Jeremias 9:2 - Ing Mayap a Balita Biblia

² Sana atin kung tuknangan king disyerto nung nu ku la asalikutan ding kabalen ku. E la ngan tapat, taksil la ngan.

Jeremias 9:2 Iomraidhean Croise

Isaias 59:3

Malaram kayu, mabagsik, at makamate tau!

Jeremias 12:1

Ginu, nung makipagmatulid ku keka tungkul king kakung kasu, mayakit king ika ing maki matulid. Makanyan man buri da ka pang pangutnan tungkul king hustisia. Baket mipapala la ding taung makasalanan? Baket magtagumpe la ding taung e tapat?

Jeremias 12:6

Pati ding kapatad mung lalaki, mismung katubale mu, pigtaksilan da ka; mekiabe la king pamagtaksil keka. E ka magtiwala karela agyang magsalita lang masanting a amanu keka.

Jeremias 13:22

Nung ikutang mu ba't milyari ngan iti keka, ba't megabak ing imalan mu at melapastangan ka puri, iti milyari uling ing kasalanan mu tune alang kalupa.

Jeremias 23:10

Mitmu ya ing bansa karing taung migtaksil king Ginu; mibiebie la king e mayap at abusuan ing karelang upaya. Uli ning sumpa ning Ginu magpaldas ya ing bansa, at melangi lang pipagpastulan.

Jeremias 4:22

Ngana ning Ginu, Kamangmangan da pala ding taung kakung pinili; e ra ku akikilala. Mengari la karing anak a alang balu; ala la pang aintindian. Kagaling da king pamaniapat e mayap, oneng ala lang bitasang balu king pamaniapat mayap!

Jeremias 5:1

Memalen ning Jerusalem, mamulayi kayung pabalikbalik karing dalan! Maglalawe kayu at magumasid! Pakalawe yu! Salugsugan ye ing palengki ban lawan nung ating metung mu mang taung darapat king matulid, at magkapilit maging tapat king Dios. Nung atin kayung akit, patawaran ne ning Ginu ing Jerusalem.

Jeremias 5:11

Lubus da kung pigtaksilan ding memalen ning Israel at Juda. Aku, ing Ginu, ing migsalita.

Jeremias 5:2

Agyang sasabian yung sasamban ye ing Ginu, e naman laus king lub yu ing kekong amanu.

Hosea 4:2

Mangaku la, oneng e ra naman tutuparan; magsalita lang kalaraman, makamate la, manako la, at makipangalugud la. Milalalu na ing e mayap dang pamaniaptan, misalasalisi ing pamakamate ra.

Hosea 5:7

Pigtaksilan de ing Ginu; e na la bandi ding anak da. Inya e na lambat masira la at ding marangle da.

Hosea 6:7

Oneng lebagan de ing kasunduan kalub da reting tau king bansang Adan.

Hosea 7:4

E mu la apagkatiwalan; taksil la ngan. Mengari la king mapaling ornu na ning gagawang tinape a e na pa susubung ing panangab kabang sasadia ne ing masa.

Mikeas 6:12

Magsamantala la ding mabandi karing pakakalulu, at malaram kayu ngan.

Zepania 3:4

E mu la apanaligan at taksil la ding propeta; insultuan da ring pari itang bage sagradu, at pamaluktut de ing kautusan na ning Dios para king sarili dang kapakanan.

Malakias 2:11

E ra tiparan ding memalen na ning Juda ing pengaku ra king Dios, at dinapat lang makasumaming bage king Jerusalem at king mabilug a bansa. Ginawa lang kalapastanganan king Templong pakamalan na ning Ginu. Mekiasawa la ding lalaki karing babaing sasamba karing dios a dayuan.

Malakias 2:14

Kukutang yu nung ba't e na na la tatanggapan. Ing sangkan ya iti: uling balu na king e yu la tiparan ding pengaku yu king babaing kekayung kesal inyang kayanakan yu. Ya ing kekayung kayabe king bie, oneng e yu tiparan ing pengaku yu king Ginu agyang simpa yu king arapan na ning Dios king maging tapat kayu karing sarasarili yung asawa.

Santiago 4:4

Taksil a tao! E yu wari balu king ding maki-kaluguran king yatu maging kalaban na la ning Dios? Inya, ninuman ing bisang maging kakaluguran na ning yatu gagawan neng kalaban na ning Dios ing sarili na.

Ukum 2:10

Inyang mete na la ding sabla ketang lahing ita, e na ne balu ning tinuking lahi ing Ginu at ing sablang dapat a gewa na para king Israel.