Joel 1:2 - Ing Mayap a Balita Biblia

² Pakiramdaman yu iti, ikong lalaking makatua; makiramdam kayu, ikong sablang atyu Juda. Atin na kayang milyaring anti kaniti king kekong kapanaunan o king kapanaunan ding kekong pengari?

Joel 1:2 Iomraidhean Croise

Job 12:12

Miyabie karing mangatua ing kabiasnan, at karing mika makabang bie ing pamangilala miyabie.

Job 15:10

Tinggap mi ing beluan mi karing maputi na buak at makatua libutad mi, maygit lang matua deti kesa kang tata mu.

Job 21:7

Baket kaya ing Dios paintulut na lang mabibie ding e mayap? Baket akakua dang tutua at maging mayupaya?

Job 8:8

Aduan ku keka ing mangutang ka sana king panaun dang milabas ding kekang makatua, pagaralan mu nung nanu ing atuklasan da;

Ding Dalit 49:1

Pakiramdaman yu ini, ikong sablang tau! Pakiramdaman yu, ikong keti king yatu;

Isaias 34:1

Lumapit kayu, ikayung sablang memalen da ring bansa! Mitipun-tipun kayu at makiramdam. Paburen ya ing mabilug a yatu at ding sablang manuknangan kaniti ing lumapit la keni at makiramdam.

Isaias 7:17

Ipagpa na kanita ning Ginu keka, king balen mu at king pamilya na ning kekang ari ding aldo ning kaligaligan a maygit mangasakit kesa karing aldo linabas manibat inyang kinawani ya ing kayarian Israel king Juda; idala ne pa ing ari na ning Asiria.

Jeremias 30:7

Daratang ne ing aldo makatakut; ala yang kalupa ing aldong iti; panaun ne ning kaligaligan para karing taung kakung pinili; oneng mikabus la.

Jeremias 5:21

Pansinan yu iti, ikayung memalen a mangmang at alang balu; atin kayung mata, oneng e na ko man manakit, at atin kayung balugbug, oneng e na ko man makaramdam.

Daniel 12:1

Nganang sinabi ning anghel a makaimalan linen, King panaun a ita, pakit ya ing mayupayang anghel a i Miguel a magbante karing kabalen mu. Kanita mika panaun ning kaligaligan, ing e mayap dili manibat na king kamumulan a linto la ding bansa. Potang datang na ing panaun a ita, miligtas la ding heganaganang memalen na ning kekang bansa a makasulat a lagyu king libru ning Dios.

Hosea 4:1

Atin yang sumbung ing Ginu laban karing taung manuknangan king bansang iti. Makiramdam ka, Israel, king sasabian na: Alang katapatan o lugud a mayayakit king bansang iti at e ra ku kikilalanan Dios da ring memalen na.

Hosea 5:1

Ikayung pari, makiramdam kayu kaniti! Makiramdam kayu, ikayung memalen na ning Israel! Ikayung miembru na ning pamilya ning ari, makiramdam kayu! Ikayu ding sukat munie matulid a atul karing aliwa, inya kekayu dugpa ing kayatulan! Meging bitag kayu king Mizpa, anting lambat a makaladlad king Bunduk ning Tabor.

Joel 1:14

Iyutus yu ing pamag-ayunu, maus kayung kapulungan! Pamuntuk kekayu lang tipunan pati ding sablang king Juda manuknangan; at kilub ning Templo maus kayu king kekong Dios!

Joel 2:2

Aldo yang maralumdum at malungkut, aldo yang matuling at malulam. Lumusub la ding dakal a durun anting dalumdum a kakalat babo ding bunduk. E pa mika anti kanyan, at e na mika anti pa kanian.

Amos 3:1

Makiramdam kayu, O memalen ning Israel, kaniting mensahi na ning Ginu a selita na tungkul kekayu, ikayung sablang bansang tinaid nang leko Ehipto.

Amos 4:1

Pakiramdaman yu iti, ikong babaing tau Samaria a tataba anti ding baka a pataban karin king Bashan. Ikayu ding manggipit karing maina at manabusu karing pakakalulu, at mamilit karing asawa yu king e ra kayu sa paburen kagigisanan alak!

Amos 5:1

Memalen ning Israel, makiramdam kayu kaniting kanta a kakung ikanta para kekayu tungkul karing mete:

Mikeas 1:2

Ikong sablang bansa, pakiramdaman yu iti; makiramdam kayu ikong manuknangan keti king yatu! Magtestigu yang laban kekayu ing Ginung Dios. Makiramdam kayu! Oyan magsalita ya karin king templo na banua.

Mikeas 3:1

Makiramdam kayu, ikayung manimuna na ning Israel, ikayung pamuntuk ning Israel! Sukat sana ing pagmalasakitan yu ing hustisia,

Mikeas 3:9

Makiramdam kayu kanaku, ikayung manimuna na ning Israel, ikayung masama king hustisia at mamaluktut king matulid.

Mateo 13:9

Nganang Jesus, Makiramdam ya itang ating balugbug!

Mateo 24:21

Alang kalupa ing kaligaligan king panaun a ita king mengapalyari na king milabas manibat na kanitang melalang ya ing yatu angga na king kasalukuyan o king datang a panaun.

Kapahayagan 2:7

Nung atin kang balugbug, pakiramdaman mu ing sasabian na ning Espiritu karing iglesia! Ibie ku karing magtagumpe ing katuliran mangan king bunga na ning tanaman ning bie a atyu king Hardin ning Dios.