Joel 1:4 - Ing Mayap a Balita Biblia

⁴ E la pepatugut daratang ding durun karing tanaman; itang karelang tagan ding tinuki ila naman ding mengan.

Joel 1:4 Iomraidhean Croise

1 Ari 8:37

Nung mika maragul a danup king bansa o pesti o mika lawi o kulapu o gisanan da lang durun o ulad ding tanaman; nung kubkuban da lang kalaban ing isanu man karing karelang siudad o nung datang karela ing salut o sakit,

2 Cronica 6:28

Nung mika maragul a danup king gabun o pesti o mika lawi o kulapu o gisanan da lang durun at ulad ding tanaman, nung kubkuban da lang kalaban ing isanu man karing karelang siudad o nung datang karela ing salut o sakit,

2 Cronica 7:13

Potang sera ke ing banua ban e muran o parala ding durun ban kanan da ing makatanam king gabun o padala kung salut laban karing memalen ku,

Ding Dalit 105:34

Migsalita ne naman at durun la ding dinatang; king karakal da, e la malyaring bilangan.

Ding Dalit 78:46

Sepakan nang ulad ing tenam da, at pengan da ring durun itang mitagan a mikabunga.

Exodo 10:4

Nung e ka pa mu rin mabisa, paratang kung durun bukas king kayarian mu.

Exodo 10:5

Takpan de ing mabilug a Ehipto uli na ning keraklan da ring durun. Kanan da ngan ing sablang e na sinira ning uran-lipat at pati na ding tanaman a mitagan.

Isaias 33:4

Mesamsam at meyakua ing pibandian dang balamu delanan da ring durun.

Jeremias 51:14

Sinumpa ya ing Ginu king kapamilatan na ning bie na king miparala yang dakal a lalaking anting makapal a durun ban lusuban ya ing Babilonia, at kulisak lang kayabe ing pamagtagumpe.

Jeremias 51:27

Ibie ye ing senias ning pamanlusub! Tiupan ye ing trumpeta ban damdaman de ring bansa! Isadia yu la ding bansa para king gera laban king Babilonia! Sabian yu karing kayarian ning Ararat, Minni, at Askenaz ing lumusub na la. Tuldu kang metung a opisyal a manimuna king pamanlusub. Palualan lang anting susulapo durun ding kabayu.

Joel 2:25

Ibalik ku itang keka mewala inyang ding dakal a durun pengan dang kekang pupul. Kareting minyira keka aku ing pepadala.

Amos 4:9

Peparatang kung angin a mapali ban malanat ing kekong tanam. Gisan da lang pengan ding durun ding kekong mulahan at tamnanan ubas ampon ding kekong tanaman a higera at olibo. Makanyan man e kayu mu rin migbalik-a-lub kanaku.

Amos 7:1

Pepakit ne kanaku ning Ginung Dios ing metung a vision. Keting vision ikit keng linalang dakal a durun ing Ginu kanitang kaybat-ibat na pa mung ikua ning ari ing dake na king are at inyang tutubung pasibayu ing dikut.

Malakias 3:11

E ku paintulut ing siran da ring ulad ing kekayung tanam, at mamunga lang dakal a bunga ding mulahan yung ubas.

Deuteronomio 28:38

Tanam kayung dakal a bini, oneng ditak mu ing pupulan yu, uling kanan da ring durun.

Deuteronomio 28:42

Ding durun ilang gumisan karing sabla yung tanaman at tenam king marangle.