Jeremias 48:3 - Ing Mayap a Balita Biblia

³ Kukulisak ding memalen ning Horonaim, Katampalasanan! Kasiran!

Jeremias 48:3 Iomraidhean Croise

Isaias 15:2

Mukiat la king bunduk-bundukan ding memalen na ning Dibon ban manangis king santuaryu karin. Tatangisan da la ring memalen na ning Moab ding siudad ning Nebo at Medeba; kinalbu da la ring buntuk da at lebahas ding balbas da uli na ning kalungkutan da.

Isaias 15:5

Masisindak ya ing pusu ku para king Moab! Tinakas la ding memalen at minta la king Zoar at king Eglat Selisiya. Dinalan la ding aliwa king dalan paukiat king Luhit; manangis la kabang dalan. Tinakas lang minta ding aliwa king Horonaim, ngungulangul lang masikan.

Isaias 15:8

Mararamdam ing saingsing nu man karing suluk na ning Moab. Mararamdam angga karing balen na ning Eglaim at Beerelim.

Isaias 22:4

Ngeni, lakuan yu kung dili-dili ban manangis kapait-paitan uli da ring mete kung memalen. E yu na ku sana aruan.

Jeremias 20:16

Mangari ya sa itang lalaking ita karing siudad a lesak nang alang lunus ning Ginu. Sana damdaman na neng abak ing saingsing ning kaplas, at king kaugtuan ing inge ning labanan,

Jeremias 47:2

Ngana: Lawan mu! Ing danum king norti daragul, at mamagus anti ing ilug a disnan ning albug. Takpan ne ing bansa at ing sabla-sabla, ding siudad at ding memalen karin manuknangan. Maniawad lang saklolu ding tau; tumangis yang kapait-paitan ing balang tau ning yatu.

Jeremias 48:34

Kukulisak la ding memalen na ning Hesbon at Eleale at mararamdam ing kulisak da angga king marayung Jahaz; daramdaman da ring memalen na ning Zoar at mararamdam angga king Horonaim at Bayung Eglat. Melangi ya at pati na ing Batis ning Nimrim.

Jeremias 48:4

Ing Moab melasak ya; pakiramdaman yu ing tangis ding anak na.

Jeremias 48:5

Pakiramdaman yu ing karelang siguk karing lele ning dalan paukiat king Luhit, ing saingsing ding magigipit king dalan pababa ning Horonaim.

Jeremias 51:54

Ngana ning Ginu, Pakiramdaman yu ing inge ning tangis karin king Babilonia, ing tagulele tungkul king kasiran king bansa.