Joel 1:13 - Ing Mayap a Balita Biblia

¹³ Ikong pari king altar susuyu, magaspang a imalan ing isulud yu at kumiak kayu! Templo kekayu yang luban ban karin manangis kabukas! Alang binutil ni alak man ban king kekong Dios iyampang.

Joel 1:13 Iomraidhean Croise

2 Samuel 12:16

Menalangin ya i David king Ginu ban kumayap ya ing anak. E ya bitasang mengan at inyang bengi na linub ya king kuartu na at king gabun ya migkera.

1 Ari 21:27

Inyang dimdam na lang Ahab deting amanu, ginabak na ing susulud nang imalan, at misulud yang imalan a magaspang E ya bitasang mengan at metudtud ya king imalan a magaspang. Tutu yang melungkut at mesakit a lub.

Isaias 22:12

Mamaus ya kanita keka ing Ginung Dios a Mayupaya ban manangis kayu at magpaldas, ban kalbuan la ding buntuk yu at ban misulud imalan a magaspang.

Isaias 61:6

Makilala kayung pari ning Ginu, talasuyu ning Dios tamu. Tamasan yu ing pibandian da ring bansa, at ipagmaragul yu king iti kekong bandi.

Jeremias 4:8

Inya, misulud kayung imalan a magaspang, ngulangul at manangis kayu, uling ing mabagsik nang mua ning Ginu e pa milako king Juda.

Jeremias 9:10

Ngaku, Tumangis ku para karing kabundukan, at managulele ku para karing marangleng pipagpastulan, uling melangi la at ala nang taung daralan karela. E na mararamdam ing siwala da ring baka; ding ayup at malyap a animal tinakas na la, at e mu na la akit pa.

Ezekiel 21:12

Ngulangul ka king lungkut, O anak ning tau; mangaintulid ya iting espada karing kakung memalen at karing sablang manimuna na ning Israel. Mate lang kayabe ding sabla kung memalen. Dugdugan me ing kekang salu king pangabigu mu!

Ezekiel 27:31

Sitsatan da lang buntuk da para keka, at misulud lang imalan a magaspang. Masaspak la salu kabang manangis la.

Ezekiel 7:18

Misulud lang imalan a magaspang at galgal ing mabilug dang pangatau. Makalbu la ding buntuk da at mibili la ngan king kamarinayan.

Hosea 9:5

At potang datang na ing aldo da ring mituldung piesta para parangalan ya ing Ginu, nanu ing daptan da kanita?

Joel 2:12

Oneng agyang ngeni, ngana ning Ginu, sumisi kayu at magbalik lub kaku king mabilug yung pusu, at kayabe ning pamag-ayunu, kiak kayu ampon lungkut.

Joel 2:14

Siguru ing Ginung kekong Dios mikaduan ya lub, at kayabe ning dakal a pupul ing bendisyun na kekayu ibie na. Kanita iyain yu king Ginu alak ampon binutil.

Joel 2:17

Ding pari king Ginu susuyu pilatan ning altar, at ning pasbul ning Templo, paburen lang tumangis at manalangin: Ginu, malunus ka king kekang balen, e mu paintulut ing insultuan da kami at kaylian ding aliwang bansa king kapamilatan ning karelang pamagsalita: Nu ya karin ing kekong Dios?

Ding Bilang 28:14

Aduang litru ing ain-a-inuman king balang toro, aduang litru king balang lalaking tupa, at kulang king metung a litru king balang biserung tupa. Iti ing iyain yu king mumunang aldo ning balang bulan kilub ning pabanua.

Ding Bilang 28:4

Iyain ya ing metung kareti neng abak at ing kadua neng sisilim na.

Ding Bilang 28:7

Magdala kayu namang metung at kapitnang litrung katas ubas bilang ain-a-inuman king balang metung at metung karing tupa. Itugtug iti king Banal a Lugal para kanaku, ing Ginu.

Ding Bilang 29:6

Iyain la reting ain subali pa karetang aldo-aldo ain-a-durulukan at ing ain-a-binutil ampon ain-a-inuman. Babie tula kanaku, ing Ginu, ing mabanglung bau da reting ain-a-durulukan.

1 Corinto 4:1

Sukat yu kaming kilalanan talasuyu nang Cristo at mipanibalan karing lihim nang katutuan ning Dios.

1 Corinto 9:13

E yu wari balu king ding taung susuyu king Templo kakuanan da ing pamangan da king Templo, at detang miyayain karing ain-sakripisyu king altar, atin lang dake kareting yayain da?

2 Corinto 11:23

Talasuyu na lang Cristo? Anti ku waring mangmang king pamagsalita ku, oneng mas mayap kung talasuyu nang Cristo kesa karela! Maygit ing kanakung kapagalan; maralas mesukul; miparusan e mu nanu at maralas mibili king bingit ning kamatayan.

2 Corinto 3:6

Ya ing maki kaburian ban maging talasuyu na kami ning bayung kasunduan, ing kasunduan a e mayayakit king misulat a kautusan, nune king Espiritu. Uling makamate ya ing misulat a kautusan, oneng ing Espiritu babie yang bie.

2 Corinto 6:4

Nune king heganaganang bage pepakilala mi king talasuyu na kami ning Dios king kapamilatan na ning pamibabata mi king dakal a kasakitan, kalungkutan, at kalipitan.

Kapahayagan 11:3

Parala ku la ding adua kung testigu a makaimalan magaspang, at kilub ding libu aduang dalan at anam a pulung aldo ipanaral da ing amanu na ning Dios.