Jeremias 8:1 - Ing Mayap a Balita Biblia

¹ At king panaun a ita ilual la king kutkutan ding butul da ring ari at ding opisyal na ning Juda at antimu rin ding karing pari at ding karing propeta at ding aliwang taung menuknangan king Jerusalem.

Jeremias 8:1 Iomraidhean Croise

1 Ari 13:2

King utus na ning Ginu migsalita yang masikan iting propeta laban king altar. Ngana, Altar, altar! Oyni ing pasabi na keka ning Ginu: Mibait ya king pamilya nang David ing anak a mipamalagyuan Josias. Paten na la keti ding pari a miyayain ain-sakripisyu keka karing bunduk-bundukan, at silaban na la ding butul da ring tau babo mu.

2 Ari 23:16

King pamaglalawe na, ikit na la ding mapilan a pantiun karin king bunduk-bundukan. Pepakulkul na la ring butul at pepasilab na la king altar. King anti kaniting paralan ne lesakan ing altar, agpang king inula na ning propeta ning Dios king maluat nang panaun a milabas. King pamaglalawe na ikit nia namang Aring Josias ing pantiun na ning propetang minie king ula.

2 Ari 23:20

Pepapate na la ngan ding paring paganu karing mismung altar nung nu la susuyu, at pepasilab king balang altar ding butul mete tau. Kaybat na nita, mibalik ne king Jerusalem.

2 Ari 9:37

Misalbag yang anting dinat ning animal ing bangke na, inya ala metung mang makakilala king ya i Jezebel.

Ding Dalit 53:5

Oneng king takut galgal lang alang kalupa, uling ing Dios ikalat na la butul ding kalaban ning balen na; tinggian na la ning Dios.

Jeremias 14:16

Makanyan la namang mate ding taung selitanan da kareting bage. Miyugse la ding karelang bangke karing dalan na ning Jerusalem at ala metung mang mangutkut karela. Iti ing mapalyari karela ngan pati na karing karelang asawa at anak. Papamayaran ku la king depat dang e mayap.

Ezekiel 37:1

Dimdam ku king sarili ku king atyu ku king mayupaya nang arapan ning Ginu, at tinaid na ku ning espiritu na at dela king libutad na ning kapatagan a mitmu karing butul da ring tau.

Ezekiel 6:4

Malasak la ding altar at masira la ding altar a piyayainan insenso. Mate la ngan ding sablang tau king arap da ring karelang idolo.

Ezekiel 6:5

Ikalat ku la ding bangke da ring memalen na ning Israel; ikalat ku lang makapadurut karing altar ding butul da.

Amos 2:1

Ngana ning Ginu, Ulit-ulit lang mikakasala ding memalen na ning Moab. Uli na niti, siguradu ku lang parusan uling lepastangan da la at silaban ding butul na ning ari ning Edom angga king meging abu la.