oneng mengari lang tanaman a ubas a alang bunga; mengari lang tanaman a higera a e mamunga; malangi pati bulung da. Inya ibie ku karing dayuan ing gabun da.

Hosea 2:12

Pamutputan ku la ding tanaman nang ubas at ding tanaman a higera a sasabian nang pemayad da ring kalaguyo na uling siyuan na la. Gawan ku lang gubat ding mulahan nang ubas at tanaman a mamunga, at siran da ngan ding mabagsik a animal.

Joel 1:12

Ding tanaman a ubas, at tanaman a higera melanat la; melangi la ngan tanaman a mamunga; ing tula ding tau mewala na.

Amos 4:9

Peparatang kung angin a mapali ban malanat ing kekong tanam. Gisan da lang pengan ding durun ding kekong mulahan at tamnanan ubas ampon ding kekong tanaman a higera at olibo. Makanyan man e kayu mu rin migbalik-a-lub kanaku.

Habakuk 3:17

Agyang ding tanaman a higera ala lang bunga, at ding tutubung ubas, agyamang magpalya ing pupul da ring olibo at karing marangle alang pupul a binutil, agyamang ding tupa mate la ngan at alang baka karing kural,

Malakias 3:11

E ku paintulut ing siran da ring ulad ing kekayung tanam, at mamunga lang dakal a bunga ding mulahan yung ubas.