Jeremias 8:2 - Ing Mayap a Balita Biblia

² Lugal king tipunan da la ngan at ikutkut, ikalat da la king aslagan na ning aldo, ning bulan at ding batuin a liguran da ampon siyuan at karelang singgunian ampon simban. Maging anti lang dinat ding animal ding butul a pakakalat king gabun.

Jeremias 8:2 Iomraidhean Croise

2 Ari 17:16

Lebagan da la ngan ding utus na ning Ginu karelang Dios, at ginawa lang aduang biserung bakal a baka. Ginawa la namang rebultu na ning diosang i Asera, simban da la ring batuin, at sinuyu la king kikilalanan dang dios a i Baal.

2 Ari 21:3

Pepatalakad na lang pasibayu ding pisasamban da ring paganu a pepalasak nang Hezekia a tata na. Pepagawa na la ring altar para kang Baal at pepagawa ya namang larawan na ning diosang i Asera antimo ing gewa nang Aring Ahab ning Israel, at sinamba ya karing batuin.

2 Ari 21:5

Pepagawa ya namang aduang altar para karing aduang asias na ning patyu ning Templo ning Ginu ban samban la karin ding batuin.

2 Ari 23:5

Tinabi na la ding paring telaga da ring minunang ari ning Juda ban duluk insenso karing mangatas a lugal ning siudad ning Juda at ning makapadurut ning Jerusalemding paring miyain ain-sakripisyu kang Baal, king aldo, king bulan, karing planeta, at karing batuin.

Ding Dalit 53:5

Oneng king takut galgal lang alang kalupa, uling ing Dios ikalat na la butul ding kalaban ning balen na; tinggian na la ning Dios.

Ding Dalit 83:10

Pete mu la karin king Endor, at ding bangke ra king gabun melaso la.

Ding Dalit 83:11

Yapus mu la kari Oreb at Zeeb ding pamuntuk da; yapus mu la ding komandanti ra kari Zeba at Zalmuna

Ecclesiastes 6:3

Mas mayap ya kabilian ing anak a mibait mete kesa king taung mika dinalan a anak at mebie makaba, oneng e naman metula king bie na at alang makipaglibing potang mate ya.

Jeremias 14:16

Makanyan la namang mate ding taung selitanan da kareting bage. Miyugse la ding karelang bangke karing dalan na ning Jerusalem at ala metung mang mangutkut karela. Iti ing mapalyari karela ngan pati na karing karelang asawa at anak. Papamayaran ku la king depat dang e mayap.

Jeremias 16:11

Sabian mu kanita karela king ing Ginu sinabi na, Gilutan da ku ding kekong makatua at sinamba la at sinuyu karing aliwang dios. Gilutan da ku at e da la tiparan ding utus ku.

Jeremias 16:4

Mate la karing makatakut a sakit at ala metung mang manangis at mangutkut karela. Mangari la ding bangke ra king dinat da ring animal a mitambak king gabun. Mate la king gera o king danup at maging pamangan da la ring ayup at ding malyap a animal ding bangke ra.

Jeremias 16:6

Mate ya ing mabandi at ing kalulu king bansang iti, oneng alang mangutkut o manangis para karela. Ala metung mang gumalus king sarili na o maniatsat king buntuk na ban ipakit na ing lungkut na.

Jeremias 19:13

Anti ing Tofet maging marinat la ngan ding bale ning Jerusalem at ding bale da ring ari ning Juda at pati na ding babo ding sablang bale nung nu la dinuluk insenso para karing batuin, at nung nu la mitugtug alak bilang ain karing aliwang dios.

Jeremias 22:19

Potang ikutkut de, anti kang mengutkut asnong mete; iguyud de at iyugse lual ding pasbul dalan ning siudad ning Jerusalem.

Jeremias 25:33

King aldong ita mikalat la ding bangke da ring taung pete na ning Ginu karing misusumangid nang wakas ning yatu. Ala metung mang manangis para karela at ala mang kuma ampon mangutkut karela. Manatili lang makakera king gabun a antimo ing mitambak a dinat ding animal.

Jeremias 31:40

Ing kabilugan a kapatagan nung nu ra la kukutkut ding mete at iyugse ing basura at ding sablang marangle babo ning Sapa ning Kidron at angga na king Pasbul dalan ding Kabayu dane aslagan, maging banal lang lugal para kanaku. E ne kapilan man pasibayung mabagut o malasak ing siudad.

Jeremias 36:30

Inya ngeni, aku, ing Ginu, sasabian ku keka, Aring Jeoiakim, king ala nang lahi mu a mag-ari king kayarian nang David. Miyugse ya ing bangke mu king lugal a tatangaran na ning aldo at ning yelu neng bengi.

Jeremias 9:20

Ngaku, Babae, pakiramdaman yu ing sasabian na ning Ginu, pakapakiramdaman yu ing keyang amanu. Turuanan yu lang manangis ding anak yung babai, at magkantang malungkut ding kakaluguran yu.

Jeremias 9:21

Dinatang ing kamatayan karing kekatamung awang, at linub karing palasyu tamu; gisan na la ding anak a atyu karing dalan, at ding kayanakan a lalaki king palengking karinan.

Jeremias 9:22

Nukarin man pakakalat lang bangke; anti lang dinat a makabuntun karing marangle, anti lang aptas a trigung likuan da ring papalut, at metung man alang mamulut. Iti ya ing pasabi na kaku ning Ginu para kekayu.

Ezekiel 29:5

Iyugse da ka king disyerto pati na ding asan a deta. Mipase ya king gabun ing katawan mu at e ya milibing. Paburen keng laklakan da ring ayup at ding animal ing bangke mu.

Ezekiel 39:5

Miragsa lang mate king marangle. Aku, ing Ginung Dios ing migsalita.

Ezekiel 6:5

Ikalat ku la ding bangke da ring memalen na ning Israel; ikalat ku lang makapadurut karing altar ding butul da.

Ezekiel 8:16

Inya dela na ku king patyu kilub ning Templo ning Ginu. Ketang lele ning piluluban king santuaryu, pilatan ning altar at ning balkun, atyu la ding maygit o kumulang aduang pulu't limang lalaki. Gugulutan de ing santuaryu at duruku lang mababa makayarap king dane aslagan; sasamban de ing saslag a aldo.

Zepania 1:17

Nganang sasabi ning Ginu, Paratang kung alang kalupang kasiran karing sablang tau angga king ing balang metung lumakad yang kakapkap a antimo ing taung bulag. Mikasala la kanaku, inya ngeni ing daya ra magus anti ing danum at muluk lang pakapase king gabun ding karelang bangke.

Zepania 1:5

Paten ke ing ninumang mumukiat king bubungan at sasamba king aldo, king bulan, at karing batuin. Paten ku la naman detang sasamba at susumpang katapatan kanaku, at kaybat gagawang kapangakuan king lagyu na ning kikilalanan dang dios a i Molek.

Ding Dapat 7:42

Oneng gilutan na la ning Dios at pepaburen na lang sinamba karing batuin na ning banua, antimo ing makasulat king libru da ring propeta, Balen Israel! E para kaku inya pete yu la at inain-sakripisyu ding animal king kekaban ding apat apulung banua keta king disyerto.

Deuteronomio 17:3

king kapamilatan na ning pamanyamba na at pamaniuyu karing aliwang kikilalanan dang dios o king aldo o bulan o karing batuin o king isanu pa man karing atyu king matas a banua a kakung babawal.

Deuteronomio 4:19

Mingat kayu pota lumawe kayu king banua at kaybat samban ye at suyuan ing aldo, ing bulan, ding batuin o ing isanu mang bage lelangan na ning Dios para king tau.