Joel 1:15 - Ing Mayap a Balita Biblia

¹⁵ Daratang ne ing aldo ning Ginu, ing aldo nung kapilan ing Mayupaya ipagpa nang kasiran. Makatakut ing ipasari na ning aldong ita!

Joel 1:15 Iomraidhean Croise

Ding Dalit 37:13

oneng ing Ginu kaylian nia mu, uling akakit nang daratang ing keyang kawakasan.

Jeremias 30:7

Daratang ne ing aldo makatakut; ala yang kalupa ing aldong iti; panaun ne ning kaligaligan para karing taung kakung pinili; oneng mikabus la.

Jeremias 46:10

Iti ya ing aldo ning Ginung Dios a Mayupaya: aldo ne iti ning pamagbengansa na, ngening aldong iti na la parusan ding keyang kalaban. Laklakan na la ning espada na angga king kumabsi ya, at inuman na ing daya ra kabang bisa ya. Ngening aldong iti na la isakripisyu ding biktima na king dane norti lele ning Ilug ning Eufrates.

Ezekiel 30:3

Malapit ne iting aldo, ing aldo nung kapilan ing Ginu dapat ya. Metung yang aldo malulam, at mitmung kaligaligan para karing bansa.

Joel 2:11

Kakabling la ding utus ning Ginu karing e abilang-bilang nang sundalus; ding sundalus a mamintu king Ginu; tune dakal la at masikan lang tutu. Makapangilabut ya ing aldo ning Ginu! Ninu kaya ing miligtas kaniti?

Joel 2:31

Ing aldo dalumdum ya, at ing bulan lare yang anting daya, bayu datang ing maragul at makapangilabut a aldo ning Ginu.

Joel 3:14

Libu-libu la ding atyu king Kapatagan ning Husgadu. E lumuat karin datang ing aldo ning Ginu.

Obadias 1:15

Malapit na ing kayaldawan nung kapilan, aku, ing Ginu, bansa kaku la ngan ukuman. Edom, itang kekang depat, ya naman ing keka marapat. Itang binie mu keka magbalik pasibayu.

Zepania 1:7

Magtahimik kayu arapan na ning Ginung Dios! Malapit ne ing aldo nang pamanukum. Magsadia ya ing Ginu ba na lang isakripisyu ding taung pinili na, at kinumbira na na la ding kalaban ban kuanan da ing pibandian na ning Juda.

Santiago 5:9

Kapatad, e kayu mipapamarsala ban e na kayu atulan ning Dios. Ing Ukum malapit ne, atyu ne king pasbul.

Kapahayagan 6:17

Uling dinatang ne ing marangal nang aldo ning karelang mua at ninu mo ing malyaring marap kaniti?