Jeremias 5:3 - Ing Mayap a Balita Biblia

³ Manintun yang katapatan ing Ginu. Oneng e yu pinsinan agyang berug na kayu; lemutak na kayu, oneng e kayu migbayu. Masias kayu buntuk karing kekong kasalanan at e bisang gumulut.

Jeremias 5:3 Iomraidhean Croise

Genesis 19:34

Kabukasan sinabi na ning atsi king wali, Nabengi siniping ku kang tatang. Lasingan teng pasibayu ngening benging iti, at ika naman ing sumiping. Kanita ikatang adua mikayanak kata kang tatang.

1 Ari 13:33

Agyamang mepalyari na iti, e ya pa mu rin tinuknang darapat e ustu i Jeroboam. Sindu na mu rin ing pamanutuk nang pari a e ibat king lahi nang Levi; maski ninu na mung bisa malyari neng tulduan para karing altar a pepagawa na karing bunduk-bundukan.

2 Ari 1:13

Pepasibayu ne namang mitubud aliwang opisyal at limang pulung sundalus. Siniklaud ya ing opisyal king arapan nang Elias at nganang mekisabing mayap, Talasuyu ning Dios, malunus kayu sana kanaku at karing limang pulung sundalus ku. E mu sa paintulut ing mate kami king api!

2 Cronica 16:9

Lalawan ne ning Ginu ing mabilug a yatu ban saupan na la ding taung maki pusung tapat king Ginu. Inya manibat ngeni mibili kang parati king labanan uli na ning depat mung kamangmangan.

2 Cronica 28:22

Lalu yang meging e mayap i Aring Ahaz king panaun na ning kaligaligan na.

Ding Dalit 51:6

Katapatan at katutuan ing kekang panenayan; katmuan me sa king kekang kabiasnan ining kakung kaisipan.

Ding Dalit 51:8

Katmuan mu ku king tula at saya; agyamang pepasakitan mu ku't pepalasan, makanyan man tumula kung pasibayu.

Ding Dalit 55:20

Ing kakung kayabe-abe kakaluguran pigtaksilan na la; ya mismung sinira king pangaku na.

Ding Kasebian 21:29

Atin lang kompiansa ding matulid king karelang sarili, oneng ding taung e mayap dapat da pawang pamagkunwari.

Ding Kasebian 22:12

Ingatan na ning Ginu ing katutuan at e na paintulut magtagumpe ing kalaraman.

Ding Kasebian 23:35

Balamu pemalu da ku, ngamung sumabi; balamu bitbatan da ku, oneng ala na ku mang atatandanan. Kapilan ku lumino isip? Kabangun ku kailangan minum kung pasibayu.

Ding Kasebian 27:22

Agyang pukpukan me buntuk ing mangmang, mangmang mu rin ing keyang kaulian.

Isaias 26:11

E ra balu ding kekang kalaban king keka lang parusan. Ginu, ibili mu la king kamarinayan, at paburen lang misakitan; paburen lang magdusa king sidia mung parusa. Ipakit mu karela nung nu anti ing lugud mu karing pinili mung tau.

Isaias 42:25

Inya bilus na ing mikakalabkab nang mua, at misakitan la king bigsikan ning gera. Anting aping milalablab king mabilug a Israel ing mua na, oneng e tamu bitasang aintindian ing mangapalyari; e tamu bitasang mekapagaral kaniti.

Isaias 48:4

Balu ku kanita pa ing pakit mung masias ka buntuk; masias anting bakal, at e anting tangsung abayutuk.

Isaias 9:13

E la sinisi ding tau ning Israel agyang perusan na la ning Ginung Mayupaya. E la pa mu rin mibalik a lub king Ginu.

Jeremias 15:7

King balang balen ning bansa anti kayung are a silbag ku king angin. Taung kakung pinili, lesak da kayu at pete ding anak yu, uling e kayu tinuknang king dapat yung e mayap.

Jeremias 17:23

E ra ku pekiramdaman ding karelang makatua ni minie pansin. Meging masias la buntuk; e ra ku buring pamintuan ni mebiasa king tiru ku karela.

Jeremias 19:15

king ing Ginung Mayupaya, ing Dios ning Israel, sinabi na, Iparala ku king siudad a iti at king balang makasiping a balen ing sablang parusang sinabi kung daptan ku, uling masias kayu buntuk at e bisang makiramdam king sasabian ku.

Jeremias 2:30

Perusan da kayu, oneng iti e mekakayap kekayu; e yu buri ing sasabianan da kayu. Anti kayu king mabangis a leon, pete yu la ding kekong propeta.

Jeremias 3:3

Iti ya ing sangkan nung inya e minuran at e bitasang minuran agyang king panaun ning kauran. Pati itsura mu lupang babaing magtinda king katawan na; tutu na kang alang marine!

Jeremias 32:19

Mayap la ding kekang tatangka at darapat kang mangaragul a bage; akakit mu ing sablang daraptan da ring tau at ablasan mu la agpang king pamibiebie ra at dapat.

Jeremias 35:13

sinabi na kanaku ing mako ku at sabian karing memalen na ning Juda at Jerusalem ing anti kaniti: Aku, ing Ginu, kukutang ku nung ba't tinanggi kayung makiramdam kanaku at e memintu karing utus ku.

Jeremias 44:10

Oneng angga ngening aldong iti e kayu pa migpakumbaba. E kayu tatakut kanaku ni mibiebie agpang karing sablang kautusan a binie ku kekayu at karing makatua yu.

Jeremias 7:26

Makanyan man, ala metung man a mekiramdam o minie pansin. Lalu kayung meging masias a buntuk at mapaglaban kesa karing makatua yu.

Jeremias 7:28

Sabian mu karela king ing karelang bansa e ya mamintu kanaku, ing Ginung karelang Dios, ni mabibiasa king parusang dagpa karela. Mewala na ing katapatan. E re man babanggitan iti king karelang pamipagsalita.

Jeremias 8:5

Obat mo, O taung kanakung pinili, gilutan yu ku at e kayu bisang magbalik kanaku? Pakakalawat yu ing talan yu karing kekayung idolo at e kayu bisang magbalik kanaku.

Ezekiel 2:4

Masias la buntuk at e ra ku gagalangan, inya tutuburan da ka ban sabian mu karela itang buri kung sabian karela bilang Ginung Dios.

Ezekiel 24:13

Jerusalem, dinatan da ka ring dapat mung imoral. Agyang migkapilit kung linisan da ka, makanyan man menatili kang marinat. E na ka pasibayung maging malinis anggang e mu panamdaman ing bigsikan na ning kanakung mua.

Daniel 9:13

pepagpa mu la ngan kekami ding parusang misulat king Batas nang Moises. Agyang ngeni, O Ginung kekaming Dios, e ke migkapilit para pamatulan da ka king kapamilatan ning e mi pamangawang kasalanan o king pamanuki mi king katutuan mu.

Levitico 26:23

Nung kalabas da reting parusang deti e kayu pa mu rin makiramdam kaku at magmasias kayu pa mu rin a lub laban kanaku,

Amos 4:10

Peparatang kung pesti kekayu antimo itang peparatang ku king Ehipto. Pete ku la ding kayanakan yung lalaki king labanan at kinua ku la ding kekong kabayu. Kitmuan ku la ding kekong arung king buluk da ring bangke libutad da ring kekong kampu. Makanyan man e kayu migbalik lub kanaku.

Amos 4:11

Pete ku la ding mapilan kekayu antimo ing depat ku karing tau na ning Sodoma at Gomorra. Mengari la ding mitagan kekayu king milalablab a dutung a mesagip king silab. Makanyan man e kayu pa mu rin migbalik-a-lub kanaku, nganang sasabi ning Ginu.

Amos 4:6

Aku ing peparatang danup karing sabla yung siudad, makanyan man e kayu migbalik lub kanaku.

Amos 4:8

Uli na ning maina na la king kau, minta la ding dakal a tau da ring siudad king metung a siudad nung nu ra asahan ing manakit lang danum, oneng e mekagyu karela. Makanyan man e kayu migbalik lub kanaku.

Amos 4:9

Peparatang kung angin a mapali ban malanat ing kekong tanam. Gisan da lang pengan ding durun ding kekong mulahan at tamnanan ubas ampon ding kekong tanaman a higera at olibo. Makanyan man e kayu mu rin migbalik-a-lub kanaku.

Zepania 3:7

Bala ku kanita king mika takut la kanaku ding taung kanakung pinili at tanggapan da na ing kanakung disiplina, king e ra na bitasang kalinguan ing aral a tiru ku karela. Oneng e melambat migbalik la king sadiang dapat dang e mayap.

Roma 2:2

Balu tamu king e ya magkamali ing Dios potang atulan na la ding taung darapat karing anti kareting bage.

Hebreo 12:9

Bukud pa kanyan, ding tata tamu king laman didisiplinan da katamu, at uli na nian igagalang ta la. E wari lalung matulid ing pasakup tamu king Dios a Ibpa tamu king espiritu ba tamung mie?