Jeremias 9:3 - Ing Mayap a Balita Biblia

³ Parati lang magsalitang kalaraman; kalaraman ing mag-ari king bansa lugal king ing katutuan. Ngana ning Ginu, E ngan mayap ing daraptan da ring taung pinili ku, at e ra ku kikilalanan Dios da.

Jeremias 9:3 Iomraidhean Croise

Genesis 39:16

Sininup ne lele na ing balabal nang Jose angga king minuli ya i Potifar, ing panginuan nang Jose.

Ding Kasebian 12:5

E la mangabiran ding taung malinis a kaisipan, oneng mitmu lang katraidulan ding taung e mayap.

Isaias 1:3

Akikilala ne ning baka ing maki bandi keya at balu ne ning animal a asno ing taung babie pamangan keya. Oneng e na ku balu ning balen kung Israel at ding taung kanakung pinili; e ra bitasang aintindian.

Isaias 3:5

Samantalanan ne ning metung at metung ing ninu pa mang tau. E la munie kagalangan ding kayanakan karing karelang makatua, at e ra la galangan ding taung alang dangal ding makaygit karela.

Isaias 6:5

Kanita sinabi ku, Ala na kung kapanayan! Makalunus ku uling makasalanan la ding labi ku, at uling manuknangan ku libutad ding taung marinat a labi. Ngeni, ikit ke karing sarili kung mata ing Ari, ing Ginung Mayupaya!

Isaias 9:18

Mengari ing dapat dang e ustu ding tau king aping lalaklak karing miyayaliwang dikut at tanaman a masuksuk. Mitataung anting silab king kasukalan a maki asuk a susun-susun papunta babo.

Jeremias 12:6

Pati ding kapatad mung lalaki, mismung katubale mu, pigtaksilan da ka; mekiabe la king pamagtaksil keka. E ka magtiwala karela agyang magsalita lang masanting a amanu keka.

Jeremias 22:16

Binie na karing kalulu ing katuliran da king husgadu, at ing sabla linto masalese para karela. Iti ya ing kabaldugan na ning balu me ing Ginu.

Jeremias 31:34

Ala na metung man kanita ing ituru ne ing kabalen na ban pakibaluan ne ing Ginu uling ding sabla abalu ra ku, manibat king malating dili at angga na king maragul dili. Patawaran ku ing karelang kasalanan at kalinguan ku ing karelang kasalanan. Aku, ing Ginu, ing migsalita.

Jeremias 4:22

Ngana ning Ginu, Kamangmangan da pala ding taung kakung pinili; e ra ku akikilala. Mengari la karing anak a alang balu; ala la pang aintindian. Kagaling da king pamaniapat e mayap, oneng ala lang bitasang balu king pamaniapat mayap!

Jeremias 5:4

Kanita ku aisip king deti kalulu la mu at mangmang. E ra balu ing karelang daraptan; e ra balu ing aduan ning Dios karela, itang parapat na karela ning Ginu.

Jeremias 5:5

Puntalan ku la ding taung atyu king upaya, at makipagsalita ku karela. Siguradung balu da naman itang aduan ning Dios da, itang buri nang parapat ning Ginu karela. Oneng tinggian da ing kayupayan ning Ginu, at keya e la mebisang mamintu.

Jeremias 6:28

Mapaglaban la at masias a buntuk, kasing kasias na la ning tangsu at ning bakal. Baluktut la ngan a dapat; lakad-lakad lang mangalat kapanyiran.

Jeremias 7:26

Makanyan man, ala metung man a mekiramdam o minie pansin. Lalu kayung meging masias a buntuk at mapaglaban kesa karing makatua yu.

Jeremias 9:5

Ila ngan karela lang lilinlangan ding karelang kakaluguran, at metung man alang magsalitang katutuan; sinane da lang dila ra king pamaglaram, at e la bisang tuknang darapat kasalanan.

Jeremias 9:8

Anti lang paslung ating lasun ding karelang dila; kalaraman ing karelang sasalita. Mayap ing sasabian ning metung at metung king kalupa nang tau, oneng king kamatutuanan umangnan neng kasiran.

Ezekiel 8:13

Kanita ngana kanaku ning Ginu, Lakuas mu lang akit darapat bage mas makasumami kesa kanyan.

Daniel 11:27

Kanita misulu lang mangan ding aduang ari king metung mung lamesa, oneng e mayap ing buri da at pawang kalaraman ing sabian na ning metung king metung. E ra akua ing karelang buri, uling e pa dinatang ing panaun para kaniti.

Levitico 19:11

E kayu manako o mamirait o maglaram.

Marcos 8:38

Inya nung pikarine na ku ampon ing kanakung turu ning ninuman kaniting kapanaunan a marawak at e kikilala king Dios, pikarine nia naman ning Anak ning Tau potang datang ne king kaligayan ning Ibpa na a kayabe ding banal nang anghel.

Juan 17:3

Iti ya ing bie alang angga: ing akilala ra ka, ikang bukud ing tune Dios at i Jesu-Cristo a kekang tinubud.

Ding Dapat 24:9

Minagpang la ding Judio kaniti at sinabi ra king tutu ngan iting sabla.

Roma 1:16

E ke pikakarine ing Mayap a Balita, uling iti ya ing upaya nang magligtas ning Dios karing sablang maniwala, muna karing Judio at antimu rin karing paganu.

Roma 1:28

At uling e la bisang kilala king Dios, pepaburen na la ning Dios king e mayap dang pamisip angga na ketang daraptan da ing e ra sukat daptan.

Roma 3:13

Mengari la ding asbuk da king pantiun a makabuklat; mamagus karing dila ra ing kalaraman, ding labi ra kamandagan lang anti ding karing ubingan;

1 Corinto 15:34

Mibalak na kayung masalese at tuknang kayung darapat kasalanan. Sasabian ku iti ba kayung dumine uling ding mapilan kekayu e re balu ing Dios.

Filipos 1:28

E kayu mitatakutan karing kekayung kalaban king isanu mang pakiarapan. Lalarawan na na ning karelang kapanialangsangan itang kabiguan a karelang kararasnan, oneng para kekayu kaligtasan naman. Iting sabla makayagpang king kapagnasan na ning Dios.

2 Timoteo 3:13

Ding taung marawak at ding magbalatkayu lalu lang maging marawak, maglinlang la, at ila mismu malinlang la.

Judas 1:3

Pakamalan kung kakaluguran, Magkapilit kung daptan ing anggang agyu ku ban makasulat kekayu tungkul king kaligtasan a atyu kekatamu. Kaniting penandit panamdaman ku king tune ping kailangan ing sulatanan da kayu ban pasiknangan ku ing kekayung pamakilaban para king kasalpantayanan a misan mu miyabie karing pinili na ning Dios.

Kapahayagan 12:11

Migtagumpe la laban king diablo uli na ning daya ning Kordero at ning pamipatutu ra king katutuan; e ra pitakutan ing mate la.

Ukum 14:17

Tengisan na iti kilub ding pitung aldo ning pamagpiesta. Inya king kapitung aldo sinabi neng Samson king asawa na ing buri nang sabian ning bugtung, uling e ne tiknangan kukulitan. Kaybat sinabi ne ning babai karing Filisteo.

Ukum 2:10

Inyang mete na la ding sabla ketang lahing ita, e na ne balu ning tinuking lahi ing Ginu at ing sablang dapat a gewa na para king Israel.

1 Samuel 2:12

E la mayap ding anak nang Eli; ala lang galang king Ginu.