Joel 1:19 - Ing Mayap a Balita Biblia

¹⁹ Ginu, mamaus ku keka, uling ing pipagpastulan at ding tanaman melangi la, anti waring ing api ya ing sinilab karela.

Joel 1:19 Iomraidhean Croise

Ding Dalit 50:15

King oras ning kekong kaguluan maus kayu kaku; iligtas da kayu at parangalan yu ku.

Ding Dalit 91:15

Potang maus la kaku kaku lang pakibatan; kaku lang saupan king karelang kagutgutan; kaku lang iligtas at parangalan.

Jeremias 14:4

E la mipaindatun ding ortelanu; tatakpan da lang karelang lupa, uling alang uran a mananabu at ing gabun mengabtak na.

Jeremias 3:9

E ne tiblan ning dine ditak mu man. Dinatan ne ing bansa; dinapat yang kataksilan king kapamilatan na ning pamanyamba na karing batu at karing dutung.

Jeremias 9:10

Ngaku, Tumangis ku para karing kabundukan, at managulele ku para karing marangleng pipagpastulan, uling melangi la at ala nang taung daralan karela. E na mararamdam ing siwala da ring baka; ding ayup at malyap a animal tinakas na la, at e mu na la akit pa.

Jeremias 9:9

E ku la wari parusan? E ku wari mablas king bansang anti kanyan? Aku, ing Ginu, ing migsalita.

Joel 2:3

Mengari la king api a lalaklak karing tanaman. King karelang arapan ing bansa anti ya ing Mula ning Eden, oneng king karelang kagulutan metung yang malanging ilang. Karela alang miligtas metung man.

Amos 1:2

Nganang sinabing Amos, Magsalita ya ing Ginu karin king Zion; ing bosis na babalandrang ibat Jerusalem. Lalangi ing pipagpastulan, at malalanat ing dikut king Bunduk ning Carmel.

Amos 7:4

Pepakit ne kanaku ning Ginung Dios ing metung pang vision. Keting vision ikit keng magsadia ban parusan na la ding taung pinili na king kapamilatan na ning silab. Pepamalan ne ning silab ing malapad a dagat lalam ning gabun at megumpisa nang mikakalat ing silab king bansa.

Mikeas 7:7

Oneng manaya ku king paniatang na ning Ginu. Manaya kung mitmung tiwala king Dios a magligtas kanaku. Pakiramdaman na ku ning kanakung Dios.

Lucas 18:1

Selita neng Jesus karela ing metung a talimhaga ban ituru na karela king sukat lang parating manalangin at e la kapilan man mimina lub.

Lucas 18:7

Ngeni, ipagkaymut na kaya ning Dios ing katuliran karetang sariling pinili na a mamaus pasaup keya aldo't bengi? E na la kaya agad saupan?