Jeremias 5:1 - Ing Mayap a Balita Biblia

¹ Memalen ning Jerusalem, mamulayi kayung pabalikbalik karing dalan! Maglalawe kayu at magumasid! Pakalawe yu! Salugsugan ye ing palengki ban lawan nung ating metung mu mang taung darapat king matulid, at magkapilit maging tapat king Dios. Nung atin kayung akit, patawaran ne ning Ginu ing Jerusalem.

Jeremias 5:1 Iomraidhean Croise

1 Ari 19:10

Nganang mekibat, Mangatmu kung katapatan keka, O Ginung Dios a Mayupaya. E re tiparan ding memalen ning Israel ing kasunduan a gewa mu karela, lesak da la ring altar mu, at pete ding propeta mu king kapamilatan na ning espada. Aku na mu ing mitagan at panintunan da ku pa ban paten.

2 Cronica 16:9

Lalawan ne ning Ginu ing mabilug a yatu ban saupan na la ding taung maki pusung tapat king Ginu. Inya manibat ngeni mibili kang parati king labanan uli na ning depat mung kamangmangan.

Ding Dalit 12:1

O Ginu, sumaup ka, uling maka-Dios a tau ala na; taung tapat ala nang mitagan.

Ding Dalit 14:2

Manibat banua ing Ginu maglalawe ya; lalawan na karing taung lelangan na nung atin pang biasa, at sasamba arap na.

Ding Dalit 14:3

Oneng ding sabla melili la ngan king dalan, pawa ngang e mayap ing karelang gagawan. Metung man alang darapat kayapan.

Ding Dalit 94:16

Ninu ing tinalakad para kaku laban karing e mayap a tau? Laban karing darapat kasalanan ninung sinaup kaku?

Ding Kasebian 20:6

Ing metung at metung sasabian na ing katapatan na, oneng manakit ka kayang taung apanaligan?

Ding Kasebian 23:23

Ing katutuan, kabiasnan, pegaralan, at mayap a ugali mayap lang pigastusan, oneng tutu lang mal, inya e mo paburen.

Ding Kasebian 8:3

Atyu karin king piluluban king siudad, karing lele pasbul dalan. Nganang mamaus:

Ing Malagung Diling Kanta 3:2

Mibangun ku at penintun ke karing dalan at suluk ning siudad, oneng e ke ikit ing kakung pakamalan.

Isaias 59:4

Ala na kayu king matulid, makanyan man pupunta kayu pa mu rin king husgadu. Manalig kayu king kalaraman ba yeng apapaniambutan ing kasu yu. Gagampanan yu ing tingka yung makapanasakit karing aliwa.

Jeremias 2:29

Nanu ing kekong sasaingsing? Baket linakan kayu laban kanaku?

Jeremias 44:15

Kanita ding sablang lalaking makibalu king ding karelang asawa minie lang ain-sakripisyu karing aliwang dios at ding sablang babaing pakatalakad karin pati na ding Israelitang menuknangan king Patros dane mauli ning Ehipto. Sinabi na kanaku ning maragul a katipunan ding tau,

Jeremias 8:6

Pekiramdaman da kayung masalese, oneng e yu naman sinabi ing katutuan. Ala pang sinisi metung man kekayu king e mayap a depat na; ala metung man kekayu a mengutang, Nanu ing depat kung pamikasala? Susulung na ning balang metung ing sarili nang lakad, ala yang pamiyaliwa king kabayung sasagasa king labanan.

Jeremias 9:2

Sana atin kung tuknangan king disyerto nung nu ku la asalikutan ding kabalen ku. E la ngan tapat, taksil la ngan.

Jeremias 9:7

Sasabian na pa ning Ginung Mayupaya: Dalisayan ku lang anti ing bakal, at ibili ku la king kapagsubukan. Dinapat lang e mayap. Nanu pang kakung daptan para karela ngan?

Ezekiel 22:30

Menintun kung agyang metung mung tau a malyaring makatalakad metung a pader, itang malyaring makatalakad tulid da ring pader a metibag ban karin idipensa ne ing bansa potang ing mua ku lasakan ne. Oneng e ku menakit.

Ezekiel 9:9

Nganang mekibat, Dinapat lang tutung maragul a kasalanan ding memalen na ning Israel at Juda. Dinapat lang pamakamate tau king mabilug a bansa at kitmuan deng krimen. Sasabian da king aku, ing Ginu, gilutan ke kanu ing bansa at king e ku la kanu akakit.

Daniel 12:4

Ngana kanaku, At ngeni, Daniel, isara mu ne ing libru at dinan meng selyu a e masira angga king kawakasan ning yatu. Dakal la ding tau a siran da ing karelang agyu king pamagkapilit dang paki-intindian ing bage mangapalyari.

Joel 2:9

Mabilis lang lulub king siudad, lulundagan da lang pader a matas; bale karela lang papanikan, at anti lang mapanako daralan karing awang.

Amos 8:12

Gumala la ding tau manibat king Dagat a Mete angga king Mediteraneo, at manibat king dane norti angga na king aslagan. Gumala la keni at karin king pamanintun da king amanung manibat king Ginu, oneng e ra akit iti.

Zacarias 2:4

Ngana ning minunang anghel king aliwang anghel, Mulayi ka at sabian mu ketang baintaung ating tatalnan a paniukad king mika tutung dakal a tau at baka king Jerusalem angga king mangari ya karing baryung alang bakud a pader.

Lucas 14:21

Mibalik ya ing ipus at belita na iti king panginuan na. Mimua ya iti at sinabi na king ipus na, Munta kang malagua karing dalan at pigulut na ning siudad at idala mu la keti ding kalulu, ding lumpu, ding bulag, at ding pile.

2 Tesalonica 2:10

At gamitan na ing miyayaliwang paralan na ning pamaglinlang karing mipapahamak; miligtas la sana deti, nung tinggap da mu at liguran ing katutuan.