Joel 1:3 - Ing Mayap a Balita Biblia

³ Sabian yu iti karing kekong anak; ila karing anak da karela namang sabian at ila karing lahi ra sabian da naman.

Joel 1:3 Iomraidhean Croise

Ding Dalit 145:4

Ing kekang dapat purian da manibat king metung a lahi angga na ketang katuki na; ibalita da ing mayupaya mung dapat.

Ding Dalit 44:1

Inistoria da kekami, O Dios, ding makatua mi ing makapagmulala mung depatan kanitang karelang kapanaunan.

Ding Dalit 71:18

Ngening matua na ku at maputi na buak, O Dios ko, e mu ku sana lalakuan. Mantabe ka kaku kabang ipamalita ku pa karing lahing daratang ing kekang kayupayan at sikanan.

Exodo 13:14

King daratang a panaun, potang ikutang na ning anak yung lalaki nung nanu kabaldugan iting daraptan yu, ipakibat yu, King pamangamit na king maragul nang upaya, liwal na katamu ning Ginu king Ehipto, ing lugal nung nukarin tamu meging ipus.

Isaias 38:19

Ding mabie ilang makapuri keka, antimo ing ngeni daraptan ku keka. Sasalita da ring tata karing anak da nung nu anti ing katapatan mu karela.

Deuteronomio 6:7

Ituru yu la karing anak yu neng atyu kayu kilub o lual ning bale, neng magpaynawa kayu o neng magobra kayu.