Jeremias 8:4 - Ing Mayap a Balita Biblia

⁴ Sinabi na kanaku ning Ginu ing sabian ku iti karing taung pinili na, Nung misakab ya ing metung a tau, e ne wari talakad pasibayu? Nung malili ya king lakad na, e ya wari magbalik king ibatan na?

Jeremias 8:4 Iomraidhean Croise

1 Ari 8:38

pakiramdaman mu sana kanita ing karelang panalangin o ing nanumang aus na ning metung at metung karing memalen mung Israelita king penandit a panamdaman da king pusu ra king mikasala la, at itas da la ring gamat da makayarap keting Templo,

Ding Kasebian 24:16

Agyang misakab yang pitung besis ing taung matulid, talakad ya pa mu rin. Oneng ing taung e mayap dasnan ne ning kapahamakan.

Isaias 44:22

Pinawi ku lang anting lulam ding kekang kasalanan. Magbalik ka kaku, aku ing talapagligtas mu.

Isaias 55:7

Paburen lang gumulut ding taung e mayap king karelang e ustung dapat, at ibayu ing karelang pamisip. Paburen lang magbalik king Ginung kekatamung Dios; uling mapaglunus ya at mapamatawad.

Jeremias 23:14

Oneng ikit ku ing lalung e mayap karing propeta ning Jerusalem: darapat lang pamakipangalugud at magsalitang kalaraman; sasaupan da lang darapat e ustu ding tau, inya alang tuknang ing pamaniapat dang e mayap. Para kaku, e la ngan mayap anti ding tau Sodoma, at e la mayap anti ding memalen ning Gomorra.

Jeremias 3:1

Ngana ning Ginu, Nung idiborsyu ne ning lalaki ing asawa na, at ing babai naman kawanian ne at maging asawa ne ning aliwang lalaki, e na ne akuang pasibayu ning minuna nang asawa. Lubus neng minie dinat king bansang ita. Oneng ika, Israel, karakal mu kelaguyo at ngeni bisa kang magbalik kanako!

Jeremias 3:22

Magbalik na kayu, ikong sablang ginulut king Ginu; pakayapan na kayu at gawan na kayung tune tapat. Sasabian yu, Wa, lumapit na kami king Ginu uling ya ing kekaming Dios.

Jeremias 36:3

Magkang gumulut la ding memalen na ning Juda king e ustung pamibiebie potang damdaman da ing sablang kasiran a buri kung iparala karela. Kanita patawaran ku ing depat dang e ustu at ing kasalanan da.

Jeremias 4:1

Ngana ning Ginu, Memalen ning Israel, nung bisa kayung magbalik, sukat ing mibalik kayu kanaku. Nung ilako yu la ding idolong kasaman ku at nung maging tapat kayu kanaku,

Ezekiel 18:23

Pota galang isipan mu king tutula ku neng akakit keng mamamate ing taung e mayap? nganang kukutang ning Ginung Dios. Ali ku. Mas buri keng akit sumisi at mabie.

Hosea 14:1

Magbalik na kayu king Ginung kekayung Dios, O memalen ning Israel. Ing kekayung kasalanan ya ing pepasari king kekayung pangabagsak.

Hosea 6:1

Ngara ding tau, Tara, magbalik ta na king Ginu! Penasakit na katamu, oneng siguradung uluan na katamu; sinugat na katamu, oneng bendahan na la ding sugat tamu.

Hosea 7:10

Magsalitang masikan ing kapalaluan da ring tau Israel laban karela. Makanyan man, e la migbalik lub kanaku, ing Ginung karelang Dios.

Amos 5:2

Ing dalagang Israel miragsa ya, at e ne pasibayung talakad pa! Oyta, king gabun makapase ya, at alang sumaup ban ibangun ya.

Mikeas 7:8

Ala lang matulid gawan da katamung pikaylian ding kalaban tamu. Wa, misakab tamu, oneng talakad tamung pasibayu. Wa, atyu tamu ngeni king karalumduman, oneng dinan na katamung sala ning Ginu.