Jeremias 5:2 - Ing Mayap a Balita Biblia

² Agyang sasabian yung sasamban ye ing Ginu, e naman laus king lub yu ing kekong amanu.

Jeremias 5:2 Iomraidhean Croise

Isaias 48:1

Memalen ning Israel, iti kekong pakiramdaman, ikong ibat king lahi nang Juda: Susumpa kayu king lagyu ning Ginu, at sasabian yu king sasamban ye ing Dios ning Israel, oneng ala kayung tututuanan metung man king kekong sasabian.

Jeremias 4:2

maging matulid at ustu para kekayu ing sumpa kayu king kapamilatan na ning lagyu ku. Ding sablang bansa kanita aduan da kanaku ing bendisyunan ku la at ila purian da ku.

Jeremias 44:26

Oneng ngeni, aku, ing Ginu, pakiramdaman yu ing panata a gewa ku king mayupaya kung lagyu para kekayung sablang Israelitang manuknangan king Ehipto. E ku na kapilan man paintulut kenu man kekayu ing gamitan ne ing lagyu ku king pamangawa nang panata king kapamilatan na ning pamagsalitang anti kaniti: Susumpa ku king lagyu na ning Ginung Dios a mabie!

Jeremias 7:9

Manako kayu, makamate kayung kalupang tau, makipangalugud kayu, magsalita kayung kalaraman, babie kayung ain-sakripisyu kang Baal, at sasamba kayung aliwang dios a e yu balu.

Jeremias 9:2

Sana atin kung tuknangan king disyerto nung nu ku la asalikutan ding kabalen ku. E la ngan tapat, taksil la ngan.

Hosea 10:4

Ala lang daraptan nung e mu bukud magsalita at e tutupad karing pangaku ra at karing kasunduan a tatatag da. Meging baluktut ing hustisia; mengaring dikut a makalasun king mesarul a gabun.

Hosea 4:15

Agyang e kayu tapat kanaku, ikayung memalen na ning Israel, ing Juda sana e ya mikasalang kalupa na ning kekayu. E kayu pupuntang sasamba king Gilgal o king Betaven, at e kayu gagawang pangaku karin king lagyu na ning mabie Ginu.

Levitico 19:12

E kayu mangaku king kapamilatan na ning pamangamit king lagyu ku, nung e yu mu rin tuparan ing pangaku yu; kalapastanganan iti king lagyu ku. Aku ing Ginu.

Zepania 1:5

Paten ke ing ninumang mumukiat king bubungan at sasamba king aldo, king bulan, at karing batuin. Paten ku la naman detang sasamba at susumpang katapatan kanaku, at kaybat gagawang kapangakuan king lagyu na ning kikilalanan dang dios a i Molek.

Malakias 3:5

Sasabian na ning Ginung Mayupaya, Lunto ku libutad yu ban ukuman da kayu at magtestigu kung agad laban karing darapat pamagsalamangka, karing makipangalugud, karing magsalitang kalaraman, karing mamirait karing katuliran dang upa ding magobra da at karetang magsamantala karing babaing mebalu, karing ulila, karing dayuan, at antimu rin karing sablang e gagalang kanaku.

1 Timoteo 1:10

Megawa la munaman ding kautusan para karing taung makipangalugud, karing makipangatawan karing kalupa dang lalaki o babai, karing manguang tau, karing malaram, at mapamikudta o darapat aliwa pang salungat king mayap a doktrina.

2 Timoteo 3:5

Papakit da king relihiosu la, oneng e mu naman akit king bie ra ing upaya na ning kabanalan. Pangilagan mu la ding taung anti kareti.

Tito 1:16

Sasabian da king balu re ing Dios, oneng palaraman na la ning dapat da. Tau lang pikakasaman at mapaglaban, inya e mu la ayasahan.